- مش فاهم مش احنا مخطوبين !
- الحمدلله
- يعني انتي مش هتنكدي عليا ؟
- هنكد ليه يعني ربنا ما يجيب نكد
- الله عليكي ، طب سؤال
- اتفضل
- يعني مش هتطلبي شوكولاتة وشيبسي وبيبس...
- أية دا كله انا عاملة دايت أصلا
- الله يفتح عليكي ياشيخة نظرتي متخيبش متخيبش
- تسلم
- طب والورد مش هتقولي جيب ورد ؟
- لو مجبتش من نفسك مش هطلب طبعا يمكن مفيش
فلوس معاك للورد
- لا ازاي عيوني ليكي والله من غير ما تطلبي
- شكرا
- طب وافلام الكرتون
- أنت بتسمع كرتون !
- لا والله ابدا ولا بطيقة
- مفيش مشكلة انا بتفرج ومش لازم انت تتفرج عادي
- بجد !!
- أنت مالك سخن ولا حاجة ؟ دي اختلاف أذواق مفيش فيها اي مشكلة يعني
- انتي لية مختلفة كدا..انا لية وقعت فيكي كدا !
- والله انا طبيعية ومش عايزاك تكون شبهي ولا انا اكون شبهك كل واحد له فكر ورأي وبيكمل التاني
- أنا باين كدا حبيتك والله وشايف عيالنا من بعيد
- شكرا، اتفضل عاوز حاجة علشان هقفل ؟
- استني لحظة..مش هتقوليلي ارغي معايا للفجر بدل ما انت مشغول باصحابك الصيع ؟
- معرفش اصحابك، ومش علشان هنتجوز يبقي تنعزل علي العالم
- دماغ عالية لا عالية عالية
- وكمان انا بنام بدري وبزهق من الرغي في التليفونات
- والله وأنا بمل بسرعة
- طب خير اهو
- الحمدلله انا هروح اصلي ركعتين شكر لله أنه رزقني بيكي
نوم الهنا ي حبيبي.
خلصت المكالمة وبصتلها بابتسامة خبيثة.
- وبس ياستي دا بقي أسمه كيد النسا، نجيب رجله و هوب ننكد ونطلع ب أنت مش مهتم بيا وننزل باصحابك أهم مني يعني ولا اية !
فهمتي ولا نو إسيتعاب ؟
#رحمة_طارق
