_انتي من الزمن بتاعنا؟
=نعم؟
_يعني فساتينك وتسريحتك الهاديه وكأنك خرجتي من الخمسينات
=وانت مركز معايا ليه ياحلو انت
_يمكن علشان هرسمك
=مش هقبل
_هتقبلي
=عشان عينيك حلوه فاكرني هقبل؟
_وانتي احلى ماشافتهم عيوني
=هقبل بس بشرط
_موافق
=طب مش لما تسمعه
_موافق لاي حاجه في سبيل اني ارسم العيون الحزينه
=اسمعك، وانت ترسمني
_هتستفادي ايه
=بحب اسمع الناس، يمكن كان حد فيهم مش لاقي اللي يسمعه
_موافق
=هترسمني في بيتي
وروحت البيت بعد ما اديته العنوان وهو خاطف قلبي بعيونه، كنت عارفه انه بيراقبني وأنه بييجي كل يوم في نفس المكان علشاني، ميعرفش اني حبيته من اول مرة شوفته فيها في الجامعة، ولكن انا والحب دايما أعداء.
=اهلا ياحلو ادخل
_انتي بتعاكسيني وكده هخاف نفسها، وبعدين ثواني انا مش عارف اسمك
=وتين
_وانا...
=زين
_عرفتي منين؟
=تقدر تقول حسيت
صوت الاغنية علي "القريب منك بعيد والبعيد عنك قريب"
_بتحبي نجاه؟
=بحب كل ما هو قديم
_نبدأ؟
=تشرب قهوة واسمعك الاول
_معنديش حاجه اقولها
=خلاص اسمعني
_شرف ليا
بعمل القهوة وبحطها وببدأ اغني مع الأغنية "كل ده وقلبي اللي حبك لسه بيسميك حبيب"
_شكلك حبيتي
=عشقت
_وهو سبب لمعة الحزن اللي في عيونك
=سببها الايام
_لسه بتقولي عليه حبيبك؟
=هيفضل حبيبي وسري الوحيد
_حبتيه؟
=حبيتك
_انا؟
=يلا علشان ترسمني
_حبتيني ازاي
=الحب ميعرفش ازاي ولا امتى يا اسمراني
_يلا نبدأ
بعد ما مليت من القعدة وهو واضح أنه تعب من الرسم
=كفايه كده؟
_لا
=مزهقتش من شوفتي؟
_شوفتك جميلة زي ما كل حاجه فيكي جميلة
=نكمل بكره
_ماشي
تاني يوم لقيته جه وكأنه مصمم على رسمي.
" "حبيب عينيّ حبيب أحلامي حبيب دموعي وهنا أيامي أهون عليه أسهر بألامي وأتوه نجوم الليل بظلامي"
_سعيده ياهانم
=نهارك بيضحك يا افندي
_نهاري بيضحك في وجودك
"يا رايح للي فايت لي عيوني سهرانة ولا داري أمانة اوصف له دمع عيوني طول ليلي ونهاري"
_انتي لوحة حزينه، وكأن حزن العالم كله جوه عيونك
=جوه قلبي
_قلبك ميستاهلش الحزن
=يستاهل ايه؟
_يستاهل حبي
=قلبي عايش على حبك أو الأدق على مُر حبك
_مينفعش تتوجعي
=معرفش في حياتي غير الوجع
_بسببي؟
=بسبب الناس، عارف؟
_عرفيني
=بحب ابص في عيون الناس واسرد حزنهم على الورق
_طب وعيونك
=فيها خذلان، فراق، الم، حب من طرف واحد
"آه منك آه منك"
=نكمل الرسمة؟
_يلا
بعد ساعات خلص اللوحة
=جميلة وكأنها انا بالظبط
_اللوحة اجمل
=اشمعنا
_لاني رسمتها بقلبي
=اه من قلبك
_ماله؟
=قاسي يازين وكأنه مش عارف اني عاشقاه أو مثلا رافض يعشقني
_انا همشي
=شكرا
_على اللوحة؟
=على انك سمعتني
مشي زي ما كلهم مشيوا، كان نفسي يفضل، كان نفسي الحب يصالحني بيه ويخليه يعشقني.
عدى سنتين ولسه بروح نفس المكان ونفس القهوة مع صوت نجاة
"ياللي آمر من بعدك لقاك ياللي أمر من هجرك رضاك يا غربتي وأنت بعيد عني يا غربتي وأنت قريب مني"
_بنسوار على عيونك
=زين
_بتحبيني؟
=القلب بيعشق كل جميل فازاي يبطل يعشقك؟
_بحبك
=بعدت ليه؟
_خوفت من غرابتك، برغم وضوحك لكنك لغز صعب يتفك، برغم بساطتك لكن معقدة، بعدت علشان خوفت على قلبي
=ورجعت ليه؟
_علشان قلبي اللي خوفت عليه معاكي انتي
=ومش خايف
_خايف من اني اخسرك
=لو خسرتني هتعرف تتكسبني تاني بعيونك
_غريبه لكني بحبك
=عشقتك رغم وجعك
_كنتي هتستني اكتر؟
=كنت متأكدة أن الحب هيصالحني بيك
في الخلفية صوت ام كلثوم:بعيد عنك حياتي عذاب متبعدنيش بعيد عنك
"چل ما اتمناه مُحب يجعلني وتينه"
#وتين
