للسماء قمر و لقلبي أنت

الجزء 30

#للسماء_قمر_ولقلبي_أنت 💙
بقلم : stories and novels
الجزء 30 :
مر شهرين ...ودخل فصل الصيف ... شهرين تغيرو فيها بزاااف دالحوايج ... سمر تأقلمات شوية مع الجو الجديد والناس الجدد وحتى الناس ولفوها ... لا بلبسها لا بشخصيتها لي جديدة عليهوم ...واخا فاللول كانو ديما دايرينها علكة بين سنانهم وكانو كيتشكاو لماماها وهي غير كتسايرهم لدرجة كيجيو عندها يقولو ليها زوجي بنتك ... وهضرة بحال هادي ... وجاب الله م.فاطمة مرا واعية كتوقفهم عند حدهم وبغات دير داكشي لي فراسها وطبعا هادشي بلا خبار سمر ... اما كون راه ناضت المصارعة الحرة فالدوار ....وهاد الأخيرة واخا مراضياش على الوضع الجديد بتاااتااا ولكن كتسنى القدر يلعب لعبتو ... حاليا هي ومها عايشين عادي كأي أم وبنتها ... وتقربات من غيثة بزاااف ولاو فحال التقاشر مكيتفارقوش خيطي بيطي عند بعضياتهم ... وم.فاطمة فرحاانة بهاد العلاقة الجديدة لي بيناتهم أما سيف وسمر كي القط مع الفار من بعد ديك الحادثة ... الما ميدوزش بيناتهم ... غير يتلاقاو يخنزرو ويتناگرو ... اليوم كالعادة فاقت سمر مع الفجر قضات روتينها الصباحي ولبسات تيشورت بيض نص كم قصير معاه شورط أسود قصير وطاي هوت وسبرديلة وشعرها مجموع كعكة مهملة جات كيوت .. دارت ايلاينر كالعادة حتى سمعات دقان فالباب مشات تحل لقاتها غيثة سلمات عليها وهزات السطولة ومشاو يسگيو وهوما فالطريق كيهضرو ويتعادو ويضحكو على كولشي ... تا غيثة مسطية وحمقة ضاربة الدنيا بركلة وسمر لقاتها على گانتها ...
سمر (مبتسمة) : دابا راجلك فين خدام ؟؟
غيثة (كتهضر من تحت الحايك) : كان گالي فالطاليان
سمر : هممممم والا رجع غيديك معاه ؟؟
غيثة : اه گالي غير يگاد ليا شي وراق ويديني (بابتسامة خجل)
سمر : وكيفاش عرفك ... زعما فين أول شافك وشفتيه ؟
غيثة (كانو وصلو للبير وبداو يعمرو الما) : هو كان من السياح لي كيجيو لهنا كل عام ... وجا خطبني صافي
سمر (بصدمة) : گاااوري ؟؟؟؟!!!
غيثة : ألاااااا ... مغربي ولكن كابر برا البلاد وسميتو محمد جاد گاااع
سمر : هممممممم ... كاين شي زين بعدا ؟؟
غيثة (حشمات) : عمري عمري باش نمشيو
سمر (ميقات فيها) : مممممم زعما كتحمشي انوووضي نتي الحشمة تجي تال حداك وتهرب ...
هزات السطولا وتمو راجعين وفالطريق غيثة شافت خوها جاي جيهتهم و وقفات ... غير شافتو سمر وكحلات بالعمى وعقداتهم وتاهو اصلا ملامحو حرشين وزاد خنزر فاش شافها ... فينما كيشوفها كيتفكر داك النهار فاش ضرباتو والمشكلة الضربة خلات ليه امارة فحاجبو بحال الا ضاربو ... جا سيف كيتمختر فمشيتو ودار راسو بلعاني تعكل ودفع سمر من كتفها ولاحت واحد السطل دالما ... هي عاد مازادت تعصبااات عرفاتو دارها بلعاني ...
سيف (حابساه الضحكة) : اووووووه سمحي ليا ... مدرتهاش بلعاني 😏😏
غيثة (تاهي عاقت بيه ... وضارت عند سمر لي واقفة مصدومة) : صافي ا سمر ماشي مشكل ... هاكي غنعطيك السطل ديالي وديه
سمر (شافت فيه بحدة وتعصباات وبدات تغوت ) : الله ينعععععل اصللللك ا الحماااار تفووووو ... لعب البراااااهش !!!!!!! كنكرررررهك كنكررررهكككككك !!!!
غيثة (بغات تهدي الطرح) : سمر عفاك صافي موقع والو يالاه نمشيو ...
سمر : بغيت لييييك الموووووووت بغيت لييييك موووتة بلا عزا ياااالاه (هادي تعلماتها من غيثة) سير الله يلگيها ليك كحلة زحلة انا بغيت ليك دقة جدي لي مشا وخلا العشااا ...(نساتها) العشاااا ... العشا اش ا غيثة (ضارت كتشوف فيها حيت هي لي علماتها المعيور ههههه)
غيثة (تاهي عالقرص) : مسگي
سمر (ضارت لعندو بحدة وكتجبد باش توصل ليه وهي معصبة وكتغوت ودايرة وقفة دالتايكة) : العشا مسگي ... يعطيك الساحق واللاحق والرصاص المتلاحق يعطيك البلا وقلة الهنا والمعيشة فالخلا بغيت ليك نهارين فالفراش والثالت فالانعااااااش يعطيك مرض ... (نسات تاني)
غيثة (كتخاف ومتحشم كتشوفها نسات وتكمل ليها ههههه) : الرواوي
سمر : وي ميغسي ... مرض الرواوي والحجر فالكلاوي يعطيك جرح فالمصران وقلبك ... (نسات تاني)
غيثة : مگيّح
سمر :قلبك مقيح فوق الطبلة والطبّة حايرين فيه يعطيك سطر الضرسة والمعيشة مسوسة يعطيك طيحة قدام الناس ومعيشة فالوسواس و وجع الرااس يعطيك الغمة والخباااط وحجرة فالسباط تخرج منك ريحة الشيااط (رفعات يديها للسما) اااااامين
سيف (بقا كيشوف مستغرب طلع حاجب ونزل لاخور ... غير جاتو بنت الجيران اما كون خبطها ) : ساليتي ؟؟؟ (ضار عند غيثة) ونتي تبارك الله عليك ا حادة الواجدة عالقرص ...محفضاها (وجه ليها اصبع الإتهام) تال الدار ونتفاهمو ...
سمر (من تحت سنانها يصحاب ليها مسمعهاش ولكن هايهااات) : fils de pute
سيف (عينيه حماار وزاد خنزر وجمع يديه على شكل قبضة حتى بانو العروق زاد قرب ليها وعض شفايفو بعصبية تنهد وقال بهدوء) : اسي ارتفهمح لفرونسي (طلعها وهبطها وضحك بسخرية ومشا)
سمر : معايا الاخ ؟؟؟ شتك كطلع وتهبط واخد راحتك ... (ضارت عند غيثة) اش قال داك راس المقلة دخوك ؟؟
غيثة (غوبشات) : ناااري مشيت فيها !!! واتي گاليك كيفهم الفرونسي ... من نيتك عايرتيه بيها راه خويا سيف قااري !!