للسماء قمر و لقلبي أنت

الجزء 133

#للسماء_قمر_ولقلبي_أنت 💙
بقلم : stories and novels
الجزء : 133
خرجو التلاميذ من القسم ...وتجمعو الكليلة فواحد القنيتة كيتناقشو كيف ديما ...
الخصيم(كيهضر وهو معصب) : واااااع ا الإخوان حتى گلنا تهنينا من هاد ***** وجا هاد خونا ... ***
ولد الحاج(نغزو) : اهيا متسبش اصاحبي ... معانا الدرية اصاحبي (على غيثة)
الخصيم(ضرب راسو) : اااه سموحات اختي ...مرديتش البال
غيثة(بخجل): ماعليش
زريقة(تكا على الحيط) : فففففف ...دابا شغانديرو باش كنبداو واكوااااك ...(سكت واحد الشوية وهو يشوف فالخصيم فرحان) اجي بعدا نتا جيتي مع فايزة اراليااااا
الخصيم (حشم ومرگ وهبط راسو مبتسم): صافي اصاحبي
ولد الحاج(بفضول) : شكون هاد فايزة
زريقة(غمزو) : الدرية لي طايح فيها خونا ... ديك القصيرة لي دايرة بحال شي سراق الزيت فاش كتجري ا صاحبي حناكها كبار وغير مخنزرة
ولد الحاج (عنقو من عنقو): هادشي كامل ومخبي علينا ا الكلب ...(ضربو فكرسو بالضحك)
الخصيم(باقي حشمان) : وا صافي ا الدراري ترجلو معانا ...
ولد الحاج : هضرتي معاها ولا مزال
زريقة : اشمن غيهضر معاها اصاحبي ... السيدة كتبان خصيمة ههههههههه لي دوا يرعف واخا فيها نص ميترو بنت الهم 😂😂😂😂😂 لسانها طول منها مبري منها
بقاو كيضحكو بجهد ويضاربو حتى نطقات سمر لي كانت ساكتة كتشوف فيهم ...وهوما يتصدمو
سمر(بابتسامة باهتة) : فايزة... ديك البنت الله يعمرها دار
زريقة(مشا حداها) : تا وررررق ليا ...اخيييرا هضرتي معانا
الخصيم(قرب حداها) : كتعرفيها ؟
سمر : فايت هضرنا ... واخا كتبان قاصحة ولكن ضريفة
ولد الحاج (جلس حداها ولاح يدو على كتافها): ملي شكراتها ليك غا سيير ...
الخصيم (حك راسو بخجل وبتاسم)
ولد الحاج(قربها ليه وعنكشها فشعرها وبتاسم) : بخير ؟
سمر (بابتسامة وحركات راسها بمعنى اه)
زريقة(شاف فغيثة وسمر) : امتى غتبداو نتوما التوجاد ديالكم ؟
غيثة(بجدية) : غنمشيو بعدا للبلاصة فين كيجلسو فيها الزماگرية والگور نسولهم هو الأول عاد نشوفو كي نديرو لداكشي
سمر(غمزاتها) : البلاصة لي قلتي ليا ياك ؟
غيثة : اييه هي
سمر : عالله بعدا غير نلقاو شي بوگوص ينسينا الهموم
زريقة(كيطنز) : خخخخ حلمي ... هاد الوقت كيكونو غا الشارفين الباگص حتال الصيف
سمر : كتفرح تفو عليك ...(شافت فيها)امتى نمشيو ؟
غيثة : نمشيو السبت
سمر : واخا
زريقة : حنا ممعرينش ليك العين ولا ؟
سمر : هههههههه علاه عارف لاش باغا شي بوكوص ولا غا كتهضر ؟
الخصيم : هههههههههههههههههه يالاه شد 😂😂😂😂😂😂😂😂😂😂😂
ولد الحاج : متبقاش طير ا صاحبي 😂😂😂
بقاو الكليكة ديالنا كيضحو ويشدو فبعضياتهم وخالقين الجو بيناتهم ودازو للخصيم شدو فيه مزيااان حتى تقلق ...دازو الأيام حتى جا نهار السبت فاش غيمشيو سمر وغيثة للبلاصة المعلومة ... فاقو بكري دارو روتينهم اليومي وداو معاهم دفتر وستيلو وشدو الطريق وهوما ساخطين ... خصوصا فاش عرفات سمر بلي كيكونو غير الشارفين فهاد الوقت الطريق كاملة وهي كتنگر على غيثة ... بقو كيتمشاو مسافة طويلة ويستارحو ... بغيت نقول سمر أما غيثة مولفة ... تقريبا ساعتين ديال الطريق عاد وصلو كانت بلاصة زوينة من الطين ومقادة وفعلا كانو غير الشراف لي جالسين ... سمر غير شافت المنظر وسخطات وغيثة بقات غير كضحك عليها
#يتبع ...