للسماء قمر و لقلبي أنت

الجزء 43

#للسماء_قمر_ولقلبي_أنت 💙
بقلم : stories and novels
الجزء : 43
أصبحنا وأصبح الملك لله ☀
جا اليوم فاش غيرجعو البنات للداخلية والمدرسة ...فاقو بكري كالعادة وجمعو حوايجهم ولبسو ملابسهم الشتوية ...وسلمو على واليديهم... وخرجو مع جاد هاد المرة ... حيت تاهو غيخصو يمشي للرباط ... ونيت باقي كاينة حساسية بين سمر وسيف ...تمشاو تال جهة الطوموبيل لي كانت من نوع Jaguar E-Type ... شافتها سمر وهي تحل فمها عجبااتها وفكراتها فيامها ... أيام العزز ...طلعو ونطالقو للوجهة المعلومة ... بعد ساعات وصلو .. وخرجو وقفو قدام الليسي ... جاد سلم على سمر بيديه ومع ابتسامة خفيفة وضار لعند غيثة لي كانت دايرة النقاب ...
جاد (دار يدو على كتافها) : تهلاي فراسك وقراي مزيان ...بغيتك تجيبي نقط زوينين واخا ؟ ... قريب ان شاء الله نتجمعو بزوج (باسها فجبهتها) يالاه بسلامة
غيثة : تهلا فراسك ... بسلامة
مشا جاد ... وبقات غيثة حاضياه حتى ختافا عن الانظار ...
سمر : اسبحان الله الشريفة
غيثة : فففففف طاح عليا الضيم
سمر (ميقات فيها) : مممممم ... زيدي زيدي تقراي على ولادك ...
دخلو البنات كالعادة .. ولقاو ياقوت ونجمة فالداخل مهضروهومش ... وقضاو يومهم عادي ...
##الحاضر## 🐾
سلطانة : هههههههههه 😂😂😂😂😂😂 اويلي هادشي كولو درتيه ف papi 😂😂😂😂😂
سمر : اويلي سكتي دابا تفيقيهوم ... ايييه ا لياام ... صراحة دوزنا أيام زوينة ... عقل الصغر
سلطانة : دابا عاد عرفت علاش كيقول ليك خربوشة ... مكنتيش ساهلة
سمر (بفخر) : اوا شنوووو هادي سمر وأجرك عالله ...(وقفات) نوضي نعسو راه قربات تشرق الشمس
سلطانة (تاهي ناضت كتكسل) : واخا يالاه
مشاو ينعسو ...واخا غا ساعة حيت الوقت فاش سالاو فيه الهضرة كان قرب تشرق الشمس ... داز شوية دالوقت ودارو روتينهم كالعادة ... وجلسو كيفطرو وهاد المرة داخل الفيلا ...
جود (كيفطر وهاز التيلي) : زادو فال confinement (الحجر الصحي)
سمر : وااايلي !!
جود : وي ...بان ليا هادشي باقي مطول
سمر (شافت فسلطانة ) : اجي نتي من نهار جيتي مكتقراي !!!
سلطانة (بتعب) : ففففف وراه عيييت والله تا عييت ... فشلت صافي مبقيتش قادة
سيف (كياكل ويهضر ) : صراحة هادشي لي دارو ليهم ماهواش ... هادي أنانية ... شكون هدا لي غيقرا ليهوم فهاد الضروف ... الواحد الا بغا يخفف على لاخور كيفرحو ماشي كيزيد عليه !!
سمر : معقولة ... كون غا نجحوهوم وهناوهم من هاد تمارة !!
جود (كياكل وكيشوف قدامو مخنزر) : فكوريا وفالخليج الى داروا التعليم عن بعد جات معاهم بعدا موفرين ليهم الظروف وسهلوا على الوليدات وحببوا لهم الدراسة عن بعد بأسلوب زوين وكيحفزهوم..اما حنا لا أسلوب لا امكانيات
سيف : مفهمتش انا ... مكيفكروش فالنفسية دالواحد كي غتكون !! الحل هو ينجحو كولشي ... من غيرو غير كيخربقو
سمر : الناس مساكن مقابلين غير هاد كورونا ... وهوما كيزيدو عليهم ... ففففف حسن عوانهم
سررررررررررررر 🔔🔔
سلطانة : شكون غيكون جا دابا ؟؟
سمر : Jessica open the door please (جيسيكا (اسم أحد الخدم) حلي الباب عفاك)
مشات جيسيكا تحل الباب ولقاتها مرا شابة مع جوج وليدات توام يكونو فعمر أربع سنوات ... زينها فتان شعرها حريري وبني طوييل تال الخصر ... وطويلة ولاطاي مرسومة ... لابسة كسوة سوداء طويلة تال الركبة بالكمام ولاصقة مع طالون أسود ... كتمشى ورافعة راسها وعلى عينيها نضارات شمسية ..دخلات عندهوم وكيف شافوها تصدمو و وقفو ... وهي حيدات النضاضر وبانو عينيها الآسيويين العسليين المزينين برموش اصطناعية وايلاينر ... وانف مخدوم بعملية التجميل... ودايرة ابتسامة جانبية على فمها المنفوخ بالفلر وعليه عكر ماط نيود جاي مع المكياج المتقون لي دايرة ...
سمر (باستغراب) : خلود ؟؟؟
خلود (تقدمات هي و ودوك الوليدات لعندهم وتحنات شوية لعندهم) : زياد ... يزيد ... سلمو على مامي وبابي
سمر (بصدمة) : شنوووو ؟؟
تقدمو الوليدات وسلمو عليهوم تحت تأتير الصدمة ...
خلود (بضحكة تا بانو سنانها لي دايرة ليهم هوليوود سمايل) :ههههه اوا شنو ... مغتسلموش عليا ؟؟ مغترحبوش بيا ؟ ههههههه ولا ياكما جيت فشي وقيتة ماشي هي هديك ؟ (ربعات يديها كتشوف فيهم) مالكم كتشوفو فيا هكا ؟؟ ههههه
جود (عقد سبعة فربعة وكيحاول يستوعب اش سمع ومشا تقابل معاها) : عااودي اش قلتي ؟؟؟؟ (شير للولاد) شكون قلتي هادو ؟؟
خلود (شافت فالولاد) : زيد ... يزيد .. ها بابا
جود (شدها من ذراعها بعصبية) : كككيفااااش بابا !!!! اش كتخربقي نتي !!!
سيف : جووود ... طلق من المرا ... خلينا نفهمو اش واقع !!!!!
جود (طلق منها وكيشوف فيها شوفات دالصقر) : هضري ا لالة هضري
خلود (تنهدات) : فاش طلقنا ... عرفت راسي حاملة و ...(قاطعها جود)
جود (بالغوات ) : ولاااش تال داباا عاااد جاااية ... فين كنتي هادي شحااال ؟؟؟؟؟
سيف (بحدة) : جوووووووود ... بنتي خلود جلسي بعدا وكملي
جلسو كاملين ومتشوقين يعرفو اش كاين ... أسئلة كثيرة كدور فراسهم ... والأجوبة عند شخص واحد ولي هي خلود ...
خلود : أنا عارفة صعيب تيقوني ... ولكن راه زيد و زياد ولادي أنا و جود (شافت فيه) وأنا معندي لاش غنكدب عليكم
جود (كيشير بيديه ومعصب) : ولاااش مقلتيهااش شحال هادي لاااش !!!!
خلود (بحدة) : أنا وياك عارفين مزياان علاش !!! (جود ضرب الطم)
شيماء (تغرغرو عينيها ومقداش تصبر مزال ... وناضت كتجري لبيتها ... وكان غيتبعها جود وحبساتو سمر)
سمر : غير خليها حتى تبرد ... (شافت فخلود) وعلاش جاية تال دابا ؟؟
خلود (حدرات عينيها ) : كيفما كتعرفوني من ديما أنا صريحة ...مقديش نربيهوم بوحدي ... حاولت تيقو بيا والله حتى حاولت ولكن جاني صعيب .. وأنا ميمكنش نتخلى على أحلامي ونجلس فالدار نقابلهم ... وهوما محدهم كيكبرو والمسؤولية كتزاد ... وطبيعة خدمتي كعارضة أزياء مكتسمحش أني نكون هكا !!
جود : ونتي ختاريتي خدمتك !!
خلود : داكشي علاش جيت عندكوم اليوم ... نتوما غتربيوهوم حسن مني !!
جود (ناض معصب ضرب فالطبلة وطلع لعند شيماء )
سمر (مشات جلسات حداها) : متديش عليه ابنتي ... عرفتي علاش نتي عزيزة عليا ... حيت صريحة وعندك نيشان !! (حطات يديها فوق يدين خلود) متوصينيش على حفايدي
خلود (تاهي حطات يديها ) : شكراا ... وسمحو ليا درت ليكم الصداع
سمر : دابا يتقبل متخافيش !!
سلطانة (موجهة كلامها للتوأم ) : اجيو عندي ...(جاو عندها) ايييييي شحال غزاليين
سيف (وقف) : أنا فالبيت ... (مشا)
»»»»» عند جود وشيماء »»»»
كانت شيماء كتبكي بحرقة فالدوش الخاص بالغرفة ...وسادة عليها الباب ... وكتبكي وتشهق وتشوف راسها فالمرايا ... وفالبيت كان جود جالس فطرف الناموسية ومخنزر .. كيتسناها تخرج ... وكيتحسر على حالتها ... وتاهو كيحاول يستوعب الصدمة ... عمرو تخيل بلي غيكونو عندو ولاد ... وتوام من الفوق ... بقا كيفكر تا ضرو راسو ... وهي تخرج ... تصدم ملي شافها بديك الحالة و وقف كيشوف فيها بقات فيه بزااف ... كانو عينيها منفوخين بكترة البكا و حناكها فازكين بالدموع وفمها كيترعد ... تقدم جيهتها وملقا ميدير غير أنه يعنقها وتاهي معارضاتوش بحالا كانت محتاجة ليه ... بقات كتبكي وتبكي وهو مهضرش ... كتافى بالعناق بحالا كيطلب منها الاعتذار ولا كيواسيها ... ولا كيمتص ألمها ... بقا كيطبطب على ضهرها حتى تهدنات شوية ... داها للدوش وغسل ليها وجهها وهادشي كولو فصمت ... وداها هبطها شاد فيديها تحت أنظار سمر وسلطانة وخلود ... داها للجنان لواحد الزعلولة كبيرة وجلسها فيها وجلس حداها ... باس ليها راسها وهي عاد مزادت فالبكا ... كتحس بحرقة فقلبها وموس مخشي فيها بصعوبة باش كانت كتطلع النفس ... بقاو هكاك جالسين فالطبيعة حتى تهدنات شوية وداها دخلها للفيلا ومشات جلسات حدا سمر وهو مشا للبيت ..