اول مره اقرأ حاجه بالجمال دا حرفيًا !!!! 💙💙💙💙💙💙💙
قلب المرء بين يديّ الله يُقلبه كيفما شاء 💙💙💙💙💙💙
كلمتني من سنة ونص بالظبط وقالتلي إنتِ بسبب قصصك الإنسان الوحيد اللي حبيته بِعد عني ، حسبي الله ونعم الوكيل فيكِ ، منك لله
أيوه زي ما قرأتوا كده أنا إتقالي " حسبي الله فيكِ منكِ لله "
يومها فضلت مستغربه هو أنا عملت إيه !
كُل اللي قدرت أعمله إني أهون عليها فقولتلها :
حقك عليا يمكن عملت حاجة غصب عني وبدون ما أخد بالي
سامحيني عشان أنا أضعف من إن حد يقتص مني ..
( وسكت ومن جوايا عاوزه أعرف هو في إيه ؟ )
تاني يوم لاقيتها بتقولي أنا عاوزه أحكيلك حاجة
ومتفكريش إن أنا كده حبيتك يعني ..
" الصراحة إستغربت وقولت لنفسي مش مهم متركزيش في اللي هي بتقوله ، إنتِ بس شوفي إنتِ ظلمتيها ولا لأ "
- إحكي ، سمعاكي
= أنا حبيت واحد جدًا ، اسمه أحمد ، حبيته جدًا يا إسراء وكُنا بنتكلم بقالنا 4 سنين ، كان هو كُل حاجة في حياتي ، وقف معايا في كل خطوة في حياتي ، حبني بكل كلاكيعي ، أنا مستحيل أتحب أصلًا يا إسراء وهو حبني !
مش متخيله إن يعدي يوم من غير ما نتكلم والله
وبِعد عني وأخر رسالة قالي فيها إن خلاص مبقاش عاوز يكمل !
إتخلى عني في لحظة كده!
أخر حاجة كانت بيني وبينه منشن في بوست ليكِ وبعدها مشي!
حسبي الله ونعم الوكيل ..
إنتِ إزاي كده!! أنا بكرهك يا إسراء
" بصراحة معرفتش أرد وسكت ، عملت سين للرسايل وسكت وقولت لما أهدى وأعرف أجمع كلمتين هقولهم ليها ..
وبعد يومين بعتلها قولتلها :
- السلام على قلبك ..
أتمنى تكوني بخير دلوقت
إسمعيني ..
لو بيحبك بجد هيجي ومش هيبعد ، ولو بِعد فـ بعد عشان يجي ..
مشاعر عكسية أنا عارفة ؛ بس دا عشان ربنا ..
وخطوة البُعد لما بتيجي من الشاب غير لما تيجي من البنت ، لما بتيجي منه هو فـ بيبقى ليها طعم حلو ..
لما يبقىٰ عاوز يحافظ على قلبك وخايف على مشاعرك فـ دا
بيأكد إن هيراعي ربنا فيكِ لما تكوني حلاله ..
أُطلبي من ربنا المستحيل وإنتِ واثقة إنه هيحققه
وإتعودي إحكي لربنا واتكلمي معاه في الوقت اللي كُنتِ بتحكي لـ ( أحمد ) فيه
أنا ممكن مكونش حاسه بيكِ أو فاهمة شعورك بس أنا عارفة كويس إن تعب القلب مش هين
وزي ما تعب القلب مش هيّن فـ ربنا مبيسيبش قلب تعبان غير لما يداويه ..
ولو ربنا مرزقكيش بـ أحمد فـ هيرزقك بـ إنسان محمود عنده
هيحبك وهيصونك وهيحطك جوه نن العين
ولو بينك وبين جبر قلبك خطوة واحدة فـ ربنا هيقربها منك ، واللي بيحبك بجد هيلاقي سبيل يوصلك منه
حتىٰ لو كانت الطُرق فيها شوك والسير مُرهق ..
وإعتبري البُعد دا إختبار لحُبه ..
ولو هو من نصيبك وبيحبك فـ هيجي
سلام عليكم ..
