" بالقلب خليني عإيديك غفيني، يا حبيب الروح بالروح خبيني"
- صباح الخير يا دبتي الكسولة..
بطلع راسي من تحت البطانية بالراحة، شعري جاي على وشي، بفتح عيني ببطء شديد، ببتسم، بهز راسي يمكن شعري يبعد عن وشي، إيد بتتمد وتشيل شعري، بيوطي ع خدي وبيطبع بوسة وبيقوم وهو بيكمل كلامه..
- في فستان جبتهولك برا، فوقي وشوفيه، النسكافيه بتاعك على الكومودينو، هروح أعمل كام مشوار ع السريع وهرن لك تنزلي لي، صحيح متعمليش غدا النهاردة، حمامك جاهز يا هانم، تؤمري بحاجة تانية؟
بحرك راسي وباخد المخدة وبحطها ع دماغي، عشان أكمل وصلة النوم بتاعتي، بسمع صوت مزيكا..
" شو كان قلبي لولاك يا حبي، كان شوق وهموم، وهالعمر كان غربة"
بفتكر كواليس الغنوة دي، بصرخ، بنط من ع السرير، وبنادي بصوت عالي..
- عملتها فيا تاني، ماشي يا بحر، لما تجيلي.
بسمع صوت قفل باب الشقة، ببص ع الفستان، ده اللي كان نفسي في الأسبوع اللي فات، جمبه ورقة مكتوب فيها" كل سنة وإنتي معايا، بحبك جدًا بلغتي وأوي بلغتك" ببص ف الساعة، بجري ع الحمام، وعلى غير العادة باخد شاور سريع وبغسل سناني وبتوضى وبطلع جري..
" ولو فاق كل الحب بعينينا، ولو داب شمع الليل حوالينا، قِلي الدنيا لعبة بإيدينا، حبيبي"
بلبس الفستان، باخد البرفيوم المفضل لبحر" si" الأحمر، وبرجع لأول مرة حطيته فيها..
كنت تعبانة شوية، وعندي خمول، وبحر كان في شغله، ومنكوشة، ووشي مصفر، وف إيدي كوباية الينسون عشان تفك المغص، اللي فشلت المسكنات في ضياعه، سمعت صوت كلاكس العربية، ببص ف المراية، اتصدمت من شكلي، هيشت شعري أكتر علشان يبان كيرلي مفتعل، النور قطع، ملست بإيدي ع التسريحة، حطيت لون الروج اللي إيدي جات عليه، مسكت أول برفيوم قابلني وجريت أدور ع شمع، يومها مَحضنيش، لأ إترمي ف حضني وكان كل همه "إنتي كويسة؟"
الليلة دي معدتش لحظة غير وبحر نايم جوا حضني وده كان بفضل البرفيوم العجيب..
بسمع صوت كلاكس، برش رشة كمان، باخد هديته ف إيدي وبنزل ع صوت" الليلة خدني بها الحلم وعلي، الليلة غير بحبك ما تقلي، نسيني الكون وقلي ضلي"
- ضلي يا ليل عيونك الحلوين
ماتنسوش القلب المعتاد بتاعي، ولكم مني ♥️ نبص ع أول كومنت
