عشق محرم

الحلقة 1

مريم أخرج جيب الخبز ما بقاش عنا راو يبس برشا لي مزال معاش يتاكل
أمي ياخي منين شنجيبو أنا الخبز حتى 200 فرنك ما عنديش
ماني ٱمس لقيت 500 فرنك طايحة
مشات تجري مرريم لجدايتها فرحانة
ياا بلحق أمي وين و كيفاش لقيتها ياا بلحق
تي لقيتها و كهو أخرج إشري خبزة
أمي خبزة كهو
إي بنتي خبزة تكفينا أنا وياك و هاو عندي طرف حليب و زيتون ناكلوهم معاه خلي لباقي نشريو بيه خبزة أخرى غدوة ما ترصيلناش ناكلو في البايت و كان مزلت جيعانة أشرب الماء قالتها و هبطت راسها 

هزت مريم ال500 و مشات.....
أقرب كوشة لدار مريم بعيدة شوية و لازمها تمشي خاطر معدتها تهرات مالخبز لي عندو جمعتين لي يتبل بالماء ولا بالحليب  باش تنجم تمغضو

مريم بنية مزيانة برشا العينين خضر الشعر أشقر فمها روز ستيلها يفلڨ ماهياش طويلة برشا عمرها 18 سنة بوها وأمها خلاوها صغيرة كي توفاو و رباتها جدايتها عَيْشَة جدايتها ما في حالهاش مرا مريضة تاعبة و مكملة و ما عندهمش فلوس كان دبرت مريم خدمة في دار هاني تنظف و تروح و يباتو متعشين سنن حالتهم تاعبة برشا مريم ما كانتش هكا كانت دلولة ماماتها و باباتها عاشت معاهم 10سنين كانت البنية الوحيدة لي ماليتلهم دنيتهم بوها سي الفاضل العايشي عندو أكبر الشركات و المعامل في دبي وأمها مدام سهام السالمي عندها شركة من أكبر و أضخم 5 شركات تاع parfums في فرانسا شركة متاعها تسمات على لقب راجلها العايشي و هكاكا ولات شركات العايشي الكل مشهوىة ومعروفة عايلة العايشي من قبل معروفة أما الفاضل حب يعرق بجبينو موش بلي بناووه أجدادو عيشتهم كانت في بريطانيا في قصر أقل ما يقال عليه إنو قصر تقول رؤساء دولة كانو برشا مشهورين و شهرهتم عمال و تكبر و خيرهم و فلوسهم عمال وتزيد في ليلة ونهار أمها و بوها إختفاو و مريم وصلوها رجال لتونس لدار جدايتها و قالولها لي القصر تاعم تحرق و أمها و بوها ماتو عيْشَة ما كانتش عندها إتصال ببنتها خاطر موش موافقة على عرسها من عايلة العايشي الي قتلولها أحمد راجلها و عشير عمرها على قد ما حبت تفهمها سهام و تبررلها إلي الفاضل ما عندو حتى دخل في قتل بوها أحمد ولي جدو و جدايتو هوما لي عملو موش هو أما شي عايشة ما حبتش تسمعها و قتلها بلي لكلهم دم واحد لكلهم سلالة العايشي العايلة لي كانو ناقمين على أحمد و يكرهوه كره العمى
مريم عاشت مع جدايتها 8 سنين على هذاكا تعيطلها ماما مريم كملت الباك و تستنى في النتيجة كانت و هي تقرى تخطف روحها في أوقات فراغها تشوف دار تنظفها و كان دبرت دار تخدم فيها يباتو متعشين ما كانش يباتو بلاش
كانو عاشين في دار صغيرة بيت و صالة كوجينة و توالات 2ديڥون وفرش صغيرة في الصالة و تلفزة و بيت مريم فيها فرش و بص كوافوز كانو مستورين و حامدين ربي