للسماء قمر و لقلبي أنت

الجزء 114

#للسماء_قمر_ولقلبي_أنت 💙
بقلم : stories and novels
الجزء : 114
شطحو حتى عياو ورجعو فرحاانين ...
جون(بالإنجليزية) : صدمتيني .. مكنتش عارفك كتعرفي تشطحي هكا
جوديا (بابتسامة مشرقة): يالاه جات الفرصة ...(رشفات شوية من مشروبها وضارت عند أروى وقلباتها داريجة) أروى سمحي ليا على قبيلة مكنتش قاصدة نغوت عليك ... مي كنت معصبة وجيتي قدامي ... معرفتش اش درت .. سمحي ليا
أروى(بابتسامة وشدات فيديها) : ماشي مشكل
جوديا (عنقاتها): ... (تقابلات معاها) اوووه وراه عرفت ليك سمية الديدجي
أروى(بفرح) : هههههههه بصح ؟؟ قولي
جوديا : مراد العراقي
أروى : مممممم مراد ... سمية زوينة بحالو (ضارت كتشوف فيه ونطقات بلا متشعر وكتبتاسم) مراااد
جوديا(قرصاتها بشوية) : اسبحان الله ا الشريفة
أروى(قفزات) : ههههههههه كيحمق بالزين اختي (فجأة تطلقات أغنية This is what you came for وهي تخرج عينيها ) اووووووووه my favorite song (أغنيتي المفضلة) (بدات كتلوى وكتغني وتصفق بيديها) Baby, this is what you came for
Lightning strikes every time she moves
And everybody's watching her
But she's looking at you, ooh, ooh
جوديا وجون غير كيشوفو فيها ويضحكو ...عرفوها بدات تطلع معاها السكرة
أروى (وقفات شادة كاس فيديها وكتشطح): غنيو معايا غنيو ...وزايدها الذوق عندو بحال ذوقي هههههه
جوديا : أختي الله يستر قربتي تحماقي
أروى(كتغوت على حر جهدها) : راااني حمااقيت بزيييينووووو هوووهووووووو ... (قربات ليها الكاس عند فمها)هاكي هاكي ذوقي ليك شوية
جوديا(بعدات راسها) : لا شكرا ههههه عارفاني مكنشربش
أروى(ميقات فيها) : اوا جلسي هكاك كي شي معقدة ...(حطات الكاس) حتى الشيشة والو ؟؟
جوديا(بامتناع) : لا لا الزين
أروى : ففففففف خليني نجلس گهمتيني يا ختي ... ولاش جاية
جوديا : جاية باش نبرگگ وباش نحضي رزقي
أروى(دارت الضحكة ديال العاهرات وبدات تصفق حتى دارو كيشوفو فيها) : هههههههههههههههههههههه
بالإنجليزية 💭
جون(كان سكراااااان) : مالكوم ؟ فاش كضحكو ؟
جوديا : ماشي شي حاجة مهمة ههههه(ضارت عندها وهضرات بهمس) ويلي اش هاد الضحكة اصاحبتي
*طلقات أغنية Tocame*
أروى (خرجات عينيها): اووووووه ... سمعي سمعي ...(وقفات) حيدي حيدي (مشات حدا الناس وبدات كتشطح)
جون(سمع الأغنية وبدا كيشطح براسو والكاس فيدو ومعلابالووش) : oh wow ...
جوديا(صونا ليها التلفون وشافت فيه وتبدلات سيفتها) : اوه ... (وقفات) سمح ليا نجاوب على التيلي ونجي (مشات بالزربة)
جون(شير ليها بصباعو) : خودي راحتك حبيبة
*خرجات جوديا لبلاصة بعيدة على الناس والصداع وجاوبات*
جوديا (مخنزرة): وي آلو ؟
موسيو العلوي(بحدة) : فين كاينة نتي دابا ؟
جوديا(بسخرية) : ههههه نعم ؟؟ كيفاش فين كاينة ؟ باش من حق كتسولني ؟
موسيو العلوي(بعصبية) : بصفتي بات البنت لي بيناتنا ا لالة ومخلياها مريضة مليوحة فالدار بوحدها وعارفاها déprimée(مكتآبة) وخارجي كتضوري فالزناقي
جوديا(غمضات عينيها وعضات شفايفها وكتمات الغضب ديالها) : دابا مالنا شنو واقع ؟؟
موسيو العلوي : شنو واقع ؟؟؟ راه أنا لي خصني نسولك شنو واقع ؟؟ سمعيني مزياااان الا مشات حتى وقعات شي حاجة لبنتي منعرفك غير نتي بربي منعقل علييك غن(قطعات عليه)
جوديا : فففففف نتا لي بقيتي ليا ...خليني اخويا نفرح ونشط ااو ... (طفات التليفون)
تمات راجعة وكتشطح وتغني وفرحاانة ممسوقاش ... دخلات وكيبانو ليها كااع الناس نايضين كيشطحو واحد الجو فشكل غرييب كولشي كيزدح والضواو كيضربو ...مشات لبلاصتها وملقات تاواحد بقات ضور فجنابها و قلبها وقف ... حسات بالزمان حبس والموسيقى حبسات وكولشي حبس معاها ...تصدمات صدمة عمرها لي مكانتش ضاربة ليها الحساب ... بقات مصمرة فبلاصتها كتشوف فيهم وفالمنظر لي كيعيف ... أروى وجون فوضعية مخلة كيشطحو أو بالأحرى كيتحاكو وأروى لاوية يديها على عنق جون وقريبة منو بزااااف وجون معنقها وخاشي وجهو فعنقها ... ولي زاد شعل النار لي فيها فاش شافتها أروى شافت فيها شوفات ديال النصر وابتاسمات ابتسامة سخرية وجرات جون لعندها .... جوديا فهاد اللحظة جهلاات معرفات شنو دير ... دوزات يديها على شعرها بتوتر وكتنفس بصعوبة ... مابان ليها غير واحد الكاس دالشراب محطوط هزاتو وتمات غادة كتجري جيهتهم وكباتو عليهم حتى غوتو وقفزو وخبطات بيه للأرض وهي كتنهج ...
أروى : صا فا بااا ؟؟؟؟؟؟ واش تسطيتي اش درتي ؟؟؟
(جوديا طلعاتهم وهبطاتهم بقرف بلا متنطق وهي تم راجعة كانت ناوية تهز صاكها والمونطو ديالها وتمشي فحالها وهي دير فراسها طررن 💡)... : باكية باكية ... مفقوصة مفقوصة ... معصبة معصبة ... اللهم نبرد غدايدي هو الأول (حطات حوايجها وجمعات كمامها وحيدات الطالون كلكماتو فالمونطو وهي تمشي قصداتهم تاني ولي كانو باقي واقفين مصدومين ... صلاتها مع أروى حتى عواج ليها الحنك وتلاحت عليها جلسات فوقها كتنتف فيها وتعض وتقرص ولوخرا كتغوت ... )
جون(كيغوت ويحاول يفك بالإنجليزية💭) : اش كديري ... طلقي منهاا غتقتليهااا ... جووودياااا
جوديا(خرجات عينيها ونيابها وكتغوت ونسات لونجلي ههههه عطاتو غير بالداريجة حيت هو لي كيبرد القلب) : غتبسع مني وتعطيني التيسااااع ولا نخلطك معاهاااا ... تقرب لياا نفقد لمك الحيااااة ... ا فار الدقيق يا المصلووووق تفوووو
جون (تخلع ومفهم والو وهو يتراجع للور)
فاللول تاحد ماسمعها من الحضور حتى بدات المدابزة ولات فيها العنف والغوات كتر عاد نتابهو ليهم وتجمعو عليهم حتى فارقوهم ... جون شد فأروى لي كانت كي الدجاج المريش حاااالتها ... وجوديا تمات راجعة ... كانت ناوية تخرج لولا أروى لي خلاتها توقف ...
#يتبع ...