#أسكريبت
صمتى لا يعنى إننى بخير بل هناك شئ مدثر في ولا أريد البوح به .. لكن حين أتيت جاء ضياء الحب بصحبتك🖤
#ذات_الميم
يعني أيه ممكن نشارك أحزانا مع بعض وكل تنهيده أغنيه مثلا هو مكنتش بأمن للحب ولا لقصصه بس لما وقعت يوميها عرفت أن الحب ليه نغزه لطيفه ووحشه ولذيذه ويتوجع كتير مع الوقت في فرق بين الامان والاستسلام والحزن .. والدي صاحب أكبر أعمال في مصر وف العالم يمكن مخرجتش من صغري وأتنفس زي الناس عمري ما لعبت واتعورت واتزحلقت وعيطيت كنت بعيط من وحدتي .. بحس بخنقه .. محبوسه في البيت وعمري ما حلمت غير أني أخرج من الكهف ده بس كان في حاجه متمنعتش منها التصوير عمري ما خليت حد ياخد احلامي البسيطه مني حتي بس كنت بصور كاني ف صندوق صغير مش بحريتي.. عندي عربيات بس مبخرجش عندي كل حاجه بس مش بعمل بيهم حاجه والدي واهلي مستهدفين ف اي وقت وممكن أتخطف يمكن كده خوف والدي زايد .. جه أسامه أبن عمي كالعاده بنستنا كله ينام عشان نلعب ونهزر ..
_ هموت من الخنقه عايزه أشم شويه هواا بالله
_ يبنتي مش كنتي لسه مسافره
_ مسافره ف فندق مبخرجش منه دي تبقي خروجه يبني
_ بس ف الفندق 5 نجوم
_ بس تعرف عمري ما شوفت النجوم
_تعالي نخرج نشم هوا
_ طب بالعربيه بالله
_ لا يا منه
_ عشان خاطري لو فضلت ثانيه هنا هتخنق اكتر
_ طيب يلا
... قابلتنا دادا وخرجنا وهربنا منها دور العربيه واخيرا هطير شعري من الخنقه بس فجاه جه حد قدام العربيه ..
_ أخرج
_ مين؟
_ أخرج بدل ما أضرب نار
_ خد الفلوس اللي انتا عايزها بس سبنا
_ اخرج انا عايزها هي اخرج
_ لا يا اسامه بالله لا متسبنيش
_ خدها
_ أنتا بتقول أيه أنتا عبيط ؟
_ روحي معاه يا منه يمكن تلاقي الامان معاه
_ مين هو اصلا هتسبني معاه ازاي هيخطفني ويعذبني انتا مجنون يا أسااااامه
_يلا متنحيش
_ لا لا سبني خد كل حاجه بص انا انا ااه دماغي
.... اداني بالمسدس علي دماغي محستش بحاجه غير وانا ف عربيه وف منطقه شبهه صحراا فضلت اتراجاه انه يسبني بس كان حاطط حاجه ع بوقي وصرخاتي كانت أعلي من أنه يسمعها .بس الغريب حسيت أنه بيمثل انه يبقي قاسي وهو مش كده كل ما بيكلم حد ف الفون كان بيقسا عليا وكانه متراقب
_ اممممم اممممم
_ عايزه ايه
_ مش هتفك أيدي
_ عشان تهربي صح
_ لا مش ههرب
_ عايزه أيه
_ جعانه
_ بتكدبي
_ والله لا
_ طب خدي
_ مش بحب الاكل ده
_ لا ما هو انتي مش ف الفيلا بتاعتكم
_ اوف
_ هخرج بره تكوني كلتي
_ هتفرق معاك يعني.
_ اه هتفرق
_ ماشي
* كنت مختلفه وجريئه رغم أني ف الاول كنت خايفه بس كان في حاجه جوايا بحسها ليه رغم قساوته ليه جزء حنين معرفش اسمه ولا مين بس شكله مش خاطفني لسبب هو هنا رغم انه خاطفني حساه بحريه معاه وامان حاسه اني مش مخنوقه حاسه اني عايزه اضمه ومعرفش سبب ده ايه
_ عايزه أسمعك
_ شششششش متنسيش نفسك اني ممكن اموتك
_ انتا بتعمل كل ده عشان مطلوب منك مش عشان انتا كده
_ ودي لعبه جديده عشان تهربي
_ لو كنت عايزه اهرب كنت هربت من بدري
_ ومهربتيش ليه بقي حبيتي القصه ولا هتصوريها وتعمليها فيلم
_ عرفت منين اني بصور !
_ عرف . عرفت وخلاص هتحاسبيني ...
_ عايزه أعرف قصتك بجد أنتا مش كده أنتا مش قاسي لو كنت عايز تموتني كنت موتني من اول يوم بس انتا هنا بتعاملني كويس
_ خشي نامي
_ تعرف
_.....
_ أنا عمري ما بصيت للنجوم أبدا
_ ....
_هعتبر قولت ليه عشان هي أبعد مني وبعيده زي احلامي وبتظهر بليل زي ما هي ظاهره ف السما كده مكنتش اعرف ان شكلها حلو كده ولا اي عدسه كاميرا هتجيبها بالشكل الحلو ده معرفش ليه عايزه اعيط معاك وليه انا حاسه بامان بس حاساك وراك حكايه تخصني وتخصك صدقني مش ههرب منك بس احكي
_ مش عايز احكي
_ مداريش عينك عني واحكي
_ مش عايز احكي
_ طب احكيلك سر
_ ....
_ انتا مفكرني كنت مبسوطه ف القصر الكبير ده . .. ابدا تعرف أنا مليش حد ليه عشان كنت كل يوم بشوف الخيانه ف البيت اللي كله غش .. بابا حاول يقتل عمي وعمي حاول يقتل والدتي ووالدتي مش عايزه تخليني ف البيت ووالدي حابسني أبسط احلامي بيحرموني منها وبحجه خوفا عليا عايزين يجوزوني لابن عمي عشان الورث يتوزع علينا جواز لصالح أعمالهم ... وزي ما شوفت ابن عمي سابني ليك محسش ف لحظه انه يضحي عشاني مثلا ولا اي حاجه
_ انا مش وحش
_ اخيرا يا عزيزي اتكلمت اخيرا
_ عزيزك!
_ اه عادي
_ تعرفي انا اعرف من امتي
_ تعرفني ... هو انتا بتراقبني من زمان
_ عشان
_ عشان ايه
_ كنت خايف عليكي
_ عشان كده خطفتني
_ مخطفتكيش
_ أمال انتا عامل ايه دلوقت
_ عشان بح..
_ تعرف انا مبسوطه معاك
_ بتقولي كل ده ليه اصلا ... يلا من هنا عشان مضربكيش
_ وانا مش همشي عايزه اسمعك
_ بقولك امشي
_ مش هتحرك من هنا
_ ....
_ أيدي ايدي متحاولش تبقي قاسي معايا متحاولش
* غامض عينه كانت غامضه يمكن شكله يخض وعروقه ايده اللي شدتني ورغم كل ده حاسه بامان رغم اني كنت مبعرفش انام عندي ارق من وانا عندي 10 سنين بسبب حاله الزعر والخوف الزايد من أهلي .. بس كنت حاسه بروحي هنا حاسه بطاقتي هنا حاسه اني بحبه.. ومش خايفه منه وحاسه اني متلغبطه رغم اني عايشه ف بيت كله كرهه بس لاقيت جوايا حب ليه أهلي كانو بيخلوني معيطتش ولا اضحك مبينش مشاعر الفرح او الزعل كانو بيزعقولي كتير بسبب كده كل يوم اوامر وضوابط كنت بأديها زي التمثال او يمكن زي الانسان الالي حديده بتنفذ الاوامر وبس ملهاش روح ولا ملامح ليها متجمده .
_ أحنا فين
_ رايحين في حته في الصعيد
_ طب
_ طب أيه
_ ممكن أطلع ايدي من العربيه
_ أنتي مجنونه يبنتي
_ لو كنت مجنونه كنت هربت منك من زمان
_متحاوليش تخدعيني
