أثير قالت في ديسمبر تنتهي كل الأحلام ، يناير بيبدأ بدايه جديده تطيب جروح ديسمبر بنحلم ب مقابله صدفه تزيل وجع فراق نوڤمبر وليالي ديسمبر الحزينه !
كنت بشرب قهوتي في نفس الكافيه اللي بروحه دايما ، متعودتش أغيره فيه قواعد ثابته في حياتي ماينفعش أغيرها ، زي الجواب اللي بسيبه كل يوم ل فريد هنا ، شربت قهوتي كالعاده وصوت فيروز كان مرافق كل دقيقه كانت بتقول " بعدك علي بالي " خرجت والدنيا بتعيط في عيني كان نفسي نتقابل نبدأ يناير جديد وأحلام بخطاوي جديده وإحنا مع بعض !
________فات سبع سنين وهو لسه مابيجيش !
يعني بقوا كام جواب !
كام كلمه !
وعيت علي الدنيا وأنا معرفش غيره ، راسماه بشكل مختلف مش دنجوان ولا ساحر ، راجل يبهرني ، يخليني يومياً واقفه حواليه ألملم روحي اللي واقعه في خطاويه !
راجل يسندني وقت ما العالم يشيل كفوفه من إيدي ، يحارب وقت ما الدنيا تعاند فيا !
أب أرمي همومي في حضنه وأعيط للصُبحيه !____________
فضلت أسبوع مروحش الكافيه ، كنت حاسه بوجع و وحده غريبة خليتني مشوفش برا العالم شكله إيه !
_ ليلي إنتي فين ! أنا هستناكي في الكافيه
= مش هقدر آجي روحي إنتي
_ أنا مستنياكي سلام
دايما بتحطني قدام الأمر الواقع !_______
دخلت لاقيتها بتشرب قهوتها ومستنياني ...
متكلمتش ولا كلمه هي كانت بتفهمني ، فاهمة إني بحتاج أعيط أكتر ما بحتاج أتكلم !
جالها تليفون فإضطرت إنها تمشي وقالتلي ساعة وهجيلك هنا متمشيش ...
بدون إرادة طلعت ورقة وكتبت ل فريد ...
العالم مخيف برا شبابيك الإزاز دي ، نظراتهم بتعور يافريد ، عندهم مصطلح إسمة " خيانة " عايشين يوجعوا بعض !
بس أنا عارفة إنك هتيجي ، هتيجي علشان مينفعش تسيبني لوحدي أكتر من كدة ، لازم تيجي يافريد حقيقي العالم مخيف !____
قولت هتمشي علي أما سمر تيجي ف طلبت الويتر أديله الجواب لاقيته بيقولي
_ حضرتك مستر فريد أخد كل الجوابات ، أحط ده في صندوق جديد
= مستر مين !
إنت بتقول إية ! فريد مين
الصندوق فين !!!!!!
_ حضرتك فيه شخص من يومين جه وقال إن ليه جوابات هنا بإسم فريد وأخدهم حتي أنا شوفت بطاقته !___________
خرجت وأنا مش عارفة أرفع راسي من ثقل الوجع إلي فيها !
فريد ! وبطاقته !
وجواباتي !
كل حاجة قدامي مش شيفاها ، محستش غير وانا بصوت في وش نور العربية ......_______
فوقت وكلهم جمبي !
ماما كانت هتموت من خضتها عليا !
إتضح إني فضلت في غييوبة 13 يوم
______فضلت في بيتنا وشريط حياتي بيمر عليا ، قاطعني من التفكير صوت ماما ..
_ ليلي إجهزي الأستاذ أحمد برا وعايز يطمن عليكي
= مين أحمد !
_ اللي وقعتي قدام عربيته ياهانم
= إفتكرت وقتها إنه هو اللي شالني وفضل يعيط جامد أول ماشاف وشي ! وفضل يصرخ جامد علشان حد يلحقنا