_ ماتنزلي يابنتي تجيبي الحاجه من الماركت قبل الساعه 5 ، مستنيه اي ؟
_ هو كل يوم أنا اللي بنزل !
_ انزلي انتي ياهاجر ، انا مش هنزل
_ نهال انا نزلت الصبح ، انزلي بقي_ يووووه بقي كل شويه هنزل انا ، انا زهقت بقي ..
____________
ايه كل الزحمه دي !
هما عاملين الحظر بالليل بس وبالنهار لا عادي ، بالنهار نو عدوي يعني ؟
اللهم صبرني ..
فين الشيبسي اللي بالطماطم بقي_ اي ده يا استاذ ماسك كيس الشيبسي ليه انا بصيت عليه الاول ؟
_ نعم يا انسه !
_ كيس الشيبسي ده أنا بصيت عليه الاول
_ هو اخر واحد وانا اخدته خلاص
_ لا معلش يافندم ده من حقي أنا
_ هي جمعيه يا انسه !
_ انت قليل الذووق يا استاذ ، رجاله اخر زمناتدايقت ومشيت ، خطف كيس الشيبسي وانا اللي بصتله الاول ، من حق كل مواطن لما يبص علي حاجه الاول ياخدها ..
__________
اتفضلوا الحاجه اهي ومش هنزل تاني أجيب اي حاجه
الافندي المحترم خطف كيس الشيبسي مني ، الوحيد اللي كان بالطماطم ربنا ياخدكواا_ هي البت اتهبلت ولا اي
_ هاجر لو سمحتي اسكتي أنا زعلانه حقيقي
_ مجبتيش اريال ليه !؟
_ يوووه نسيت ، بكره هجيبه_____________
_ الساعه 7 ومفيش قطه حتي معديه في الشارع !
_ نامي يانهال
_ يالا ننزل
_ فيه حظر يانهال
_ نهال فطرت واتغدت واتعشت واكلت الحلو وشربت قهوه وهوت شوكليت واكلت لب وسوداني ، نهال مش عايزه Stay at home
نهال عايزه Stay ف ماكدونالدز بليز !_ طب نامي وبعد الحظر هنخرج انا وانتي وناهد وبابا وكلنا
_ فين أيام ما كان الإنسان بيخرج ويشرب قهوته ف الكافيه ويتمشي ويتغدي ف ماك ويتمشي تاني
_ أنا وحشني صوت الدكاتره ف المحاضرات يانهال والله
_ وأنا وحشني البرجر أوووي
_ احنا ننام وبكره نجيب برجر نعمله
_ تفتكري هنعرف نعمله !؟
_ نامي يانهال بقي ارحمي اهلي_ واطشيه !
_________________
يادي الماركت والزحمه اللي هيجبولنا المرض !
أنا أجيب الاريال والبرجر واروح بقي ل هاجر
_ انت تاني !
طب ماسك نفس كيس الاريال ليه_ يا انسه في اي
_ ده كيس الاريال بتاعي
_ بتاعك ازاي وانتي اللي خطفاه من ايدي اهووو ؟_ وفيها اي لما أخطفه !؟
_ انتي خطفتي قلبي الحقيقه_ انت قليل الادب وهات كيس الاريال ده
مشيت وأنا متعصبه قليل الادب بيقولي خطفتي قلبي ، يولع كده هو وعنيه الحلوه دي ..
نسينا البرجر ، نلف بقي ونرجع نجيبه
_ برضوو جاي تجيب البرجر بتاعي
_ لا بقي انتي ماشيه ورايا_ همشي وراك ليه يا كائن انت ؟
_ واضح ان اهتماماتنا مشتركه ، الشيبسي بالطماطم وكيس الاريال والبرجر
تتجوزيني ؟_ انت عندك كورونا وعايز تعديني صح !
_ انتي الحظر بوظ دماغك ولا اي
_ هات البرجر بتاعي
_ تتجوزيني ؟
_ سخيف وقليل الادب
_ طابخين اي النهارده ؟
اتجوزيني وهسيبلك البرجر__________________
_ بابا بابا قولي انت عرفت ماما ازاي ؟
_ في زمن الحظر يافريده
_ يعني اي حظر يابابا
_ اسال ماما يا ادم
ماما هو يعني اي حظر ؟_ لما ابوك خطف مني كيس الشيبسي بالطماطم رغم ان انا اللي بصتله الاول ، وانا لحد دلوقتي مش مسامحه
فريد قولي انت ازاي تخطف كيس الشيبسي ده مني وانا اللي كنت بصاله الاول ؟
_ نهال ياحبيبتي انا غلطان ان مش اديتك البرجر وسيبتك تمشي ، ايه الجوازه العجيبه دي
#_الحب_في_زمن_الحظر
#_كيس_الشيبسي_انا_اللي_بصتله_الاول
#نهال_الراوي