للسماء قمر و لقلبي أنت

الجزء 109

#للسماء_قمر_ولقلبي_أنت 💙
بقلم : stories and novels
الجزء : 109
سلطانة(سلمات عليها بزز) : باااي ... (خلاتها حتى مشات وتبدلو ملامحها) افففف بقا ليا كيفاش نتفك منك حتى نتي ... (تفكرات الورقة جبداتها وهي تبتاسم وقالت بصوت مسموع) مرااد العراقي
أروى : شكون هاد مراد ؟
سلطانة(قفزات) : هيييه ...(غمضات عينيها بعصبية) منين خرجي نتي ؟؟
أروى(مبتسمة) : ياك هادي هي سلام اطاتي ... توحشتك اطاتي ... واخا ماشي مشكل ... عارفاك مكتحملينيش هممم ههههه ...
سلطانة (خنزرات فيها): ملي عارفة راسك ... لاش جاية ؟؟
أروى(جمعات الضحكة) : وصاتني ماماك نوصلك للدار وهي عندها شي غرض تقضيه
سلطانة(باسغراب) : غرض ؟؟ ....(بقات كتفكر شحاال) فففف صافي واخا واخا
مشات سبقاتها للوطو ديالها والطريق كاملة وهي قالبة وجهها جيهة الزاج ...وصلاتها لدارهم وهي تنزل بلا متلفت ليها دخلات للدار ... ملقات حد طلعات لبيتها دوشات وبدلات حوايجها ... هبطات مشات للكوزينة دارت سندويتش خفيف هزات عصير من التلاجة كبات فالكاس دارت داكشي فبلاطو وطلعات للبيت خدمات لي باف دارت الموسيقى وجلسات فالناموسية على خاطرها جبدات الورقة وبقات كتقلب عليه فالفايسبوك ... كتبات السمية بالعربية ... ملقاتوش ... كتباتها بالفرونسي .. وااالو ... كتباتها مقادة ومقلوبة و واالو ...
سلطانة (باستغراب) : اوااااه ... هادا اغتيست ومعندوش فايس ... العجب ... سي بيزاغ ...(مشات للانستا غير كتبات سميتو وهو يخرج ليها داير تصويرة جالس فشي ريسطو مقابلة مع البحر وهو عاطي بالظهر مباينش مزيان ... والكونط بريفي ... ملايح حتى تصويرة ومتابع 10 دالناس و 19 الناس لي متابعينو ... وكاتب فالبايو « classics 🎶» ... ماقداتها فرحة فاش لقات الكونط ديالو بقات كتغوت بالفرحة وتنقز فوق الناموسية والضحكة واصلة ليها للودن .. غطييييير بالفرحة ) : اووووف الحمد لله ... الحمد لله هوهوووووووووووو (جهدات الموسيقى وبقات كتشطح فوق الناموسية حتى دخلات مها على غفلة وهي تحبس ...دوزات يديها على شعرها) ماما ... (هبطات من فوق الناموسية) امتى جيتي ؟
جوديا(كتشوف فيها باستغراب ومربعة يديها) : يالاه دابا ...(قربات ليها)اوا ؟ مالك فرحانة ؟؟
سلطانة (رتابكات): ها .. لا والو ... غيير ... قنطت ونضت كنشطح
جوديا (بتشكيك): قنطتييي ...
سلطانة : اييه ...(بغات تلف الهضرة) ونتي فين كنتي ؟؟
جوديا : نييت خاصني نقولها ليك ...(بحماس) جون جا للمغرب
سلطانة (باستغراب): شكون جوو ...(تفكرات) ااااه ...(قلبات سيفتها) ومن بعد ؟؟
جوديا : كيفاش ومن بعد ؟ عارفانا حنا على علاقة وان شاء الله غنتزوجو
سلطانة(بلامبالاة) : à bon ?? ... اوا مزيان ... هو لي كنتي معاه دابا ؟
جوديا(عينيها كيبريو من الفرحة) : وي ... (وقفات)المهم هانا مشيت لبيتي .. تشااااو (مشات)
سلطانة : يخخخخ ... غير نتا لي كنتي ناقص ... ففففففف (هزات تيليفونها وبقات كتشوف فالكونط شحااال .. وكتفكر واش تصيفط ليه ولا لا ... حتى فالأخير قررات تسيفط ليه ولي ليها ليها ... لاحت التلفون بالزربة وقلبها كيضرب حطات يديها على قلبها والبسمة مكتفارقهاش وبقات كتحلم والقلوبة خارجين من عينيها ...
مرت أيام وأيام ...وجوديا ولات داياها غير فجون وبنتها مابقاتش مسوقة ليها ... لدرجة مبقاوش كيتشاوفو بزاف ... وسلطانة واخا قبلها الفارس المغوار مراد ولكن مردش ليها فولو ... ولي زاد عصبها مكيلوح والو ...
اليوم كان نهار مشمس و زوين ...خصوصا أنه جوديا مكانتش عندها الخدمة اليوم ... فاقت دوشات كالعادة نشفات شعرها وصاوباتو ودارتو بوكلي ودارت بونضو ديال التوب صفر وخلات شي زغيبات خارجين للقدام ولبسات كسيوة ديال الصيف بيضة ونازلة من الكتاف ومقبوطة من الخصر ... ومنفوخة من الكمام وجاية قصيرة فوق الركبة وجاتها زوينة مع هي رشيقة ... دارت مكياج خفيف ... ايكغون ... طراسات الحجبان ... ماسكارا ... هايلايت ... فاغاجو ... وعكر حمر ماط ... دارت مجوهاراتها ... سنسلة فيها جوج ... ساعة ... وحلقات .. وأخيرا طالون شفاف ... هزات القفة ديالها وتيليفون ديالها ومشات لبيت سمر لقاتها ناعسة حطات فوق الكوافوز ديالها فلوس الطاكسي و ورقة صغيرة ... خرجات قدام الدار دارت نضاضر دالشمس ولقات جون كيتسناها متكي على طوموبيل ديالو من نوع بورش ديكابوطابل ... كان لابس تيشورت بيض فوقو قاميجة بيج وداير يديه فشورط كحل قصير وسبرديلة بيضة ونضاضر دالشمس كحلين ...شافها وهو يبتاسم ... مشات عندو عنقاتو وبدا كيتغزل فجمالها كالعادة ركبو فاللوطو وكانت الوجهة منزل أروى ...
#يتبع