-هيخطب بنت عمته ي امينه هو قالي كده بعضمه لسانه
_وانا بقولك بيحبك انتي
-يعني ايه، طب بيكدب عليا ليه يعني!
_همس انتي من امتي مش بتفهمي الناس كده!، ده انتي كنتي بتعرفي الناس من اول مره
-مش فاهمه
_انتي مش بتشوفي لمعه عينيه وهو بيبصلك واميره يختي بنت عمته اللي هيتجوزها ونييني بتبقي واقفه معانا ومش بيتلفتلها حتي
-طب وبيقولي كده ليه؟!
_عشان شايف ناس كتير حواليكي ومش متوقع تكوني بتحبيه ف بيحاول يعمل كده عشان يلفت نظرك ويشوف رد فعلك وانتي ماشاءالله متتوصيش بترمي شويه دبش يكرهو ف نفسه
-انا ي امينه ،مبتشوفيش عمايله يعني؟ "
_عمايله ايه ي بنتي... ده بييجي يقولك هخطبها تقوليله ايه ده بجد! طب امتي! استعجل بقي عشان نفصل فستان
-منتي عارفه اني ببقي بغلي من جوايا
_طب وهو يعرف منين حضرتك
-امال اقوله لا والنبي متخطبهاش
_لا بس مش تكلميه بفرحه ع خطوبته من واحده غيرك اكنك مصدقتي تخلصي منه
-طب يختي هشووف
روحت الكليه ولقيت الاستاذ جاسر واقف مع اميره نيييني
-بصي واقف معاها ازاي وبيضحك ي امينه البومه انتي ي اللي بتقوليلي بيحبك
_طب بذمتك الضحكه السمجه دي، دي ضحكه جاسر اللي احنا عارفينها؟!
-ولو ولو
_طب بصي هيبصلك ازاي اول منروحلهم وبصي اصلا هيتلفت لاميره ولا هتبقي رقبته ملووحه معاكي
-ازيكو ي جماعه اخباركو
بصيت لنظرته ليا وفعلا اول مره اخد بالي منها، اكنه عيل صغير كان تايه ولقي مامته، نظرته فيها لهفه جميله كده وفعلا مبصش لاميره وبقي مركز ف كلامي وبيرد عليا انا
مشيت اميره وبقيت واقفه انا وامينه وجاسر
-ها ي هموسه مش ناويه تظبطيلي اميره
_كك هموسه ف بطنك ربنا يكرمك انت واميره ياارب... يااارب اكرمهم يااارب
-ولعو ، اني اسف
_ردي عليه ي امينه بدل مرد انا واديله واحده ربنا يتمملكو ف بخير تصد ف قلبه تقتله
لقيتها خبطتني ف رجلي ف افتكرت اللي قالتهولي
-طب ي جاسر عن اذنك محدش قالك اني الخاطبه ام محمود سلام
لقيته بصلي وابتسم ابتسامه جميله كده ولقيت امينه جايه ورايا بتكمل التمثليه
-ي همس استني بس
_بت ي امينه
-ايه ي قلبها
_هو مش هيبطل يحلو بقي.. وبعدين هو واحد عنيه ملونه يقف ف الشمس ليه ويركبنا ذنوب الله
-طب اتلمي ي امو ذنوب اتلمي
_ي امينه مهو اللي قمر استغفر الله العظيم يعني
-صبرني يااارب
لقيته بيكلمني بالليل
-همس
_نعمين
-انتي زعلتي؟!
_وهزعل ليه دي حياتك وانت حر فيها
-همممممس
_ايه
-بحبك
سكت...سكت لاني مش عارفه اقول ايه.. انتو بتقولو ايه هنا ي جماعه!... هو قالها طيب!!!... جاسر هو اللي قالها!!... مش عارفه استوعب لا مش عااارفه
قفلت ونمت وانا فيا احساس فرحه خوف ارتباك قلبي عمال يدق مش عارفه اوقفه ...عنيا فيها دموع اظن دموع الفرحه بقي ولا ايه!!
صحيت الصبح عشان البس واروح الجامعه وانا حاسه اني طايره مش واقفه ع الارض لاااا... عايزه اجري واضحك ،عايزه اركب عربيه وافرد دراعي ف الهوا واصرخ باعلي صوتي... انا فرحانه ومش عارفه اعبر عن فرحي ازاي
روحت االجامعه واول مدخلت لقيته واقف مع شلتنا واول مشافني غمزلي ف ابتسمت وبصيت ف الارض ووقفت معاهم وانا مش عارفه ابصله اصلااا، كل متيجي عيني ف عينه ابص ف كل الاتجاهات الا عنيه... مش عارفه ،مش وقته يقف ف الشمس بعنيه دي خااالص يعني.. اروح اقوله بحبك بقي يعني
مشينا نحضر االمحاضرات وخرجت لقيته واقف مع اميره عمال يهزر معاها ف اضايقت اوووي ولقيت محمد زميلنا بيقرب عليا ووقف ادامي
-همس انا عايز اقولك حاجه
_امممم اتفضل
-انا معجب بيكي من زمان وعايز اجي اتقدملك ف اسرع وقت
لقيت جاسر بيقرب مننا وانا بجد كنت مضايقه منه جداا
-وانا موافقه
_موافقه ع ايه ي حليتها انتي وهو؟!
-وانت مالك اساساا بتتدخل ليه؟!
_يعني ايه مالي ي همس؟!
-يعني زي مسمعت كده انا هتخطب لمحمد
_ي همس الف الف مبروووك، انا كنت جي بردو اقولك اني هخطب اميره باركيلنا بقي
وقفت مصدومه مش عارفه انطق ولا ارد والدموع كانت هتنزل من عيني خلاص
-اه الف مبروك ي جاسر عن اذنكو انا همشي عشان اتاخرت
-طب هبقي اكلمك ي همس نتفق
_اوكيه ي محمد
لقيت محمد بيكلمني بالليل
-ها هنسمي ولادنا ايه
عملت سين ومردتش وروحت اكلم امينه
-محمد بيقولي هنسمي ولادنا ايه ردي انتي بقي عشان مشتمش
_مش انتي اللي وافقتي وعملتي فيها اللي قادره ع التحدي والمواجهه ،روحي يختي شوفي هتسمي ولادكو ايه، كل الدعم ي همس كل الدعم
عدي اسبوع ومحمد جه اتقدم ووافقت، كنت عايزه ارد كرامتي باي طريقه قررت اعاقبه او معرفش بقي كده بعاقب نفسي ايهما اقرب
روحت الكوافير وجه لحظه الفريست لوك
-لفي ي عروسه عشان العريس جي
_بقولك ايه ي امينه الف ايه وملفش ايه والله احلف متخطبله انا بتلكك اساسااا
-يستي لفي بقي وخلصينا مش انتي اللي اختارتيه
_اختارته ااااه... ماشي ي امينه هلف حاااضر
-لقيت حد بيخبط ع كتفي ف لفيت للاستاذ محمد
-ايه ده!!! انت ايه اللي جابك هنااا
لقيت الكل بيزغرط ويسقف وانا مش فاهمه حاجه
-ايوه انا كلمت محمد وفهمته كل حاجه وانك انتي وجاسر بتحبو بعض بس عقلكو صغير شويه ومحمد بصراحه فهم الموقف جداااا وجاسر ادامك اهو
-انتي ي امينه هااا... انتي تعملي فيا كده طب استني علياا...
_بقولك ايه انتي هتقعدي ترغي مع امينه
رديت انا وامينه ف صوت واحد -نعم ي اخويا؟!
_مش قصدي حاجه ي جماعه الله
-بنحسب
_ي ساتر يااارب
-تعاليلي بقي كنتي فكراني هسيبك لحد غيري هااا.. حسابك معايا بعدييين
"وان لم تكتنفني عيناك، اين سأكون؟! "
#عٌآشُقٌهِ_آلُآڛوُڊ🖤
#دنيا_فرج✨
