للسماء قمر و لقلبي أنت

الجزء 106

#للسماء_قمر_ولقلبي_أنت 💙
بقلم : stories and novels
الجزء : 106
هبطها ولد الحاج بشيييوية مع الدروج وغير هبطو للساحة كولشي يدا كيشوف فيها ...وهي عاد ما زادت طلعات راسها للسما وخنزرات واحد لالة مولاتي التخنزيرة تقول بنت اوباما دايزة وشدات فولد الحاج وتمو غاديين والهضرة الساامة كدخلها من ودن وتخرجها من لوخرا «شووف ليه الصلكوطة مصاحبة مع تلاتة ... المدير والمنونخ وخو غيثة » «المسخوطة مكتزگلش الفرصة» «اوا لي عطا *كو لهلا يفكو» «اوا هي لي كضل عريانة بالسيف ميطمعو فيها» «من لبسها باينة صلكوطة» «بااينة كاملين دايزين عليها غير مزال متفضحوش» «اوا هي لي كضل بين الدراري بالسيف يفرعوها» «تاهي ماساهلاش وكون ما دارت ليه شي حاجة ميوقعش ليها هكاك» «معرفت اش عاجبهوم فيها ... زركة كي الحموم» «عااجبها راسها سرها» «خاصها لي يحكمها معندهاش الراجل فالدار بااينة» «هي لي خاصمات بيناتهم ... برهوشة طماعة»«سالات من المدير ودازت للبراهش» «بااينة رخيصة عاطية راسها لمن والا» ... وزيييييد وزييييد ولكن هي متسوقاتش لهضرتهم ... و ولد الحاج تصدم من كاع هاد الهضور وكتبان ممأتراش ... بقات فيه ومكرهش يجمعهم كاملين فشي خلا ويحرقهم ... واخا ماعارفش الحقيقة و ماهاموش حيت كتبقى صديقتو المقربة ...بقاو غاديين بشوية عليهم باتجاه لالة حادة وم.فاطمة وغيثة لي كانو كيتباكاو وعاطيينها بالضهر...
سمر : ماما
سمعات لالة حادة صوتها وهي تحبس من البكا وناضت ليها بحالا شافت شي جن ... شافها ولد الحاج هكاك وهو يدير سمر وراه ...
لالة حادة (كتهضر بحرقة وتغوت وتخرج فعينيها) : جييتي ... جيييتي ا زرگة الكماااارة ... جييييتي الجيييييفة ... باقي عندك الكمااااارة لي تجي توقفي قدااااااامي ...(كتهضر وتشير فيديها) صااافي .... رتاااحيتييييي ... هااااانتييي دخلتيه للحباسااااات وقتلتي لااااخووور ... اش مزال بااااغا ... اش مازااال باغاااااا ... خبااارك عاااااطيين ا بنت فيطييمة ... ريييحتك عطاااااات ...سيري أنا بغيت ليييييك موصييييبة كحلة زحلللة ...أنا بغيت ربي يعطيييك كسييييدة تشتت ليك داك الراااس ...
غيثة (كتبكيي): واا مي صافي باراكا عفاااك ...اهئ اهئ باراكاا
لالة حادة (ضارت عندها كتغوت وتشالي): سكتيييييييي ... سكتيييييي نتي كوولشي منك .... نتي لي مصاااحبة لياا مع الشياااااطة مع صلكووووطة مع جلااااخة ديال الخلااااااااااا ...(ضارت عندها) حيد نتاا من قدااامي ... شكون هادا تاااني هاااا ... ضبرتي على شي صاااحب جديييد يا قلييييلة العفة هااااا ... يااا المتقوووبة يااا المفروووعة يا الخاااانزة ... تضلي تحلي فالرجليييييين للرجاااااالة ... وااااخرتك شي مرضة اللللله يستتتتر ...ياااا الشمكاااارة تفوووووو من البنااااات لي بحاااالك ... حگلهم قاااالوها البناااات ضلعة عووووووجة يا العوووووووجة ...تفوووووووووووووو
فهاد اللحظة خرج بات المنونخ والمدير وحسناء من البيرو ... بات المنونخ خارج مكشكش وداز كي الثور كي شافتو لالة حادة وهي تمشي بلا عقل لعندو كطلب فيه وهو كيشوف فيها من الفوق ...
لالة حادة (كطلب وترغب ) : هالعااااار اسيدي ما سمح لولدييي ... هاالعااار رامعندنا حد من غيييرووو ...(كتندب) وليييدي مشا مظلوووووووووم (تحنات ليه عند رجليه وكتبوس فيها وكتبكي وهو كيشوف فيها بتكبر) الله يخلي لييسك ما عز عليييك ...حن فيااا وفبناالتييي ... راه معندنا حد من غيروووووو 😭😭😭 عاااار لبزيزيلة ا سيدييي 😭😭😭😭
بات المنونخ(بقا كيشوف فيها مخنزر وخلاها حتى سالات وجاوب بكل برودة) : احممم ... لي دار الذنب يستاهل العقوبة (وهو يمشي بلا حتى شي شفقة ولا رحمة)
تبعاتو لالة حادة كطلب وترغب وتعكل فجلايلها وتبكيي ... وهو نافخ صدرو كي الطاووس ..تبعاتها غيثة كتجري... أما سمر بقاات فيها ومنطقات بحتى كلمة ... وماماها مابغاتش تهضر معاها ولا حتى تشوف فيها ... فاش شافت لالة حادة تابعة بات المنونخ بغات تمشي تبعها وهي تحبسها سمر ...
سمر (شدات فيديها وبصوت حنين) : ماما ...
م.فاطمة (نطرات يديها بجهد وخنزرات فيها وكتهضر من تحت سنانها) : شششششش ... منسمعش منك كلمة ماما .... أنا ماشي ماماك ... ماشي ماماك !!! طيحتي بكرامتي للأرض !! مرمدتي وجهي فالتراااب !!
سمر(تصدمات) : حتى نتي ؟؟ حتى نتي بحااالهوم ؟؟
م.فاطمة (صرفقاتها حتى ضار وجهها): بااقي زايدة فييه ... (طلعاتها وهبطاتها بقرف)ميصحابليش عندي سلگوطة فالدااار ..ميصحابليش عندي موووووسخة بنت الزززنقة فالدااار ..طماااعة ديال الخلااا كتلعب بين الرجااال
ولد الحاج (بحدة): خاالتي ..سمحي ليا ولكن !!! (قاطعاتو)
م.فاطمة : ولدي كريم !! الا بغيتي يبقى بيناتنا الاحترام دخل سوق راسك (شافت فسمر شوفات قاصحين ومشات)
سمر (مصدومة) : آخر واحد نتوقعو يتيق هاد الهضرة لي عليا هي .. ماما !!
ولد الحاج(بقات فيه) : مديريش فبالك اختي سمر ...(دوز يدو على ضهرها) صحتك هي اللولة
تمو راجعيين لبيتها وهي حادرة راسها وشادة فولد الحاج ... دازو من حدا المدير وحسناء ...
المدير (بسخرية) : سمر المعروفي ... تبعيني للبيرو
#يتبع ...