ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉73🐉ကြွက်

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (73)
ကြွက်

စိတ်ထဲမှာ ပထမဆုံး တွေးမိတာက ကြွက်တွေရှိနေတာလားဟုပင်။ ယခုလို တောင်ပေါ်ရွာတွင် စွန့်ပစ်ထားသော သစ်သားအိမ်များသည် ကြွက်များအတွက် သုခဘုံဖြစ်သည်။ ဒါပေမဲ့ အခုနတုန်းကပဲ ပစ္စည်းတွေကို လှန်ကြည့်လိုက်တော့ ကြွက်ခြေရာတွေကို မတွေ့ခဲ့ရတဲ့အတွက် နည်းနည်း အံ့သြသွားသည်။

အစောက ဖက်တီးရဲ့ ကြမ်းပြင်ပေါ် ခေါက်သံကြောင့် ၎င်းတို့ ထိတ်လန့်ပြီး တွားထွက်လာတာ ဖြစ်နိုင်သည်။ ကုတင်အောက်ကလွဲလို့ နေရာတိုင်းကို ခေါက်လိုက်တဲ့အတွက် အဲဒီမှာ သွားပုန်းနေတာ ဖြစ်နိုင်လေသည်။

ဒီလိုအခြေအနေမျိုးကို ဝူရှဲ့အနေဖြင့် မမျှော်လင့်ထားပေ။ သံသေတ္တာ အကိုက်ခံရမှာကို မကြောက်ပါဘူး။ ဒါပေမဲ့ ကြွက်တစ်ကောင်က ဝင်တိုးပြီး သော့ကို ဖြုတ်မိလိုက်ရင် အန္တရာယ်ရှိနိုင်တယ်လေ။

ဝူရှဲ့ အနည်းငယ် စိုးရိမ်နေသဖြင့် လျှို့ဝှက်ခန်းဆီသို့ ချက်ချင်း တွားသွားကာ ကြွက်ကို ခြောက်နိုင်အောင် ကြမ်းပြင်ကို နှစ်ကြိမ်ခန့် ပြင်းပြင်းထန်ထန် ပုတ်လိုက်သည်။

သူ ကြမ်းပြင်ကို ရိုက်လိုက်တဲ့အခါမှာတော့ ကြောက်စရာကောင်းတဲ့ နေရာတစ်ခုလို့ ထင်ရပြီး လှုပ်ရှားသွားလာမှုတွေ အများကြီး ရှိမယ်လို့ ထင်ပေမယ့် ပျဥ်ချပ်​တွေအောက်မှာ ကြွက်တွေ ပြေးထွက်လာတာမျိုးတော့ မရှိပါဘူး။ လူသားများနှင့် အတူနေထိုင်သော ဤတိရစ္ဆာန်များသည် အလွန်ထက်မြက်ပြီး အခြေအနေကို ၎င်းတို့ကိုယ်တိုင် အဆုံးအဖြတ် ပေးနိုင်သည်။ ဒါကြောင့် အတွင်းထဲတွင် ပုန်းအောင်းနေခြင်းထက် ခုန်ထွက်ခြင်းထက် ပိုလုံခြုံသည်ဟု ထင်ပေလိမ့်မည်။

ဝူရှဲ့ ကြွက်တွေကို မကြိုက်ပေ။ အထူးသဖြင့် ဒီမှာကြွက်တွေက တော်တော့်ကို ရက်စက်ပြီး လူတွေကို ကိုက်ဖို့ အစပြုနိုင်တဲ့ တောင်ကြွက်တွေတောင် ဖြစ်ကောင်းဖြစ်နိုင်သည်။ ဝူရှဲ့မှာ သစ်သားဘုတ်တွေကို ဖောက်ထွက်ဖို့ မဝံ့မရဲဖြစ်နေပြီမို့ ဖက်တီးက လာကူညီပေးဖို့ ဆော်ဪလိုက်သည်။