للسماء قمر و لقلبي أنت

الجزء 58

#للسماء_قمر_ولقلبي_أنت 💙
بقلم : stories and novels
الجزء : 58
*** عند سمر & سيف الدين ***
كانت سمر فبيتها جالسة مقابلة مع المرايا لابسة شوميز دونوي حريري فالأبيض وكتمشط شعرها
سمر : ااااخ ... اش هاد الزين يا سيدي ياربي ... الناس كتكبر وتشرف وتهتر وأنا غادة وكنزيان الله يحفضني ويحجبني نخاف غير نتقلب قمر بهاد الزين هههههههه الله يستر ... (وقفات) فففف سيف تعطل تاني !! (لبسات بينوار وخرجات)
*خرجات سمر باتجاه ورشة الرسم ديال سيف عرفاتو غيكون تماك ... دقات وسمح ليها بالدخول كانت غرفة كبيييييرة الحيوط ديالها كولهم معلقين فيهوم الرسومات ديال سيف وفيها بيرو كبير فيها كاع المستلزمات لي غيحتاج من أوراق والصباغة والأقلام ملونة والأقلام العاديين والخاصين بالرسم ... إلخ عاد البلاصة لي كيرسم فيها وفالجهة لوخرا فوتوي باللون البيج صغير وقدامو طبلة صغيرة من الزاج ...وما تبقى الألواح ديال سيف ... عاد البالكون ... والغرفة كانت كولها بديكور خشبي عطاها رونق خاص وقديم ...سدات سمر الباب ... لقاتو جالس كيرسم ومشات عنقاتو من الضهر
سمر : الزين ديالي !! (باستو فعنقو)
سيف(بابتسامة جانبية) : باقي فايقة ؟؟
سمر : شحال تسنيتك ماجيتي وقلت نجي نشوفك ... صافا ؟ اش كترسم ؟
سيف(تنهد): والله معرفت غا كنرسم وصافي
سمر : ممممم كنعرفك مكتجي لهنا حتى كتكون فرحان ولا مقلق ... مالك ؟
سيف (تنهد) : والو غير كنحس عقلي مشوش وصافي !!
سمر (باستو وزادت عنقاتو) : واخا ا سيدي ... الزين ديالي ؟
سيف : نعام ا خربوشة
سمر : رسمني
سيف(شاف فيها) : والله تا كنت عارف غتقوليها ... واش فراسك وقتما جيتي هنا كنرسمك تا ولاو أغلب لي طابلو ديالي فيهوم غا كمارتك
سمر : اوا ليك الشرف ترسم هاد الزين كولو فين غتلقا بحالي ... وزايدون باش فينما ضور تلقا وجهي تا الا بغيتي تشوف فشي وحدة تفكرني
سيف(رجع كيرسم) : الله يهديك فهاد العمر !!
سمر : ومالك ... راه الشراف خرج منهوم العجب !! ماعلينا ... غترسمني ولا لا ؟
سيف : لا حول ولا قوة إلا بالله ... سيري ا لالة !!
سمر (مشات فرحانة تكات فالفوتوي) : بلاتي ندير شي بوز واااعرة
سيف : اش كديري ... راه غنرسمك ماشي غنصورك !!
سمر : وا بغيت نبان سيكسي تا مالك خليني
سيف : ما قلت والو ... غير باش متعدبيش
سمر : تمام تمام
• دق دق دق •
سيف : شكون باقي فايق تال دابا ؟
سمر(هزات كتافها) : معرفت !!
سيف : دخل
سلطانة (طلات عليهوم من ورا الباب): سمحو ليا ... مشيت لبيتكوم ومالقيتكوم ... قلت غاتكونو هنا ؟ (شافت فسمر) مامي جيت عندك الا بغيتي تمشاي معايا فالجردة كيما وصاك الطبيب
سمر : ااااه نسيت هاد القضية ...(وقفات) واخا هي دابا نيت
سيف(بضحكة شريرة) : سيري ا سلطانة الله يعطيك ما تمنيتي ... فكيتيني
سمر : يااااك واخا (مشات جرات سلطانة وخرجو)
سيف (بدا كيضحك على هبالها لي مكيتقاضاش)
مشات سلطانة وسمر للجردة كيتمشاو تحت النجوم فالنصاصات دالليل... أولا حيت سلطانة كيعجبها تمشى بالليل وثانيا حيت سمر وصاها الطبيب باش تبقى تمشى حفيانة فالتراب باش تحيد منها كاع الطاقة السلبية ... بقاو كيتمشاو فصمت تحت النجوم ... واحد الجو ياا سلام 🌌
سلطانة : الجو زوين فالليل ... كيحمقني بزاف
سمر : حتى أنا ...
سلطانة : غني ليا ديك الأغنية اليونانية ولا منعرف
سمر : ااه ... nanourisma ؟ واخا هي اللولة
*بدات سمر كتغني بصوت عذب وكيتمشاو ويستنشقو ويستاغلو هاد اللحظة ... الجو نقي والنجوم والقمر مضويين ... حتى عيات سمر وطلبات من سلطانة يمشيو يجلسو شوية فالجلسة لي حدا الفيلا ...
سمر(تلاحت فوق الفوتوي) : اووف وليت دغيا كنعيا
سلطانة(جلسات حداها) : صافي تقاديتي ا الساطة
سمر (لاحت عليها مخدة) : لهلا يحييك أنا باقي ندگ وندردگ ونطبح الزرزور من فوق السور ... ويلي با
سلطانة : هههههههههه واو واو واو تكالماي ا مامي غير كنضحكو هههههه
سمر : اوا هكاك
سلطانة : مامي ... ديما كنبغي نسولك ... كاين واحد البيت بابو كحل من الحديد ديما مسدود ... اشنو فيها ؟
سمر(تقادات فالجلسة) : بيت بابو كحل ؟ فين هادشي هههه
سلطانة : جيهة الكوزينة فالقنت ... فاللخر ديال الكولوار
سمر : والله معرفت أنا أصلا مكنوصلش لديك البلاصة .. ونتي اش موصلك تماك أصلا
سلطانة : لا غا كنت دايزة من تماك وبان ليا
سمر : معرفت نكدب عليك ... غيكون فيه غير شي قش ولا خاوية ... ما علينا عفاك جيبي ليا كأس دالما
سلطانة (وقفات) : واخا ... اش بان ليك ندير قهوة ولا نجيب بيسكوي ... جاني الجوع
سمر : الكوزينة قدامك لي عجبك ديريه
سلطانة : واخا
*مشات سلطانة للكوزينة ودارت لي بيسكوي فطبسيل ودارت القهوة كتسنى فيها طيب وبقات كتشوف فالشرجم... حتى تسمعات واحد الغوتة مجهدة تا قفزاتهاا ... ومشات بلا عقل كتجري خرجات من الكوزينة ولقات سمر تا هي جاية مخلوعة كتجري
سمر (وجهها مخطوف) : اش هاد الغوات ... واش نتي ؟؟؟ (كتقلب فيها) ياكما طرات ليك شي حاجة ؟؟؟
سلطانة (كتقفقف) : لااا ماشي أنا ا مامي ... تانا سمعت الغوات ولكن معرفت منين ...اووف قلبي تيضرب يصحابلي نتي
سمر (حطات يديها على قلبها): بسم الله الرحمن الرحيم ... اش غنديرو دابا ؟؟ نمشي نفيق سيف (يالاه غتمشي وهي تحبسها سلطانة)
سلطانة : لا تسناي ... متخلينيش بوحدي
سمر : واخا يالاه بزوج
طلعو بزوج فالدروج ومشادات وكيترعدو غا بوحدهم وحاضيين جنابهم ... وغير وصلو للدرجة الرابعة وتسمعات نفس الغوتة حتى غوتو معاها وطاحو للأرض ...
سمر (بهمس): الصوت قريب بزااااف !!! أنا متأكدة فالفيلااااا
سلطانة(دارت ليها طننن 💡) : البيت لي بابو كحل ... هو هو أنا متأكدة !!!!
سمر : اش كتقولي ؟؟
سلطانة : الصوت جاي من تماااك ... أنا متأكدة
سمر : نعيطو لسيف ولا جود ؟؟
سلطانة : لا لا نشوفو بعدا حنا اش واقع ... (وقفات) عطيني يديك ... يالاه دغيا
سمر (مدات ليها يديها) : ناري عنداك يكون شي شفار ...
سلطانة : مكنضنش ... هدا صوت مرا !!
سمر : اوا زيدي ...
مشاو الثنائي الشجاع بحذر جهة الغرفة الغامضة ... والطريق ليها جاتهم طوييييييلة وبزاف دالأفكار كتضارب فعقلهم ... خصوصا وأن الغرفة كانت جاية فأخر الكولوار ومقنتة وبابها حديدي أسود ... ماحدهم كيقربو وهوما كيسمعو أصوات غريبة مقدروش يميزو ديالاش ... صوت الغوات ... صوت الأنين وصوت شي حاجة أخرى ... فاش وصلو حدا بابها لقاوه غير مردود ماشي مسدود كيفما موالف وضوء أحمر منعاكس على برا ... بزوجهم ستغربو ...والأصوات الغريبة غادة وكتجهد مع كل خطوة كيخطيوها ... وتا وحدة مقدرات تزعم تحل الباب ...
سمر (محافضة على هدوءها) : أنا فنظري نعيطو لسيف ولا جود ... هادشي مكيبشرش بالخير !
سلطانة : غنضيعو الوقت ... أنا نزعم ونحل الباب بشوية ونتي بقاي هنا والا كانت شي حاجة خطيرة نطير نعيط عليهم ونتي سدي الباب واخا ؟
سمر : واخا ...
* حلات سلطانة الباب بشوييييييية ...وغير هزات عينيها وتصمرات فبلاصتها تصدماااات لسانها كلاه القط كيما كنقولو ... كانت مجهزة نفسيا لأي صدمة إلا هادي مكانتش ضاربة ليها الحساب ... وبقات كتردد كلمة ميمكنش *
سمر (بهمس) : سلطانة ... اش واقع ... سلطانة ؟؟ (شافتها مكتجاوبش ومشات عندها كتحرك فيها و والو السيدة مكيناش ... شوية سلطانة بدات كترجع باللور بقوة الصدمة وعينيها مفيكسيين على الباب تا وصلات للحيط وبقات واقفة مصمرة وفلسانها كلمة ميمكنش لدرجة سمر تخلعات بزاف ومفكراتش ... مشات ديريكت للباب وحلاتو بدون سابق إنذار وهي الأخرى بحالا صرفقها شي واحد وضرباتها اللقوة وهي طلقها بواحد لالة مولاتي الغوتة تا فاقو گاع مالين الدار كيتجاراو ...
سمر(غوتات على حر جهدها) : ااااااااااااااااااا ..... جوووووود اش هادشي كنشوووووووووف  ؟؟؟؟؟؟؟؟؟؟