Enemy vs Enemy | ✓

Enemy #30

(Following me here in watty won't kill you, hehe.♡)

Lindy's POV

Tapos na ang orientation kaya naman pumunta na ang lahat ng freshmens sa kanya-kanya nilang rooms, syempre pati kami. Sama-sama kaming mga Bus.Ad class na naglalakad papunta sa aming room na talaga namang masasabi kong napakalayo mula sa auditorium.

“Lindy, ang ganda niya no?” — bulong sa akin ni Bonnita habang naka-turo kay Sofia na kasalukuyan ay nakahawak sa braso ni Jao habang naglalakad sa harapan namin.

“Ah, oo hehe.” — ngiting baton ko sabay tingin kay Sofia mula ulo hanggang paa. Ang ganda nga naman talaga nito kung tutuusin, kaso may pagka-btch lang talaga ang ugali, hindi ko nga alam kung nagkakataon lang ba na bad mood siya pag ako yung kausap niya o talagang may secret anger ito sa akin. Hmm.

“Kilala mo ba sila? Parang ang ganda kasi ng lahi nila eh hehe, lalo na yung guy.” — kinikilig na bulong ni Bonnita.

“Ah oo, kababata ko silang dalawa. Yung babae si Sofia yan, tas yung lalaki naman si Jao, bestfriend ko yang si Jao.” — bulong ko ulit kay Bonnita habang patuloy paring naka-tingin sa kanila.

“Talaga kababata mo sila? Ang galing naman, tapos bestfriend mo pa yung isa hehehe.” — natutuwang baton ni Bonnita. “Mag-jowa ba silang dalawa?” — tanong nito ulit.

“Ha? Naku hindi, magkaibigan lang rin yan sila.” — medyo malakas na sambit ko kaya naman bigla kong nakagat ang labi ko dahil dito. Halata kasing narinig rin iyon ni Sofia dahil napa-lingon ito sa gawi namin.

Magtatanong pa sana ulit si Bonnita ng bigla ko itong senyasan na mamaya nalang. Pagkarating naman namin sa aming classroom ay nag-kumpulan ang mga kaklase ko sa bawat isa na halatang nakikipag-kilala, habang ako naman ay patuloy paring kinakausap ni Bonnita.

Maya-maya pa ay nag-hanap na kami ng mga kanya-kanyang upuan, by two's ang arrangement ng mga upuan kaya naman ay kailangan mong mag-hanap ng magiging ka-seatmate mo. Napatingin ako sa gawi ni Jao at nakita siyang papa-upo na sa second row ng mga upuan malapit sa may bintana, lalapit na sana ako sa tabi niya para makipag-seatmate sa kanya ng biglang ilapag ni Sofia yung bag niya sa upuan.

“Oopps, I came first.” — naka-ngiting saad ni Sofia habang naka-titig sa akin. Inilibot ko naman ang ulo ko para sana maghanap ng ibang upuan ng makitang halos lahat ng mga kaklase namin ay naka-upo na. Pati si Bonnita ay nakita kong may seatmate nang lalaki. Hays.

“Uhm, I can change seat naman para kayong dalawa nalang ang maging magkatabi.” — sambit ni Jao na akmang tatayo na sana ng bigla siyang pigilan ni Sofia.

“But Jao, I want you to be my seatmate.” — naka-pout na sambit ni Sofia habang nakatitig kay Jao. Halata namang nalito si Jao dahil nagpa-balik balik ang pag tingin nito sa akin at kay Sofia.

“Ah, okay lang, maghahanap nalang ako ng ibang seats.” — naka-ngiting saad ko kay Jao atsaka tumalikod na.