للسماء قمر و لقلبي أنت

الجزء 85

#للسماء_قمر_ولقلبي_أنت 💙
بقلم : stories and novels
الجزء : 85
... وكلما كتزيد تقرب كلما كتسمع صوت ضحكات خافتة ... زاد الفضول ديالها وزادت فسرعة الخطوات وهي تشوف لي ماكان طايح ليها على البال ... تصدمات وتصمرات ...كانت وريقة الحنا مع واحد فوضع حميمي والحايك ديالها طايح للأرض .. وهو زينو عادي وكان لابس گانضورا غير شافوها ماعرفو باش تبلاو ... وريقة الحناء ولات كتفتف و ولات مزززنگة بقا ليها شوية ودمّع ... أما لي معاها معرف باش تصدم وهادشي باين من الملامح ديالو ...
سمر (باقي ممتيقاش): هااااادي نتي ؟؟؟؟ (بقات تشوف فجنابهم وهي تقشع كرشها منفوخة شوية) هييييييييييه (دارت يديها فوق فمها من هول الصدمة) متقوليهااااااااااش
وريقة الحناء (تلاحت على سمر كتبكي وتبوس يديها بهستيرية) هالعااار ... هالعااار متخبري حد اهئ اهئ اهئ غيقتلوني ولا يدفنوني حية هالعااار اهئ اهئ اهئ أنا مزاااااوگة اهئ اهئ اهئ
سمر (كتفلت يديها منها) : calme toi ...(مزال كتبكي بهستيرية وكتشهق) اتي حبسي راكي حاملة ا الزمرة
وريقة الحناء (فشلو عليها ركابيها وموقفاتش بكا): هالعاار اختي ... أنا مزاااوگة ليك فميمتك اهئ اهئ اهئ هالعاااار اهئ اهئ اهئ (تلاحت كتبوس فرجليها)
....(شافها داك لي معاها وبقا كيجر فيها مخنزر) : اش سايرة ديري ؟؟؟
سمر (حطات الگفة فالأرض وجلسات عليها وشدات ليها كتافها كتزعز فيهم ) : وااا سمعييني !!!! سكتييي بعدااا !!!!
وريقة الحناء(غايبة عن الوعي وكتبكي بهستيرية)اههههههههئئئئئئئء اهههئئئئءءئ 😭😭😭😭😭😭😭😭😭😭😭😭😭😭😭😭😭😭😭
سمر شافتها مغتسكتش وهي تجمعها معاها بتصرفيقة حتى تصمكات ... الدري لي معاها تصدم وهو يضور فيها ...
الدري*(دفعها وكيغوت): واااش حمقة ولا مااالك ؟؟؟؟
سمر(تاهي كتغوت) : السااااط بلا متبدا تفلسف عليااا ...السيدة خاصها تسكت
الدري*(معصب): ماااشي شغلك اصلا ... اش ليك ؟؟؟؟؟
سمر(بالغوات ومخنزرة) : لاااا اسيدي شغلي ونص !!!! بكلمة وحدة مني تكونو فالقبر دابااا ... تكمش حسن ليك
الدري*(مجاوبهاش وغير كيخنزر)
سمر(طلعاتو وهبطاتو مخنزرة) : الله يعميها ليك ...( وهي ضور عند وريقة الحناء شدات ليها وجهها بين يديها) تكالماي ... وعاودي ليا ... متخافيش مغنقولها لحتى واحد
وريقة الحناء (شافت فيها بنظرة خوف ... وهي تشوف فالدري لي معاها وكيقول ليها لا غير بعينيه وهي تعاود تشوف فيها)
سمر(حطات يديها على حنكها): تيقي فيا !!
وريقة الحناء (حنات راسها كتنخصص وسكتات شحاال) : بغينا بعضنا من الصغر .... اهئ اهئ ولكن ... ولكن فاش كبرنا وجا يخطبني من عند بّا الله يرحمو اهئ اهئ مبغااش حيت مزال مكان خدام ولا ردّام .... اهئ اهئ وفاش مات جا يخطبني من عند مرات بّا وجرات عليه اهئ اهئ اهئ حيت اهئ اهئ حيت متحملو متقبلو .. (شافت فيها) و واحد النهار غرنا الشيطان ومن بعد عرفت راسي حااملة (انهارت بالبكاء) اهئ اهئ اهئ اهئ 😭😭😭😭😭😭 الا عرفو ناس الدوار غيرجمونا ويدفنونا حيين هالعااااار 😭😭😭😭
سمر(سكتات شوية عاد جاوبات) : امممممم واخا ... ومفكرتو فحتى شي حل ؟؟
وريقة الحناء (بعنين دامعين): بحالاش ؟؟ اهئ اهئ
سمر : علاش مطيحتيهش الا كانو ناس دالقبيلة غيقتلوكم
الدري*(نقز بالغوات): واش بعقلك ؟؟؟ راه حرام فديننا
سمر (بسخرية) : حرام ؟ عاد بان ليك حرام ؟؟ وفاش كنتي نتا وياها مكاين غا الله يعطيك صحيحتك مكانش ديك الساع حرام ؟؟
الدري*(تزير ومعارفش اش يجاوب)
سمر : عندكم جوج حلول الا بغيتو تبقاو حيين ...يا أما تطيحيه ولا غيخصكم تهربو وتزوجو ...
وريقة الحناء : وكيغانديرو ... وفين غنمشيو ؟؟
سمر(كتخاصم عليها) : هادشي ا لالة كان عليك تفكري فيه من اللول ...خاصكم تهربو لشي مدينة بعيدة لي تاحد ميوصل ليكم ... سيرو لأكادير ...
الدري*: وباش غنمشيو وحنا منكسابو حتى عشا ليلة
سمر (بنفاذ صبر): متعرفش ضبر على راسك ؟؟ افففففف ... أنا غنعطيكم واحد العنوان وسيرو عندهم عاودو ليهم اش طرا وقولو ليهم بلي انا لي صيفطكم .... جامعين شي فلوس ؟؟
الدري*؛ لا
سمر(ستاغربات) : كدوي من نيتك ؟ داير موصيبة قدها قد راسك وممفكرش كيفاش غتخرج منها ؟؟ اودي يا الرجلة طزززز ... ولكن اللوم ماشي عليك على هاد الزمرة (شافت فيها)اش عجبك فهادشي فراس مالو الهوا لي كيتنفس ...
الدري*: والمعيار لاش اختي ؟
سمر : أودي تستاهل كتر من هادشي غير حتارمتك ... المهم سيرو دابا لديوركم أنا غنشوف كي نعاونكم وتسناو مني الخبار واخا ؟؟ (شافت فيها) ونتي نقصي من البكا راك غتفرشي راسك وتمشي فيها !! (شافت فيه مخنزرة) ونتا كون راجل وضبر على الفلوس بينما لقيت ليكم شي حل باش تهربو ... راه واحلين فيك جوج رواح ا الساط !! Bien sûr هادشي الا كنتي كتبغيها !! (وقفات) يالاه نوضي معايا نمشيو للسوق نتقداو باش نيت ميشكوش فيكوم ... (شافت فيه) ونتا !!! سير تقاتل مع راسك باش تهربو فأقرب وقت ..(بقاو كيشوفو بعضياتهم) وايالاااه غنباتو هنااا !!!!!
* لبسات وريقة الحناء حوايجها ومشات مع سمر باش يتقداو داكشي لي وصاتها مها ولي تعطلااااااات عليها ...مشاو عند مول الخضرة هو الأول ...
* مول الخضرة(بابتسامة عريضة) : اش حب الخاطر ازينة البنات ؟
سمر : يخخخ نسيت شنو قالت ليا ...
وريقة الحناء : واش ناويين تنصبو الغدا ؟؟
سمر : اييه
وريقة الحناء : ا الشريف عبر لينا كيلو كيلو من الحاجة
*عطاهم داكشي لي بغاو وخلصوه ومشاو *
سمر : باقي خصني ندوز عند سيف ... ياكما عندك مايدار ؟
وريقة الحناء : لا غير زيدي
*مسافة زمن و وصلو عند سيف لقاوه ملهي مع شي ناس*
سمر : سوسووو ...
سيف(بابتسامة) : اهلاا !! اش حب الخاطر ؟ ... (عطا للناس اش بغاو) بالصحة ...
سمر : والله معقلت ...مهم عطيني داكشي لي كيديرو فالطاجين
سيف : لا حول ولا قوة إلا بالله ...لالة فاطمة مشاات خلا
سمر : حشااااك
سيف(مشا جاب ليها العطرية الأساسية وعطاها ليها فخنشة) : شدي شدي ...
سمر : احفضاااااك ...(شافت فوريقة الحنا) بس غير سيري سبقيني هاني جاية (تسناتها حتى بعدات وهي ضور عند سيف )بسكش ...
سيف : شكاين ؟
سمر (بجدية): معاياش كتسالي ؟؟
سيف : على حسب ... علاش ؟
سمر : جوايه المغرب مزيانة ؟؟
سيف : اييه كنكون مسالي ... علاش ؟؟
سمر(بعد تفكير) : داكوغ ... دونك نتلاقاو فالدار المعلومة جوايج المغرب ضرووووري وبلا ميسيق تاحد الخبار !!
سيف : ياك لباس ؟ ياكما درتي شي زبلة تاني !!
سمر : اففففف شحال فيك ديال الفضول حتال تما وتعرف ... وااه تاحد ميسيق الخبار ... حتى غيثة ... يالله بااااي ...
#يتبع ...