للسماء قمر و لقلبي أنت

الجزء 37

#للسماء_قمر_ولقلبي_أنت 💙
بقلم : stories and novels
الجزء : 37
سمر (وقفات) :ففففففف سخفتيني يعطيك ضربة
سيف : مافيديكش
غيثة : فين واقفة ... اجي تاكلي
سمر (بامتناع) : لا لا ... الشهية مسدودة ... (شافت فسيف) اجي نتا ... كتكمي ؟؟
سيف : شنوووو ؟؟ لا الله ينجيني
سمر : ففففف صافي صافي ... هانا جاية
غيثة : فين غادة
سمر (غادة جهة الباب) : غادة نقلب على كارو ... غنطرطق هكاا
سيف (وقف بعصبية ) : شنووووو .... واش هادي كدةي بصح ؟؟؟ (شاف فغيثة) ونتي ماحاولتي معاها تبعد على داك الزبل ؟؟
غيثة (تنهدات) : ااااه ...بحالا مكتعرفهااش .. راسها قصح من الحجرة
مشات سمر تقلب على كارو وبالزز باش لقاتو وبزز باش عطاه ليها واحد الدري ... مشات للطواليت كمات وتهدنات ... وهي تخرج بملامح عاديين لقات سيف مشا ...وصلات الجوج ودخلو بقراو وهاد المرة مخرجو تال الستة ... و نجمة و ياقوت موقرينهم هاد الساعة ...كلاو كاسكروط ودخلو يراجعو ... ومشاو يتعشاو ونعسو وهكا دازت أيامهم غير القرايا القرايا ولا جديد يذكر ... سيف كيجيهم مرة مرة فالويكاند ومعاه م.فاطمة تاهي كتجي الا كان خاصها شي حاجة من المدينة على حسب الحلوى ...دازو أيام وأيام ... شهور وشهور ... والمناخ تقلب وبدا يبرد الحال حيت دخل شهر 10 ... واقترب موعد فصل الشتاء ❄❄❄ كانو البنات كيدوزو آخر امتحان ليهوم قبل ميشدو العطلة ديال سيمانة ... كانو كيدوزو امتحان الفلسفة وما أدرااك ما الفلسفة ... ساعتين وهوما كيكتبو تا تقبو الورقة ولي تنتف راه تنتف ولي تخربق راه تخربق ... شي خارج فرحان شي زعفان ... شي كيبكي ... وشي عندو عادي ...خرجو البنات من القسم كيشمو ريحة التراب المخلطة بالندا ... وما أجملها من رائحة ... رائحة المطر هي عطر الشتاء البارد 💙
سمر (كانت لابسة كسوة فايتة الركبة شوية باللون الأبيض بكمامها ديال الشتا وفوق منا مونطو كاروات بالبيض والأسود قصير على الكسوة بشوية ولاصق من جيهة الخصر وجاي مفرفر ... وفرجليها ليبا موس مع بوط قصير فالأسود وليگات دالجلد فيديها تاهوما بالأسود ... وشعرها دايرة ضفرة للور وفوق شعرها هات بيري بالأسود (hat beret ديك لي كيديرو الفرنسيات كتكون كلاص) خرجات من القسم كتجبد فعضامها وتشوف قدامها ) : الله على راااحة أخيرا تهنينا ...معمرني تخيلت غنقول هاد الهضرة ولكن توحشت لهيه ... خصوصا السطح ونشوف النجوم
غيثة (كانت لابسة جلابة سخوونة باللون الأسود مع نقابها وصباط تاهو كحل وهازا صاكها) : حتى انا والله ... فراسك راه تماك فالبرد كيكون مجهد بزااااااف لدرجة الطرقان كيتسدو
سمر : اووووف عيييت بغيت غير امتى نوصل تماك ونعس
غيثة : اوا يالله نجمعو حوايجنا باش ملي يجي سيف يلقانا واجدات
مشاو البنات للبيت يجمعو مسائلهم ودخلو عليهم اللفعات مهضروهمش ... هاد الشهور كاملة موقرينهم من نهار سلخاتهم سمر ... بقاو كيتسناو تا بدا كولشي يخرج ... والأباء كيتسناو ولادهم باش يديوهم للدواور البعاد ... كي خرجو لقاو سيف كيتسناهم حدا بيكوب فين غيركبو
سيف (شاف سمر وتبهر كتبان بديك اللبسة بحال شي وحدة من الطبقة الأرستقراطية كيوت وفنفس الوقت قوية ): على سلامتكم ... (شد الفاليز من عندهم ) طلعو بشوية عليكم
سمر : اففففف تاني هنا ... غيتوسخو ليا حوايجي
سيف : طلعي القدام وخليني أنا اللور
سمر (بنفاذ صبر) : لا لا ... صافي بلاش افففف
طلعو للبيكوب وسمر كتبعكك ...والطريق كاملة وهي معبسة وكيزيد اصرارها يوم بعد يوم على أنها خاصها تلقا حل باش ترجع كيف كانت وأحسن ... الطريق ففصل الشتا وبالضبط فطاطا صعيييييبة بزاف خصوصا الا طلع الواد ... كيقطع كولشي ... وهوما تكرفسو بزاااف حتى وصلو ... ما وصلو تا غفر ليهم ربي الذنوب ... نزلو وخاص يكملو على رجليهم للدار ... سيف بقا هاز الفاليز وهوما قدامو .. سمر طول الطريق وهي تشكي وتنگر بسباب هاد العذاب ... بعد نص ساعة وصلو قدام الدار ... دقات سمر الباب وحلات ليها مها تبادلو العنااق الحار وتسالمت مع غيثة وسيف لي حط الفاليز ومشاو لدارهم ... وسمر دخلات للدار وبقات كتشوووف فيها ..
م.فاطمة : فيك الجوع ابنتي ... ضعافيتي مكتاكلي والو ... اش مشهية ؟؟
سمر (قلبات عينيها): وا ماماا ... اشمن ضعافيت ...بغيت غا نعس عيييت
م.فاطمة : زيدي زيدي ... راه غنتغداو اليوم عند للالة حادة
سمر : علاش ؟
م.فاطمة : كيفاش علاش ؟؟ حيت جيتو وبغينا نتجمعو ... يالاه ... أنا نلبس ونمشيو
سمر : تماااام
لبسات م.فاطمة عليها بالخف ... ومشاو لدار للالة حادة ... ستاقبلاتهم وعطاتهم حقهم وسلمات سمر على رقية ... ودخلو للصالون ... ومشات غيثة تجيب گصرية ديال الرفيسة بالدجاج البلدي مصاوبة على حقها وطريقها ...طاحت فيها سمر عمية وكتاكل فصمت ... مع ميتة بالنعاس ...
للالة حادة (موجهة كلامها لغيثة) : عطيتي لخوك ؟
سمر(وحلات ليها) : كح كح كح كح كح ... الما .. كح كح
رقية (مدات ليها الما)
سمر : الله ...
م.فاطمة : بشوية عليك ابنتي ...
كملو غداهم فجو هادئ وحطو الديسير ... وتكاو بينما ودن العصر ... وسمر طاحت كااااااو خلاتهم كيجمعو وهي معقلاتش على راسها نهااائيا حتى بدات تفيق فيها غيثة
غيثة : اناااري مالك سرحتي عجول الآخرة ؟؟؟
سمر (كتحك فعينيها) : هاا ... ففففف (تقادات فالجلسة) نعست بزااف
غيثة : نوضي تاكلي كاسكروط نوضي ...انا نمشي نجيبو ... رقية اجي معايا
م.فاطمة : مالكي
سمر (بتعب) : والو ... غير عييت مع الامتحانات .. رجع معايا العيا
للالة حادة : متشقيش راسك كتر من القياس غتهلكي صحتك
سمر : مممم
جابت غيثة كاسكروط لي كان مشكل ومعاوناها فيه م.فاطمة ... سمر عجبها البسكوي لي كان تا كلات نصوو
م.فاطمة : عجبك ؟؟؟
سمر (كتاكل) : مممممم بنيين
للالة حادة : الله يعطيك الصحة ... غزااال اش كديري فيه ؟
م.فاطمة : زلافة كبيرة دقيق القمح (240 غ) بنخالتو وتزيدي ليه نص زلافة سكر گلاصي (75غ) وقبصة الملحة ومعلقة خمارة الحلوة وكتجمعيه بنص زلافة الزبدة (130غ تكون باردة) حتى كيتخلط كولشي وتجمعيه بخمسة المعالق دالحليب ودخليه التلاجة وقتاش ما بغيتي وتسرحي العجينة بالمدلك وطبعيها الشكل لي بغيتي وتقبيه بالفورشيط ودخليه الفران صافي وبالصحة والراحة (جربوه ا خربوشات كيجي غزاااااال متشبعوش منو 🍪)
للالة حادة :  ان شاء الله نجربو
كملو الكاسكروط وكل واحد تفرق لدارو ... سمر كي دخلات سخنات الما فالمقراج ودوشات لبسات بيجامتها ونعسات ديريكت 💤