ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar
Chapter (31)
တတိယည - အလောင်းဖျောက်
အလောင်းတွေကို နောက်တစ်ခါ ပြန်ကြည့်လိုက်တော့ ဒီအလောင်းတွေဟာ ရေစိမ်ထားတာကြောင့် မီးခိုးရောင် ပြောင်းသွားတာကို တွေ့ရပေမယ့် ရွှံ့ရေထဲမှာ စိမ်ထားတာ သိပ်မကြာသေးတဲ့ပုံပဲ။ ဒါကြောင့် သေထားတာ သိပ်မကြာသေးဘူး ဆိုတာ ထင်ရှားပါ၏။ ရွှံ့ရေထဲမှာ စိမ်ပြီးနောက် ခန္ဓာကိုယ်က ဖြူမသွားဘဲ အနည်းငယ် ပြာသွားတာက ထူးဆန်းနေသည်။
ဤနေရာတွင် လူသေများစွာ ရှိပြီး သူတို့အားလုံးသည် မကြာသေးမီကမှ သေဆုံးသွားခဲ့ကြကာ ဦးလေးသုံး၏ လူများပင် ဖြစ်ပေလိမ့်မည်။ လူသူကင်းမဲ့တဲ့ စခန်းကို တွေးကြည့်ပြီးနောက် ဝူရှဲ့ တုန်တုန်ယင်ယင် ဖြစ်လာသည်။ ဒီလူတွေကို ကြက်အမောက်မြွေက ကိုက်ပြီး ဒီနေရာရောက်အောင် ပို့ဆောင်ခဲ့တာ ဖြစ်လိမ့်မည်။
ဒီလူတွေဟာ မတော်တဆမှု ဖြစ်ဖူးတဲ့ ပထမဆုံးသူတွေလား ဒါမှမဟုတ် အသက်ရှင်ကျန်ရစ်ခဲ့တဲ့ ဦးလေးသုံးရဲ့ လူတွေလား။ သူတို့အထဲမှာ ဦးလေးသုံးရော ရှိလား စသည်ဖြင့် ဝူရှဲ့ခမျာ အတွေးပေါင်းစုံဖြင့် ခေါင်းကိုက်သွားတော့သည်။
အခုနတုန်းက ကြားလိုက်ရတဲ့ တတိယ သခင်လေးဆိုတဲ့ ငိုသံကို ရုတ်တရက် တွေးမိသွားသည်။ သူ တွေးလိုက်မိတာက အဲဒီလူက သူ့ကို ခေါ်နေတာ မဟုတ်ဘူး။ ဒီနေရာကို ဖော်ထုတ်ပြီး လမ်းပြပေးချင်တဲ့ တစ္ဆေတစ်ကောင်က သူ့ကို ဆွဲဆောင်ပြီး ခေါ်လာတာလားဟုပင် စဥ်းစားမိပြန်၏။
နှလုံးခုန်သံက အရမ်း ခုန်နေပေမယ့် နာရီရဲ့ အပြာရောင် အလင်းတန်းလေး ပျောက်ကွယ်သွားတဲ့အခါ ပတ်ဝန်းကျင် တစ်ခုလုံးက အမှောင်ကျသွားပြန်သည်။
ဝူရှဲ့ လက်ပတ်နာရီကို ပြန်ဖွင့်ပြီး အလောင်းရဲ့ အိတ်ကပ်တွေကို ကိုင်ကြည့်လိုက်သည်။ ရေစိမ်နေပြီဖြစ်တဲ့ သူ့ဘောင်းဘီအိတ်ထဲက ပိုက်ဆံအိတ်ကို ဆွဲထုတ်လိုက်သည်။ ထို့နောက် ကျောက်နံရံဘက်ကို ပစ်ပေါက်ကာ စမ်းသပ်လိုက်သော်လည်း ပထမတစ်ချက်မှာ ပစ်တာ မထိပေ။
YOU ARE READING
ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6
رعبVolume 4 အစကို ရှေ့ book မှာ ဖတ်ပေးပါ Volume 4 အစကို ေရွ႕ book မွာ ဖတ္ေပးပါ
