- رحمة أخوكِ كان فين امبارح؟
قطمت حته خيارة - خرج مع واحدة حلوة حبتين كدا، بصراحه يا دنيا احلى منك.
- رحمه!!
- يعني أكدب، اشيل ذنوب يا ولاد؟
- كدابة متصدقيهاش.
- أنا كدابة؟ مسم دا انا العيبة متطلعش منى، تقول بكدب الله يسامحك يا ابن امى.
- أنا ابن امك وابوكى علفكرة يعني عيب كدا.
- دنيا اشتكت لابوك وهيسمعك احلى محاضرة عن الأخلاق والانضباط فبحضرلك له.
- الله يطمنك.
بص لدنيا - والله ما حصل.
مبصتلوش هى فقرب منى - لمى الله وهديكى ١٠٠ جنية.
- والتيشرت الكحلى بتاعك.
- اشمعنا؟
- يلزمني ليك فيه؟ اوعى تكون معترض، والله شكلك معترض، طب بصي بقي بصراحة يا دنيا..
- ششش خلاص غورى بيه في داهية.
- اغور؟
- قصدى خوديه يا قلبي ودوبيه في عرق العافية
- مقرف
- بتعلم منك.
اتنهدت وبصيت لدنيا - يا بنتى هو احمد حب ولا هيحب زيك.
احمد قال - عمره والله.
- هو فيه علي لسانه غير دنيا راحت دنيا جت.
- بقيت مجنون دنيا
همستله - كدا بدأنا نأفور، ودمك تقل وشمت فيك ريحة الكدب، شفت قرفت منك ازاي يا نتن؟
- احم لاحظت، خلاص كملى أنتِ.
- يا دنيا طب والله...
- ها؟
- مش فاكرة، بس اكيد فيه حاجة يعني مهمه كنت هقولها.
- منك لله يا رحمه
- بس يالا، معلش يا دنيا خليها عليا المرادى.
بصتلنا بشك - والبت الحلوة الي خرج معاها؟
- كانت تايهه وعرفها الطريق بس.
احمد أكد بتسبيل - اه والله بس.
قرصته - ولااا متسبلش لصاحبتي احسن لك.
دنيا وأحمد اخويا مخطوبين من فترة طويلة هما زي السمن علي العسل بس اكمن اخويا لعوب في نفسه فمحتاج دايمًا الي تقف له، زيي كدا يعنى.
- مساء الخير
- اه وصل النور؟ طيب كام من فضلك؟
- أنا..
- معلش بسرعة بس علشان الاكل علي النار الله يكرمك
- يا أنسه..
قولت بسرعة - هو احنا لسه هنتعرف! بقولك التقليه علي النار وهتتحرق و ....
- زين؟ تعالى اتفضل يا جدع واقف على الباب ليه؟
زين؟ زين صاحبه الي بيحكى عنه؟ احيه أنا عملت اية؟
- احم، اتفضل.
دخل بيدارى ابتسامته وبيسلم علي احمد وانا تقهقرت لورا مثل السلحفاء وجريت لجوا بسرعة.
- بقولك قمر، محصلش، حاجة كدا مقرمشة.
- ميعرفكيش.
- هيحبني
- مبصش نحيتك حتى.
- وهيبقى عندنا بيت كبير
- معبركيش والله
- واعمل بقي بلكونه كبيرة فيها زرع و ورد وانبسط.
- عرفتي عنه حاجات كتير يعني؟
- عرفت حاجات كتشيييير اوي، عرفت أنه طيب عرفت أنه رقيق عرفت أنه ابن ناس وصاحب اخويا، عرفت حاجات كتيشر اوي.
- ومش خايفة يطلع بيحب، ناوي يخطب، خازوق جديد مثلا؟
- هه.. اوريكى صورته الجديدة؟
من بعد ما زار بيتنا اول مرة، وتقولوا الانثي الي جوايا مصدقت! هو اينعم مش هحب اي راجل والسلام كدا، لكن قوة تحمله ولطفه وأدبه وشوية حاجات انا معرفش عنها حاجه هي الي شدتنى له.
- بطلي تراقبيه يختي الاكونت بتاعك بيظهرله ف pepole you may know هتفضحى يختى، سيرتك هتبقي علي كل لسان يختى.
- هو انا عبيطة علشان اراقبه في صمت واتقفش
- دي صاحبتى الناصحة دي.
- أنا بعتله ادد.
- طيب مش تقولـ... أية؟
- بصراحه كدا مقدرتش علي بعده، قولت اختصر الطرق.
- روحى اخطبيه يا رحمه، روحى اطلبيه.
- ياريت، مينفعش اخلاقي، أدبى، بس النية موجودة.
- وبعدين معاكي، دا كله من مراقبة اكونت؟
- وأنتِ فاكرة مراقبة الاكونت دا شوية، بعد ما قبل الادد كان عمل تاج لاحمد اخويا وشوية أصحاب لهم عن بوست لفرح صاحب ليهم، وانا متأكدة يا اسماء أن احمد رايح.
- وبعدين؟
بصيت للسقف بحب - هروح مع احمد وتندلع بيننا شرارة الحب.
- لا فكرة سهلة
- شوفتي بقي
- لا وجديدة، بت أنتِ هبلة؟ وأنتِ فاكرة أن اخوكِ هيوافق يخدك معاه فرح صاحبه؟
ابتسمت بخبث - الحوار هيخلص في تكه.
- ازاي؟
- هفهمك.
