للسماء قمر و لقلبي أنت

الجزء 110

#للسماء_قمر_ولقلبي_أنت 💙
بقلم : stories and novels
الجزء : 110
مشاو لدار أروى وبقاو كيتسناو فيها ...
الحوار باللغة الإنجليزية 💭
جون(شاد فيديها وكيشوف فيها بحب) : نهار على نهار كتزيدي تبهريني بجمالك وأنوثتك (باسها فحنكها ونتاقل لحدا فمها)
جوديا (كضحك بغنج وعاجبها الحال) : ههههههههههه
فجأة تمات أروى خارجة من دارهم ... وغير شافوها بزوجهم حلو فمهم ... كانت لابسة واحد الكسوة بالكحل وموردة بالبيج ... سميطاتها رقاق محلولة من الصدر ... صدرها كولو تيبان مع هي طايتها عامرة حوتة ومفاتنها كبار بزاف ...والكسوة طويييلة ولكن محلولة تال الفخاض وضهرها كولو عريان ... وجهها مصاوب على حقو وطريقو وشعرها مبوكلي وطويل ... وفرجليها طالون بسماطي طوال ...وفيدها قفة صيفية ...جوديا كيف شافتها هكاك معجبهاش الحال وحسات بنغصة فقلبها ...
أروى (حلات باب اللوطو بكل أنوثة وطلعات وحركاتها مدروسين ... موجهة هضرتها لجوديا وكتحلون) : جوجو ... توحشتك .. صافا عليك ؟؟
جوديا (بضحكة صفرا وكتهضر بزز) : صافا ما شيغي ونتي ؟
أروى : très bien ... جوجو ... معرفتيناش على السيد (غمزاتها وكتشوف فيه شوفات فشكل)
جوديا (فوق من خاطرها ... وبالانجليزية) : جون حبيبة ... هادي صاحبتي أروى وخدامة معايا وراه فايت لي عاودت ليك عليها... أروى هادا جون حبيبي لي عاودت ليك عليه ... وحتى هو طبيب ... طبيب نفسي
جون (لي كان زي الأطرش في الزفة ...شاف فيها من المرايا ) : اوووو ... أنا فرحان لي غنتعرف على طبيبة وبهاد الجمال والأناقة ... (شاف فجوديا) حبيبة مقلتيش ليا صاحبتك بهاد الجمال والأناقة ...
جوديا (شافت فيه الشوفات ديال ياااك ا سيدي)
أروى (كضحك بجهد): هههههههه شكرا على كلماتك الزوينة
جون(باحراج) : يالاه نمشيو ؟؟؟
ديمارا الطومبيل ومشاو فجو مكهرب ... أما عند سلطانة ... ففاقت وشافت الفلوس والورقة لي كانت مكتوبة فيها (حنا مشينا لتغازوت ... غنجي فالعشية ... هاهوما فلوس الطاكسي ... موااح) لاحت الورقة بسخط ... لبسات حوايجها بشكل عشوائي ... خرجات بلا فطور للمدرسة ... قرات النهار كولو وفاش كانت راجعة مسات كتمشى فواحد الطريق خاوية وهي معصبة مكتشوف كاع قدامها حتى كانت غيدخل فيها شي حد ببيكالتو وكان لابس اللبس ديال ركوب الدراجات وداير كاسك على راسو ... جاب الله عوج الطريق و وقف كيشوف فيها مصدوم وهي كاعما مسوقة كملات طريقها ... والسيد شاف تا عيا وهو يمشي ...
*فتاغازوت وبالضبط فكافي dfrost almugar حدا أمواج واحد المنظر غزااال ... ومريح للعين والنفس ... ☀ كانو جالسين جوديا وجون وأروى ... والبحر حداهم وكيتسمع غير صوت الأمواج ... وجليسة فالأرض والألوان ضايرة بيهم ... والفطور كيشهي ...
الحوار باللغة الإنجليزية 💭
أروى(مغمضة عينيها ومبتاسمة) : هممممممم ... المنظر شحال غزال ...
جوديا (كتشوف فالبحر): بلادنا زوينة
جون : هواء نقي ... الطبيعة ... ماكلة كتشهي ... جوج بنات زوينات وقاريات ... اش بغيت مزال هههههههه
أروى (كضحك الضحكة ديال العاهرات وتعوج ) : ههههههههههههههه شكون بحالك ... (كتشوف فيه وهزات حاجبها) عندك الزهر
جوديا (كتبتاسم غير بزز)
جون : الجو زوين ... ديال العومان
أروى (نقزات) : عندك الصح ... يالاه نمشيو نعومو ؟؟؟
جون : اوكي ... هو الأول نمشيو نحطو حوايجنا فالدار ومن بعد نمشيو
أروى(باستغراب) : اشمن دار ؟؟
جوديا(ببرود) :  جون كيعرف واحد صاحبو وخلا ليه واحد الدار هنا
أروى : وهاد الدر قريبة ولا بعيدة ؟
جون : لا لا قريبة ... شي خمسة دقايق تقريبا
أروى(رجعات شعرها للور) : اااه اوكي ... يالاه
مشاو للدار المعهودة ولي كانت زويينة بزاف ...يكفي أنني نقولكم دار فالبحر وفتاغازوت ... يمكن ليكم تتخيلو جمالية المكان ... جوديا وجون دخلو لواحد البيت وأروى فبيت اخور ... أروى لبسات مايو دو بياس بالبيض ومزوق بالذهبي وسماطيه كحلين وفوقو كاش مايو طوييييل حتال التحت تاهو بالبيض ومزوق بالذهبي ... جمعات شعرها كعكة مهملة ودارت گلوس نيود بلاصة العكر وحيدات المجوهرات ... أما جون بقا غير بشورط هناه الله ههههههه ... خرجو من البيت وتلاقاو مع أروى بدون هدوم ... غير كنضحك ... كانت لابسة واحد المايو كولو خطوطة بالبيض وكولها باينة وكملاتها لابسة فوقها كسوة شفافة ولاااااصقة حد الفخاض ونص كم ... خلخال فرجليها ... وميكاب سامبل وشعرها جمعاتو ... وفيديها هازة قفة بحال جوديا ...جات سيكسي بزاااااااف ...جون طلعها وهبطها وهو يخرج وجوديا مشات عندها جاهلة ...
جوديا : واش تسطيتي اش هادشي لابسة ؟؟
أروى(مبردة) : مالي شنو لابسة هههههه
جوديا (كشكشات عليها): أروى ... بلا متبوهلي عليا ... راه معيقة بزاف بهاد الشراوط ... وزيديها التعواج والتحلوين ... تصحابيني معيقاش بيك
أروى (باستهزاء): ههههههههههههههه ... حبيبة واش يالاه غتعرفيني ؟؟ هادا لبسي وهادا طبعي ..ولااا ياكما شداتك الغيرة والحسد همممم ... ولااا ياكما خايفة نديلك صحيبك
جوديا (خرجات فيها عينيها): هيييه جمعي فمك !!!
أروى(ربعات يديها) : ياكما نسيتي بلي راكي مصاحبة مع گاوري ... لي فبلادو كيشوف كتر من هادشي و ... peut-être يقيسو گااع شكون عرف ...(خنزرات فيها) دونك بلا مديري ليا فيها فقيهة وشوفي راسك هو الأول وفوتي ساحتي حسن ليك ...(خرجات فيها بكتفها ومشات هازة مناخرها للسما وخلات جوديا مصدومة)
جوديا حلات شعرها وعاودات جمعاتو دارت redémarrer ههههه ... تنفسات الصعداء ومشات خرجات لقات أروى محيدة الشرويطة وناشرة باقلها ... زعما متكية فوق الرولاكس كتبرونزا ودايرة ليكيت والنضاضر دالشمس ... وجون جالس حداها كيشوف فالبحر ... مشات حداه كتسوط وحطات القفة بالجهد ...
الحوار باللغة الإنجليزية 💭
جون (شدها من ذراعها) : حبيبة مالكي ؟؟
جوديا (مخنزرة ومكتشوفش فيه): والو ...
جون : لا بيك شي حاجة ... ملي جات صاحبتك ونتي تبدلي ... واش مخاصمين
جوديا(بقات كتشوف فيه شحاااال) : غنمشي نعوم (وقفات حيدات الكاش المايو بجهد ولاحتو فالقفة بعشوائية ومشات كتخبط دخلات للبحر ...
#يتبع ...