_بوظتي الدايت تااااني؟؟؟وعلي ايه علي كوباية بيبسي؟؟؟؟ياريتها حاجه عليها القيمه حتي
-هو انت بتزعقلي لي؟ وبعدين تقول بيبسي دي وانت واقف كده وتقولها باحترام كده عشان منخسرش بعض
_انتي مش حلفتي مش هتبوظيه؟
-يعني هقول لطنط لا يعني واحرجها
_لا طبعا تقومي شاربه اللترين ونص كلهم
-يا أنس انا مش فاضيالك وبعدين وعد جامد اوي اني مش هبوظه تاني
_تاني ي تقي؟تاني يا فاشله تاني؟
-ما خلاص يعم القمور هي حكايه
_يعني مبوظه الدايت وبجحه كمان مشوفتش ف بجاحتك بأمانه
-أنس ي حبيبي افهم انا اللي عاوزه اخس وانا اللي بخس وانا اللي هخس انت مالك انت يبني هو عشان انت الدكتور بتاعي تعاملني كده
_يا ولي الصابرين وحياة النبي محمد محد هيجلطني غيرك
-فدايا واقعد بقي عشان ناكل
_نإيه؟
-نذاكر ي قمر نذاكر
_قالك اي؟ وكان عايزك بسرعه كده ليي؟قالك أن هو بيحبك؟
-يادي ام المسلسلات التركي اللي ضربت نفوخك؟يا بنتي كان بيهزقني عشان الدايت هديتي
_تستاهلي
-هو اللي مصبرني ع الدايت ده والله عارفه لما بنخرج بيأكلني سلطه واي بروتين وهو ممكن ياكل عجل عادي واحد معندوش دم
_بوظتي دايت شهر كامل ع ازازة بيبسي
-هو انتو بتقللو من قيمتها كده لي ي شوية خنازير؟
_كنتي مثلا اخربيه ع بيتزا أو كريب ع جاتوه مثلا لكن بيبسي اي دي بس اللي تبوظيه عليها
-زهقت والله نغير الموضوع بقي معلش
_ندخل علي موضوع أنس ع طول
-يارتني ما اتكلمت
_حياتك بقت حلوه لما بوظتي الدايت؟ بتعملي اي حاجه بقول عليها لا؟بتعانديني يعني ولا اي مش فاهم؟
وبعدين بقي ف المتخلف اللي فاهم نفسه محور الكون بالنسبالي-يبني هو انا مراتك عشان اعاند كلمتك بقولك اي ي أنس متيجي نقطع علاقتنا ونخلص
_وليها عين تتكلم البجحه اللي بوظت الدايت
-يا حول الله يارب هو انا بوظتلك بتاعك انت وبعدين ي أنس انا بحب الاكل بعشق الاكل مش زيك مقضيه كل حياتي بين الكتب والجيم، انت بتفكر خمستلاف مره قبل ما تاخد اي قرار انا لا انت بتحب المذاكره وانا لا انت بتحب الاكل الصحي وانا لا يعني مثلا انا لو أكلتك عند عم محمد بتاع الكبده انت ممكن تموت فيها اصلا عيل كده سفروت وملهوش ف اكل الشارع وجماله عيل نايتي
_انا نايتي؟
-الصراحه اه وبعدين انا معرفش انا صاحبتك ازاي اصلا واحنا عكس بعض كده
_بقولك اي صحيح؟
-قول
_هتيجي معايا فرح ندي والموضوع مفيهوش نقاش
-لو كاتب عليا قولي؟ جايب الثقه دي منين يلا ده انا مصطفي اخويا معندوش كل العشم والثقه دي؟ مش رايحه فرح البت الصفرا دي يعني واحده مبتحبنيش ولا انا بحبها اروح فرحها اعملها اي؟؟مش رايحه
_مش رايحه يعني؟اخر كلام؟
-اه وانا مبيتلويش دراعي والموضوع انتهي
_طيب، وبما اني دكتورك فإنني هتنزلي الچيم من بكرا وهتاخدي رجيم قاسي ولو معملتيش كده هقتلك والموضوع انتهي
-حبيب قلبي قولتلي عايزني الساعه كام؟ وفين؟
#الثبات علي المبدأ ده فن مش عن عن
#انتي ازاي تبوظي الدايت علي بيبسي؟
