للسماء قمر و لقلبي أنت

الجزء 99

#للسماء_قمر_ولقلبي_أنت 💙
بقلم : stories and novels
الجزء : 99
                    🪶 🪶 🪶 1 9 7 0 🪶 🪶 🪶
المدير (عاقد سبعة فربعة وحاط يديه على البيرو ) : شوف ا سي سيف ... أنا مبغيتش نعيط لمدام فاطمة حيت مبغيتش نبرزطها و عيطلك نتا حيت عارفك بمتابة الأخ ديال سمر ... وقلت ربما تسمع منك
سيف (جالس قبالتو ...حن حن وتقاد فالجلسة وبتاسم غير بزز) : باراك الله فيك
المدير : ندخلو فالموضوع ... سمر راه ولات خطر على التلامذ ...بعدما قلنا راه ولات تلميذة مهذبة ومنضبطة وسلوكها وأخلاقها جيدة ... و ولات كتشارك وتجيب نقط عالية ... غير رجعات من العطلة وهي تولي وحدة أخرى بل أكتر مما كانت عليه ... الشغب الله يعطيك صحيحتك زائد الضرب والسب والشتم وعدم احترام الأساتذة وأي مطايفة وقعات ضروري كتكون ليها يد فيها ... عاد النعاس فالقسم منهضروش عليه والغياب راه فاتت خمسطاش يوم ... (هز يديه للسما) اااو هادشي بزاف ا السي سيف الدين بزااف
سيف (تحرج و ولا حمر ) : صراحة معرفت منقول ليك ... (حك جبهتو) ولكن كنواعدك غنهضر معاها ونعرف المشكل شناهو حيت ميمكنش سمر تبدل هكا بلا سبب
المدير(ضرب يديه مع البيرو) : أنا لي كيهمني هو ميتخلق ليا حتى مشكل داخل المؤسسة ... أو راه بزاف كولشي كيتشكا منها ونزيدك شحال من مرة لقينا عندها الگارو فالشكارة ديالها ... ويا حسرة راها بنت زعما .... هدا آخر انذار ليها والا غنضطر نطردها من المؤسسة
سيف(دور عينيه فالبيرو ولقا طفاية فوقو) : مفهمتش زعما كون كان دري لي لقيتوه غتخليوه ؟
المدير(غمزو) : راك عارفني اش كنقصد ا السي سيف
سيف (بسخرية): لي كنعرف هو أن القانون باين والتدخين ممنوع على كولشي داخل المؤسسات ... وأولاهم المدير أولا ؟
المدير (توتر وحل الصدفة ديال القاميجة): احم ... السي سيف كنضن بعدنا من موضوعنا
سيف(بابتسامة سخرية و وقف) : نخليك دابا ... وكيفما سبقت وقلت لك غادي نهضر معاها وان شاء الله اكون خير
المدير (وقف سلم عليه): مع السلامة
تسالمو وهو يخرج ولقا سمر جالسة مع العساس كتجمع معاه وكيشربو فأتاي ... مشا عندهم مغوبش
سيف(للعساس) : السلام عليكم
العساس : وعليكم السلام اولدي ... جلس نكب ليك شي كويس
سمر (غير كتشوف قدامها)
سيف : ربي يخليك ... أنا جاي نقضي واحد الغرض ونمشي عندي مندير ... (شاف فسمر مغوبش) سمر ... بغيت نهضر معاك
سمر (للعساس و وقفات) : الله يعاون
خرجو من المدرسة ومشاو جلسو تحت واحد الشجرة قريبة للمدرسة نيت ...
سمر (جالسة مقردة وقابلة معاه) : شارجاك عليا تاني
سيف : واش ماباغاش تقاداي
سمر (بسخرية وكتلعب فضفارها): اش قال ليك تاني ... ضاسرة ممربياش كدابز كتكمي كتنعس وداك الديسك ديال ربعة دريال ياك ؟
سيف (معصب) : سمر !!! هادشي راه ماشي ديال التفلية راه هدا آخر إنذار ليك وإلا غيطردوك ... فخبارك هادي ولا لا ؟
سمر (ببرود) : ادير لي بغا ماشي سوقي
سيف(كيغوت ويشير بيديه ) : كيفااش ماشي سوقي ؟؟ كيفاش ماشي سوقي ؟؟ ...(سكت شوية) اجي مالكي نتي كتهضري هكا ؟؟ واش كاينة شي حاجة مخباها مزال ؟؟
سمر (ش شافت فجنابها عاد شافت فيه): سيف واش حتى نتا عمى ؟؟ مبان ليك والو زعما ما قشعتي والو زعما ؟؟؟
سيف (مزال مغوبش): اش غنقشع ؟؟ هضري گود بلا حجايات
سمر(كتهضر مغددة وعروقها خارجين وكتشير بيديها)) : داك الحححماااار ... داك الكلب ديال داك سيهوم المدير كيكدب !! داكشي كولو لي قاليك راه كدووووب
سيف (ما فهم والو): كيفاش كدوب ؟؟ بلاتي بلاتي وعلاش غيكدب عليك اش ليه من مصلحة ؟؟
سمر(عضات شفايفها وكتشوف فجنبها بقات ساكتة شحاال عاد قررات تهضر): واحد النهار عيط ليا ... زعما على شي وراق ما وراق ... المهم ملي دخلت سد الباب ...(تنهدات) وحاول يتقرب مني ...(كتهضر بانفعال) بدا كيقيس فيا وكيحاول يحيد ليا حوايجي وفاش مبغيتش وبقيت كنضرب ونغوت شدني من كتافي بقا كيدفعني للحيط ... بقيت كنتركل ونغوت ... دفعتو بكل جهدي وحاولت نهرب ... (كتهضر وفصوتها نبرة حزن وقهرة وصوتها باكي )كان مجهد عليا ... (حطات يديها على عنقها)مقديتش عليه شدني من شعري ودفعني على البيرو ... قطع ليا حوايجي كاملين ...بقيت غير ب mes sous vêtements (الملابس الداخلية) ...(بدلات الشوفة ديالها لشوفتها الاعتيادية شوفة الحقد والغل) جا بغا يحيدهم ليا بان ليا واحد الگارو فالطفاية مشعرتش حتى هزيتو وخشيتو ليه فعنقو وعفطة وحدة خرجت كنجري بلا عقل جاب الله تلاقيت مع عبد الرحيم (العساس) هو لي عطاني منلبس وهدني شوية ...(شافت فيه لقاتو مصدوم)
سيف (تصدم و وقف مبهوض ... عقد حجبانو و ولا كةلو حمر ) : ك ك كييييفااااااش ؟؟؟؟ بربي تا ندبح موووووو (غادي صاعر)
سمر (شافتو هكاك وطارت من بلاصتها وجات قدامو كتحبسو بيديها من صدرو) : فييييين غااادي فيييين ؟؟؟
سيف(كيغوت على حر جهدو والكشاكش خارجين من فمو) : كيفاش فين غااادي ؟؟ غاادي نعااود لييه الطهااارة ... حيدي من قداااامي حيديييي
سمر(كتغوت كتر منو ومخرجة عينيها) : ممحيداااااش ... ومغتمشييش سمعتينييي مغتمشيييش حيت مغتصور منووو وااالو ...
سيف(عروقو خارجين) : علااااش مغنصور والو علااااش ؟؟ السيد كااان غيغتاااصبك وكتقووولي مغنصور والو !!! حيديييييييي
سمر (كتغوت لربي لي خلقها): معندناااش الدليييل ا سيف معندااااش !!! داكشي لي باغي ديير راه درتووو يصحابلك سكت لييك شوهتو فالليسي كااامل ولكن هو ولد الحرااام سبقني وحرشهم عليااااا فضحني قاليهم راه أنا لي كنتحرش بيه وكنطلبو باش يطلب الأساتذة باش يزيدو ليا فلي نووووط ...تااااحد متيقني ااناااا لي فيكتيم وبغيتيهم يتيقوووك نتااا ....خلااا كوولشي كينعت فيااااا الكباار والبرااهش حتى من الأساتذة ديييما شاديين معايا الضضددد
سيف (تهدن شوية وبقاات فيه بزااف): كلب !! ... (سكت شوية وهبط راسو وهو يشوف فيها على غفلة) حتى الا مصورت منو والو غنمشي نصور ليه شي مسمنة فوجهو وندخل الحبس ...(كان غادي وهي تشدو)
سمر(بالغوات) : ااااجي لهناااااا .... مغتمشي فيييين داك خينا راه يدوووو طويييلة كتسمع طويييييلة غيخرررج عليييك وعلى ختتتك ... فكر فغيتة وفرقية وفمممك ...راه معندهم حد غيرك
سيف(بقا ساكت شحاال وهو كيشوف ليها فعينيها لي حابسين الدموع) : ونتي ؟؟ ...(حط يدو فوق كتافها) ونتي شكون غياخد ليك حقك ها ؟ غتبقاي هكا كينعت فيك الصغير والكبير ؟ ترضاي تشوفي فوجه داك الشماتة عايش حياتو بالطول والعرض ونتي كتمرضي فصحتك غا بهضرتهم ... يصحاب ليك غيخليك على خاطرك دابا ؟؟ كتحلمي ... كتحلمي ا سمر ... محدو ما خداش لي بغا غيبقى حتى يهججك
سمر(ربعات يديها) : عاارفة ... عارفة مغيخلينيش ... هادشي كولو عارفاه ولكن ... (تنهدات)بففففف ما عندي مندير كولشي ممتيقنيش كولشي فصفو هوو وكيما قلت ليك يدو طويلة ... طويلة وبزااف دونك غيسلك منها facilement (بسهولة) ونيت ... (بتاسمات بسخرية)هههه أنا أصلا عندي سمعة خايبة من ديما كينعتو فيا ... ماشي شي حاجة جديدة عليا ... مولفة هادشي ... (مشات رجعات لبلاصتها وخلاتو غير كيشوف ... أصعب إحساس هو القهرة والحكرة ...)
#يتبع ...