للسماء قمر و لقلبي أنت

الجزء 40

#للسماء_قمر_ولقلبي_أنت 💙
بقلم : stories and novels
الجزء : 40
بقاو البنات كيلعبو الحبل وتبعوها كاري ...وكان الجو غزااال قربات تغرب الشمس ... بقاو كيلعبو بتلاتة حتى عياو وجلسو على شكل دائرة وبقاو كيتعاودو الحجايات بدات غيثة هي اللولة ...
غيثة :
كان يا ماكانْ حتى كان لحبق والسـّوسان، والملك مالكو الرحمانْ ونصلـّيوْ على نبينا العدنان،ياسادة ياكرامْ
هذا واحد الملك فارسي يعني (من بلادْ فارس) تعيش هاني فالمملكة ديالو، وحاسّ باللي دايرينْ بهْ وزارا ومستشارين، سامعين طايعين، والشعبْ على عايشْ مايرامْ بالتـّمامْ... ومنين كان دوامْ الحالْ من المحال، الملك فيوم من ليـّام، وهو فوسطْ الحمّامْ، اكتشف باللي ذاتو اهزمْ عليها ( البرصْ) وقريب يوصلْ الوجهو، الأطباء حاولو ولكن بلا نتيجة، الملك تغيراتْ حوالو، وقرّرْ يسدّ عليهْ وما يخرج لنـّاسْ، وفنفس الوقتْ المستشارين والوزارا ،اتصلو بكل الأطباء اللي تيعرفو واللي تيسمعو بهمْ، وكل واحد تيجي تيديرْ شي محاولة، والنتيجة ديما والو.
وفواحد النهار اظهر فمملكة ملك الفرس واحد الرجل من بلاد اليونان، اشهر راسو باللي اطبيبْ حكيم، وعارف باسرار اكثيرة واعلومْ كبيرة، وكانت ديانتو مسيحية، أما ديانة الفرس فكانت هي الماجوسية، ومنين دوّزْ يّام ساق لخبار المرض الملك، وفالحال اقصد باب لقصر واطلب يقابل لوزيرْ " شامان" وبالفعل رحبْ بهْ وسوّلو: أشنو الغاية من الزيارة؟ وفالحال الحكيم قالوا:
- أنا عندي علاج يداوي الملك من البرص فرمشتْ عينْ.
ومنينْ ردّو لخبار على الملك قال ليهمْ:
- أنا عييت من كلام الأطباء، قولو الهاذْ الحكيمْ إيلا داواني بالصحّ غادي نهديهْ اللي ماتيحلمشْ بهْ ، ويكون طبيبي الخاص، ويلا افشل، غير يعوّلْ على راسو يطير، ويكون عبرة ليهْ وللغيرْ...
لحكيمْ اقبلْ وازعمْ، وقبل اللي اسمعْ بلا ما يندمْ وفالحال اطلب من الملك يحيّدْ الباسو باشْ يعالجْ باسو، وكانت طريقة العلاج غريبة مافيها لادهنة ولا عشوبْ، ولا وصفة كلها كذوبْ ، العلاج يركـّزْ عليهْ بالنظرْ، وبالزربة يتحقـّقْ لأمرْ...
ومن بعد دقايقْ معدودة، صبحاتْ الحكمة مشهودة، البرص طار، والملك ادهشْ وجارْ وهو تيتمتـّعْ بذاتو ف،لمرايا، وقال ليه:( ياحكيم: من هذا اللحظة بلاصتكْ معايا وحدايا.) وفالحينْ آمرْليه بأغلى الهدايا، وارجّعو اصديق وونيس، الساعة شكون يخلــّيهْ "يبليسْ" يتمتع باللي جاهْ ، حيث لوزيرْ" شامان" حسدو وبغضو، وعملْ كلّ ما فجهدو، باشْ يمحي أثار لحكيمْ، وهذي هي حالة كل ماكرْ الئيمْ.
ومن بين ما اقنع به الوزير شامان الملك حيث قالو:
- يامولاي ماتنساسْ باللي هاذ الساحر راه جانا من اليونان بلاد الديانة المسيحية، وحسيتْ باللي هو جاسوسْ جا يقضي على دينتنا " الماجوسية"
ردّ عليهْ الملكْ:
- ولكن ياوزيري لكبيرْ، هاذ لحكيمْ راه دواني وهنــّاني.. وهنا قاليهْ شامان:
- يامولاي راهْ دواكْ بالنظرة، ويقدّ يقتلك بها منين يحسّ باللي اتمكـّنْ ويقدّ يفتنْ.. وبقا عليهْ حتى تاقْ وانسى الخير وآمر بالراسْ يطيرْ...
ومنين مسكينْ جابوهْ فالحينْ حرّاسْ لقصر، تخلط عليهْ لآمرْ، وعيا مايشرحْ ويزاوكْ، الساعة الله الله حسّ باللي" الفاسْ طاحتْ فالرّارسْ"، والملك عمّروهْ وسواسْ... ومنينْ تيقـّن باللي غادي يتـّدفن خاطب الملك وقال:
- يامولاي آمرهمْ قبلْ موتي نرجعْ لدّارْ، باشْ نهديلك كتابْ لعجايبْ ولغرايب،واللي منينْ تقلــّبْ صفحاتو وتلقى صفحة ( دوا الموتْ،) حط عليهْ راسي يدوي، وانت غير اتمنى وحتى من الموتْ غادي التهنــّا...
الحراس الدّاوْ لحكيمْ وردّوهْ ، وبوثاقْ حديدْ شدّوهْ، والسياف خدّمْ سيفو البطــّارْ ، وفرمشة العين الرّاسْ طار....شومان افرحْ، وقدّمْ الراسْ المغدورْ، والملك بدا عقلو تيدورْ مع لكتاب اللي قدّامو، وبدا تيقلـبْ الصفحات، وفلكثيرْ تيلقاهمْ ملاصْقات، وهنا بدا تيستعمل ريقو باش يفكّ الورقة على ختها، وبدا الوقت يفوتْ، ومازالْ ما وصلش لصـّفحة المقصودة واللي عليها مكتوبة عبارة " ادوا الموتْ" لكتاب كان كبير، ومع الصفحات اللاصقاتْ كيفْ يدير؟ ماينفعو غيرْ الرّيق والريق والريق، وفجأة قبطو حريق، وماجا يقولْ (آحْ )حتى تقطعْ طرافْ، كلشي صاحْ: ( أناري هذا السمّ الهاري...) وهكذا الملك اللي اسمع لوزيرو،ز خـْضا جزاء لغدرْ، واللي زادْ حيّرْ فلأمرْ، الصفحة اللي وصلـّها الملك كان مكتوب عليها: ( هذا اخلاصْ لغدرْ- وباشْ درتي أيدّي تودّي...)
وهكذا حكايتنا مشات مع الوادْ ، وراكمْ افهمتوها يلجوادْ
سمر (كتصفق) : بغااافووووو زوينة عجباااتني
غيثة : دابا نوبتك
سمر : اويلي مكنعرفش .... ممممم ولكن نغني ... كنعرف نغني
غيثة : سير عالله
سمر غنغني واحد الأغنية كان كيغنيها papa لماما
غيثة (بابتسامة) : واخا
سمر : 🎶
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
امولاتي والحب والهوى والعشق ونار الغرام
من حالت الصبا في عضايا قاموا
كل واحد دار مقامو
في مهجتي وضحى بحسامو مع سهامو
يطعن ويزيد بالجراح عدامي
... في غراد هذ الدامي
غير ملكت عقلي بجمالها
وغلقت عنوة باب المراحمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
امولاتي خدي نفرشو بالشوق لدوك القدام
ونقولك افاطمة زطمي
يا لي داوتي جسمي
امري بالعز وحكمي ولا تحشمي
ونشوفك يا الباهية قدامي
... الرقيب بصره عامي
والحسود في غفلة وانا معاك
تحت خيام الليل المخيمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
بقاو كيرددو معاها البنات : ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة
ارحمي يا راحة العقل ترحامي
...... من جفاك طال سقامي
كيف نبقى حاير و انت مسليه
...... روفي يا لغزال فاطمة 🎶
غيثة : صوتك زوييين
سمر : شكراا ... (ضارت شافت فرقية) دابا نوبتك ...
يلاه غتحل رقية فمها وهي تسمع سيف كيعط لغيثة من التحت ... هبطو كيدردكو ... كيبانو بحال شي بقر جاريين عليه ههههه نزلو من الدرجو علاين يريبو الدار ... وغيثة كتغوت وتقول شكاااين وتاحد مكيجاوبها وتاجهات للصالون وهي توقف مصدومة حلات عينيها على جهدهوم وغطات فمها بيديها بزوج ... شوية هي تبتاسم تا طلعو حناكها و ولاو حمريييين وقلبها كيشطح القعدة وعينيها كيبريو ...
غيثة : جاااااد ؟؟؟؟؟؟؟؟
تفاعلو اخربوشات راكم ميتااات ... يالاه اتحفوني بتوقعاتكم ... مزال أحداث جاية نااااااار يالاه يالاه الحرااات 🔥🔥🔥🔥🔥🔥