للسماء قمر و لقلبي أنت

الجزء 60

#للسماء_قمر_ولقلبي_أنت 💙
بقلم : stories and novels
الجزء 60 :
جود (مجاوبهاش)
خلود(حطات يديها على كتافو) : فهمت ... ولكن هادشي لي درتي ما فيه ما يصلاح !
جود(شاف فيديها وحيداتها وهو يشوف فيها) : اش بغيتيني ندير ... الا عرفات مغتبغيش تزوج بيا !! شكون هادي لي غتبغي تزوج بحيوان شكووون
خلود : ملي هكا !!! علاش ما داوااا !! نتا دابا عند بالك راك كتحميها كلما بعدتي ولكن لا !!! راك كتعدبها كتر وكتر ... المرا تصبر على كولشي الا الخيانة ا جود الا الخيانة !!!
جود : فففففففففف صعييب !!
خلود : صعييييب اه وكياخد الوقت اه متافقة معاك ولكن ماشي مستحييل ... كولشي كيرجع ليك نتا اجود ... فكر فواليديك ... فكر فختك .. فعاءلتك فمراتك ... فولادك !!
جود (بقا كيشووف فيها وهو يحني راسو مخنزر) : سيري نعسي دابا ... وشوفي زياد و يزيد ليكونو فاقو ... سيري
خلود : هههههه جوود هو جوود متبدلتيش ... واخا هاني غادة
جود : ونتي تبدلتي !
خلود : بفضل العلاج (غمزاتو وخرجات)
• طلعات خلود لعند ولادها طلات عليهوم لقاتهم غارقين فسابع نومة ... سدات الباب بشوية باش ميفيقوش ومشات لبيت سمر وسيف ... دقات وتسنات شوية ... سمحو ليها بالدخول ولقاتهم فحالة يرثى لها ... سمر متكية وحداها جوديا ومتكية عليها سلطانة وسيف كيطل فالشرجم ...
خلود (دخلات وسدات الباب ومشات جلسات حداهم وحطات يدها فوق يد سمر): كيبقيتي ؟
سمر (يالاه عاقت بيها) : كنتي عااارفة نتي ياك ؟؟ كنتي عارفة ؟؟
خلود (حنات راسها) : اه
سمر(دارت يديها على فمها )
جوديا(كتبكي) : من ايمتى وخويا هكا ؟؟؟ اهئ اهئ وكيفاش ولا هكا ؟؟؟ اهئ اهئ اهئ
خلود (تنهدات) : بصراحة ...دابا بما أن كولشي عرف فغنعاود ليكوم كولشي من اللول ... أنا وجود تعارفنا ففرنسا ... فواحد البار ... هو كان كيجي ليه بزاااف ... هو بار خاص بهاد النوع ... زعما بالساديين والمازوشيات ...من تماك بغينا بعضياتنا وتزوجنا ...
سمر : وعلاش مقلتي لينا والو على هاد الموضوع ؟؟؟ محشوماش عليك ؟؟؟
خلود : فاش تطلقنا أنا مشيت نداوا ... خصوصا فاش عرفت راسي حاملة مبغيتش ولادي تكون عندهم مهم مازوشية وبصراحة قطعت علاقتي بجود
جوديا (دارت يديها على فمها) : يوووك ... حتى نتي مازوشية ؟؟؟؟ داكشي علاش ملقيتي معاه تا مشكل ؟؟
خلود : كنت ... دابا بريت ووليت طبيعية !
سلطانة : شناهي مازوشية ؟
خلود (سكتات شوية عاد جاوبات) : المازوشية ولا المازوخية هي مرض ... يعني اضطراب نفسي وجنسي ، والشخص لي مريض بيها كيلقا راحتو والمتعة ديالو ملي كيتعدى عليه شي واحد يعني كيعجبو لي يضربو ويتكرفس عليه ويذلّو بهاد المفهوم ...وديما كتلقايه كيدير ما فجهدو باش يتحط فمواقف باش يتضرب ولا يتذل المهم يحس بداك الألم ... مثلا كيبقى ياكل بزااااف باش يحس بالألم عقلتو عليا قداش كنت ؟؟
جوديا : اااه بصح !!
خلود : ولا كيخلي الأهداف ديالو حتى كتقرب تحقق وكيتخلى عليها وغالبا الشخص المازوشي كيبعدو من العلاقات الناجحة حيت مكيحملوش شي حاجة سميتها السعادة (بداو عينيها كيدمعو حيت كتفكر كاع لي داز عليها) عزيز عليهم المشاكل بزاف ... وكيكونو مبليين وديما كينتاقدو راسهم غير باش يحسو بداك الألم
سلطانة : ولكن هادشي أكيد مغيجيش غير هكاك ضروري من شي سبب لي غيخلي الشخص يرضا بالذل أولا لا ؟
خلود(مسحات دموعها) : اه عندك الصح ... أنا مثلا فاش كنت صغيرة ... كانت ماما كتخليني عند جارتنا (حنات راسها) وكان خوها الكبير كيتعدى عليا وأنا مكنت فاهمة والو ... وكان كيقول ليا متقوليهاش لماماك ولا باباك حيت غيضربوك ... و وقع لي وقع
سمر (بصدمة) : تفوووو الحمار لي ولدو !!
سيف (بحدة): سمر !!
سمر : ولكن لي شغل بالي هو كيفاش كتهضري على الموضوع هكا عادي !!
خلود (بابتسامة) : بفضل العلاج ... أنا تعدبت بزاااف باش وصلت لهاد خلود لي قدامكم ... بزااااف
جوديا: اووووه .. اجي عنقيني اجي (تعانقو)
سلطانة :الا كانت المازوشية كتبغي لي يعذبها يعني حبيبي العكس ديالك وشنو كيتسمى هكا ؟
خلود : السادية ...وببساطة هي التلذذ الجنسي بالتعذيب، وكتنوع درجات الألم وكتختالف بشكل كبير، والراجل السادي كيتلذذ ملي كيقرص ولا كيعض ولا كيضرب الطرف لاخور وبعض الخطرات كتوصل تال القتل
سمر : اويليييييييي ... وهادشي تا هو كيتكون من الصغر ؟
خلود : اي مرض نفسي كيكون عندو سبب ... وتا السادية كتكون عندها أعراض من الصغر مثلا كتلقايه كيضرب الحيوانات بزاف ولا الدراري لي كيلعب معاهوم ولا كيقرا معاهوم وديما كيدابز ويسب ...وكيبغي هو لي يسيطر على كولشي سوا فالحياة العادية ولا الخدمة ولا الجنسية
سيف (باستغراب) : وشنو لي كيسببها ؟
خلود : السادية غالبا كتكون عند الرجال ... حيت كيبغي يعبر على الرجولة ديالو بالممارسة الجنسية ولا من باب الحقد على الجنس ، حيت عند بالهوم بلي الجنس شي ذنب ولا إثم وهنا كنلقاو هاد الشخص كيبغي يمارس وفنفس الوقت كيحس بالذنب حيت كيمارس و غالبا كتسبب فانفصام دالشخصية ... وبعض المرات اقدر يكون تا الاستغلال الجنسي فالصغر يسبب السادية
سيف(ضور الهضرة فراسو وغوبش) : اشنووو ... خلود فين جود ؟
خلود : خليتو التحت ... غيكون دابا عند شيماء
•سيف مشا خرج بالجرا جهة بيت شيماء و جود وتبعوه الجنس اللطيف كولو •
فهاد الأثناء مشا جود لعند شيماء وهو متردد ... بقا شحال قدام الباب وفاللخر زعم وقرر يصارحها ... دق الباب تا عيا ومكاين لي جاوب تا فرع الباب ولقا شيماء جالسة فالأرض وجامعة رجليها عندها و وجهها حمر وعامر بالدمووع وكتبقي بحرقة ... بقات فيه بزااااااف ... عض على شفتيه بعصبية ومشا تكا على الماريو كيشوف فيها بحزن وعينيه حمرين ومغرغرين
جود (بزز باش خرج الهضرة): ش .. شيماء ...(مجاوباتوش) بصراحة ماعارف اش غنقول ليك وباش غنبدا ... (سكت شحال ) لي بغيت منك هو (سرط ريقو) تسمعيني تال اللخر ... وديك الساع لي بغيتيها نديروها ... واخا ؟
شيماء (ناضت على غفلة ومشات لعندو ديريكت كتبكي وتهضر بحرقة) : اهئ اهئ اهئ اش باغيني ندييير اااش اهئ اهئ اهئ (بدات تضرب فيه فصدرو وهو كيشووف فيها) صبرت معااااك فكولشي اهئ اهئ اهئ علاااااش درتي فيا هكااا علاااااش اهئ اهئ اهئ حراااام عليييك حرااااام اهئ اهئ اهئ حراام عليييك
جود (شد ليها يديها بزوج) : شوفي فيا ... (حانية راسها وكتبكي)شوفي فياا (شد ليها وجهها) عفاك .. كنطلب منك غير تسمعيني عفااك
شيماء (تهدنات شوية ومسحات دموعها) : اهئ اهئ
جود : صافي ؟ اجي نجلسو واخا ؟عفاك
شيماء (أومأت براسها اه ومشاو جلسو فالأرض)
فهاد الأثناء جاو سيف وسمر وجوديا وسلطانة وخلود و وقفو قدام الباب )
جود (بدا كيطلع النفس ويهبطها بصعوبة وعاقد غوباشتو وعينيه حمرييين وعروقو خارجين ... تنهد تنهيدة حااارة وحنا راسو وكيلعب فصباعو وكيهضر): فاش كنت صغير ... يعني ديك خمس سنين بحال هكاك ...فالروض لي كنا كنقراو فيه فالدنمارك ...كانت فيه واحد المديرة ... كبيرة فالعمر تكون ديك ربعين ولا كتر معقلتش ... كنت أنا آخر واحد كيجي ليا الشيفور وكنبقا بوحدي معاها ...(سكت شحااال حتى شافت فيه شيماء) كانت كدخلني للبيرو ديالها و و (مقدرش يكمل) وتحيد ليا سروالي ...وتعلمني ندير شي حوايج خاييين بزاف !! أنا مكنت فاهم والو ديك الوقت ... وكانت كتعصب ملي مكنبغيش ندير ليها داكشي لي بغات ... كانت كضربني وتغوت عليا وتسبني وكانت كتكمي وتشرب قدامي وكانت كتعطيني نجرب... كنت كنبكي (كيحبس فالدموع) وكنطلبها وكنقول ليها أنا مكنعرفش وكتخاصم عليا وتكويني بالكارو ...(كيمسح فالدموع باش متشوفهومش شيماء) كانت كتقول ليا الا قلتيها لماماك ولا باباك غيضربوك ويلوحوك للزنقة ياكلوك الكلاب (فهاد الأثناء سمر وسيف وكاع لي واقفين برا مصدومين وكيبكيو الا سيف لي بقا مصمر بلاصتو وسمر ندمات ملي صرفقاتو) أنا ... أنا كنت صغير ... خفت .. خفت بزاف وليت منعازل ولي كيجي يهضر معايا كنضربو وديما كندابز ...وملي وصلت لعشر سنين ولا كتر تبليت... ولفت ديك الحالة ...
#يتبع ...