للسماء قمر و لقلبي أنت

الجزء 68

#للسماء_قمر_ولقلبي_أنت 💙
بقلم : stories and novels
الجزء : 68
وصلو الشباب للدوار وستقبلوهم كيف العادة .. فدار لالة حادة ... تسالمو وتعانقو ولكن باقي م.فاطمة مقلقة من سمر سلمات عليها سلام ناقص ... سمر بقا فيها الحال ولكن مبغاتش تبين ... دخلو البنات سمر وغيثة ورقية ومعاهم لالة حادة للدار وسيف جر م.فاطمة باش يهضر معاها ...
م.فاطمة (بخوف) : ياك لباس ؟؟
سيف : باقي مقلقة منها ؟
م.فاطمة (بحدة) : علاه داكشي لي دارت ساهل ؟
سيف : مكاين لاش تبقاي مقلقة من سمر ... راه سولت عليها فمدرستها وگالو ليا بلي ولات وحدة اخرى ... كتشارك منضبطة ...مبقاتش كدابز وفالصراحة راه هي ماعليها والو كاينين واحد جوج بنات هوما لي كيجبدوها ديما و ولات كدخل فالوقت وتخرج فالوقت وتحفظ وتعدب وتسهر وحالفة تا تنجح بمعدل زوين هادشي قالتو ليا حتى غيثة (بتاسم) كوني هانية من جيهتها دابا
م.فاطمة (زلقات ليها ابتسامة وعينيها كيبريو) : هادشي بصح ؟؟؟ مكتفلاش عليا ياك ؟؟ وشكون هاد البنات ؟؟
سيف : عمري كدبت عليك ؟ متعمريش راسك بهاد الموضوع أنا غنتكلف
م.فاطمة (غطير من الفرحة) : الحمد لله ياربي الحمد لله ...(جمعات الضحكة) ولكن سمر خاصها مزال تحّك باش تعرف بحق الزمان وتواضع شوية وتقبّل هاد الحياة لي هي فيها دابا(شافت فيه بجدية) غنخليها هكا حتى تجي تعتاذر مني ... هكا غتعلم
سيف (كيضحك) : ههههههههههههههه واش كتهضري من نيتك ؟ زعما نتي مها وغتعرفيها كتر مني ...سمر واخا تموت وتقطعوها طراف طراف والله لا طلبات السماحة ههههههه غا بقاي تسناي فيها ... هههههه راه ماغاتجيش غا شوفي شي حل اخور
م.فاطمة (بقلة حيلة وبعد تفكير طويل) : همممم عندك الحق ...واخا تنطابق السما مع الأرض مغتجيش ... المهم يالاه حنا ندخلو ويكون خير
دخلو للدار وسيف مشا لبيتو يرتاح ... وسمر وغيثة ورقية جالسين فالمراح وم.فاطمة ولالة حاجة فالكوزينة ...
سمر (كانت حاطة راسها فحجر غيثة وكتشوف فالسقف) : أم الغييث
غيثة (كتلعب ليها فشعرها) : هممممم
سمر : دابا نتي كي كديري ليها ؟؟ راجلك بعيد عليك مكتهضرو ما والو حتى كيتحط عليك بحال الباطل هووووب هانا جيت هووووب أنا مشيت
غيثة : ههههه واش بغيتيني ندير ... هذا مكتاب الله
سمر : ومالك ممشيتيش معاه فاش تزوجتو ..ويقريك تماك نيت ... عرفتي كون كنت بلاصتك زعما عايشة فهاد الغار والله لازدت دقيقة هنا مزال غنلصقو لصييق وفالخطبة مزال
غيثة : هههههههه لواه لواه ... نتي راه بوحدك تاني
سمر : هي دابا الا نجحتي فالباك غيديرو ليا دوك التويشيات لي دارو لديك خيتي لي مشينا ليها فعرسها ؟؟
غيثة : غاالبا اه ... عجبووك ؟؟
سمر(ميقات فيها) : ومنيييييين ... معنديش مع داكشي نبقى كيف المونيكة ويلعبو فيا كيف بغاو هزي يديك حطي يديك طلقي شعرك لبسي هادي حيدي هادي ضوري وقفي جلسي كوزي مندوي منتكلم لا لا اختي غا بالصحة بقا ليهم غا يدخلو معاها للطواليت
رقية (تزنگاااات حناكها غيطرطقو وبقات غا كضور فعينيها) : 😳😳😳😳😳😳
غيثة (تفرگعات بالضحك) : وااااا هههههههههههههههههه😂😂😂😂😂😂😂😂😂😂😂😂😂😂😂😂😂علاه اختي نتوما كيداير عندكم داكشي ؟
سمر (نفخات ريشها) : لا لا حنا عندنا داكشي كلاااس وموديغن ومتيول وزويون وكولشي على حقو وطريقو ... انا فالصراحة معنديش مع داكشي ولكن كيعجبوني غا حيت شي كيعيق على شي
غيثة : ههههههه اوا اختي حنا غا دراوش
*جاو م.فاطمة ولالة حاجة جايبين الغدا ... حطوه فوق الطبلة ولالة حادة جلسات حدا سمر ومع هي كانت متكية ومقلشة (مفرقة) رجليها وكانت لابسة كسوة قصيرة تحتها شورط قصير رجليها كولهوم باينين ... *
لالة حادة (لونها مخطوف وملامحها مبدلين) :ويلي ويلي ويلي على قليلة العفة (غطات وجهها بزيفها) استغفر لله استغفر لله استغفر لله
م.فاطمة (عاد نتابهات ليها) : سمر تقادي فالجلسة حشومة
سمر :واايلي تانتي لاش مخبية وجهك راه داكشي لي عندك عندي عااادي
لالة حادة (كتندب) : هاااويلي هاااااويلي (شافت فم.فاطمة) ربي بنتك واااه
سمر (تقادات فالجلسة) : شحال فيكم ديال الدراما 😒
م.فاطمة : مسحيها فيا هاد المرة الله يستر عليك
لالة حادة (عاقدة سبعة فربعة) : رقييية سيري عيطي على خوك يتغدى
سمر (تفركعات بالضحك تا بداو كولهم كيشوفو فيها) : ههههههههههههههههههههههههههههههههه 😂😂😂😂😂😂😂😂😂😂😂😂😂😂😂 واكواااااااااك ههههههههههههه (كضحك وتضرب ففخاضها) 😂😂😂😂😂😂😂😂😂 اووووكوك
غيثة (كتنغز فيها وتهضر بهمس) : اويلي مالكي ؟؟
سمر : تفكرت نهار صليتها مع خوك بالصندالة ههههههههههههههههههه اوكووووك اربي كرشييي 😂😂😂😂😂😂😂😂😂😂😂 اووووف اوووف تخنقت بالضحك
لالة حادة (طلع ليها الدم ومخنزرة فيها) : رقية (بنبرة حادة) سيري كلمي خوك يالاه
سمر (عاد شافتهم كيف كيشوفو فيها وهي بوحدها لي كتضحك جاتها هستيريا) : ههههههههههههههه (سدات فمهت بيديها باش تحبس الضحكة) صافي صافي هانا غنحبس هههههههههههههههههههههه
رقية : قاليا مبغاش
لالة حادة : صافي قولو بسم الله ...
#يتبع