للسماء قمر و لقلبي أنت

الجزء 83

#للسماء_قمر_ولقلبي_أنت 💙
بقلم : stories and novels
الجزء : 83
سمر (وقفات كتشوف فيهم كانو جالسين مجمعين ورقية كتسرح عجول الاخرة) : هايهايهايهاي اش هاد الزين كولو ؟؟ (مشات جلسات حدا غيثة) خليتي بلاصتك ا الساطة
غيثة(بفضول) : كيداز داكشي ؟؟؟
سمر(بهمس) : من بعد ونعاود ليك هههههه طراو بزاااف دالحوايج هاد النهار خاصنا شي جلسة
غيثة (بهمس) : صافي شي شوية ونطلعو للسطح ... اه راه غتباتي عندنا اليوم
سمر : صافي داكوغ
لالة حادة : اش كتوشوشو نتوما ؟؟
سمر(شافت فيها مبتسمة) : لا والو غا قلت ليها ماماك جات قوقة اليوم ... خاصها شي تزويجة
لالة حادة(غطات وجهها بحوايجها وحابسة الضحكة) : ويلي كوني تحشمي ههههههه
م.فاطمة : وراه هي لي صايبات العشا اليوم على قبلك
سمر(بتعجب) : واايلي زعما على قبلي ؟؟
لالة حادة : ايييه فكرتيني الله يفكرك فالشهادة ...(جبدات زيف من صدرها) هاكي ها الهدية ديالك باش ما تگولي راه نسيتك (مداتها لسمر ... كان خيط اللويز)
م.فاطمة : حشومة عليك علااش عدبتي راسك ا لالة حادة ... راه قلت ليكم مكاين لاش براكة غير عدبناكم معانا
غيثة : اويلي ا خالتي اشمن عذاب راه هادشي قليل فحقكم والله
م.فاطمة : الله يعطيكم الخير
سمر(كتفلب فيه وتشوفو) : اوو وااو ... ياكما فيها السم (خنزرات فيها م.فاطمة) هههههه ... غير كنضحك عنداك تقلقي ههههههه(شافت فيها بجدية) واش هادي ليا أنا نيت ؟
لالة حادة : ايييه ليك لاش تسولي
سمر : زعما واش نتي دابا كتعطيتيني كادو بخاطرك ممبزز عليك تا حد ؟؟
م.فاطمة(بجدية) : سمر !!! اش هادشي بلاصة متشكري السيدة دايرة اونكيط ؟؟
سمر : لا لا غير تصدمت حيت كان يصحابلي مكتحملينيش سي توو ... المهم شكراا بزااف جادوغ
لالة حادة(كتميق فيها) : اوا سري ... گلنا زعما نفرحوك 😒
سمر(حابسة الضحكة) : همممممممم
غيثة : وأنا حتى نطلعو للفوق ونعطيه ليك
سمر(بفضول) : بصح ؟؟؟ شنو جبتي ليا ؟؟
غيثة : حتى تشوفيه ...(وقفات) يالاه دابا نيت (غمزاتها)
سمر(تاهي وقفات) : واخا سبقيني هانا جاية ... نمشي نحط هادا مع لي كادو الفوق واخا ؟
غيثة : واخا متعطليش (مشات طلعات للسطح)
طلعات سمر للفوق وهي تساطح مع سيف خارج من الكوزينة ...
سمر : اوووه هدا نتا ... امتى رجعتي ؟؟
سيف : يالاه دخلت ...(سكت شوية) مالك خاصاك شي حاجة ؟
سمر(بغات تفكرو فالكادو) : لا غير كنت غنحط هاد الكادو مع لوخرين ... عطاتو ليا ماماك
سيف(فهمها ودار ابتسامة جانبية) : اجي نوريك واحد الحاجة
سمر : فين ؟؟
سيف(جرها من يديها لبيتو) : اجييي
دخلو لبيت سيف ومشا هز واحد الصنيديقة حلها وجبد منها واحد القلادة خيطها كحل وهي حجرة متوسطة القد باللون البنفسجي وكتبري ... هادشي كولو تحت أنظار سمر لي ما فاهمة والو ...
سيف(جلس فوق واحد الصندوق كبيير وتقابل معاها كيهضر وكيشوف فالقلادة) : فالقديم ... عند الرومان كانت عندهم واحد الخرافة ... ولا أسطورة كيفما كيقولو ليها ... كان إله الشراب ديالهم قرر باش أول واحد غادي يخرج من المنطقة فين كاينين لعندو غادي يلوحو للنمورا ... وكانت الجمشت ولا الاماتيست العذراء هي داك الشخص المنحوس وكانت ديك الوقيتة غادية لمعبد إله القمر ديانا ... وملي نقزو عليها النمورا غوتات مسكينة على حر جهدها بسمية الآلهة وهي تحول لحجرة ...هاد المعجز لي طرات برزطات الإله باخوس فمخو و هو يكب الشراب على هاد الحجرة كتعبير على التوبة والندم ديالو ...والحجرة تبدل ليها اللون و ولا موف كيفما كتشوفي دابا
سمر(سهات فطريقة الهضرة ديالو) : مسكييينة !!! ونتا منين عرفتي هاد الاسطورة ؟
سيف (بابتسامة جانبية): هادي غير أسطورة بطبيعة الحال ماشي بصح ... وعرفتها من الكتوبة ...(سكت شوية وكيشوف فالقلادة) عرفتي اسمر ... هادي هي أحسن حاجة لقيتها فحياتي عزيزة عليا بزاااف وعمرني فرطت فيها عرفتي علاش ؟
سمر : علاش ؟
سيف : حيت قبل منلقاه كانت الدنيا مضلمة عليا ...كنت كنجوز من واحد الفترة خايبة بزاااف وهي موت الواليد ... هههه المهم بلا منفخ ليك راسك ... ملي لقيت هاد الحجرة حسيت براسي تولدت من جديد حياتي تبدلات لماا حسن و وقتما ضاقت عليا تاني كنهزها ونشوووف فيها
سمر : لهاد الدرجة عزيزة عليك ... واااو !!
سيف(بقى ساكت شحااال ...وهو يمد ليها القلادة) : هاكي !!
سمر(تفاجآت) : هاا ؟؟؟
سيف(ناض وشد ليها يديها وحط فيها القلادة وكيشوف فعينيها) : هاكي شدي ... هادا كادو عيد ميلادك
سمر(تلفات) : ولكن لا منقدرش !!! من هضرتك باينة عزيزة عليك بزاف ... لا منقدرش !!
سيف(هز القلادة ولبسها ليها) : جاتك زوينة ....متنسايش تهلاي فيها !!
سمر(بقات كتشوف فيها غطير بالفرحة) : علاش عطيتيها ليا ؟؟
سيف(بابتسامة) : ماشي دابا ... مع الوقت غتعرفي علاش عطيتها ليك !!
سمر (بدون سابق إنذار طارت عنقاتو بالجهد ... هو بقا مصمر معرف ميدير ... تزنگ وحناكو غيطرطقو بالحمورية والسخانة طالعة معاه...طلقات منو والضحكة مكتفارقش شفايفها) : شكراا بزااف ... عمرني نحيدها من عنقي ... شكراا مرة أخرى
سيف (كيضحك بزز حشمااان وتلفات ليه الهضرة) : بصحتك ... ا .. غير سيري الا بغيتي انا ندي الكادوات لداركم
سمر : ااه وي واخا ... هاك السوارت .. والا جيتي عطيهوم لماما سينون هانا فالسطح مع غيثة
سيف : علاه غتباتو معانا ؟؟
سمر (بابتسامة): وي
سيف (مجوبهاش ... كتافا غير بابتسامة ومشا)
#يتبع ...