للسماء قمر و لقلبي أنت

الجزء 90

#للسماء_قمر_ولقلبي_أنت 💙
بقلم : stories and novels
الجزء : 90
بعد مرور يوم ✨
~~~~~~ عند سمر ~~~~~~
فاقت سمر قبل الفجر وناضت بالحس غسلات وجهها ولبسات حوايجها وجداتهم فالليل وبقات كتسلت باش متسمعهاش مها ... خرجات ومشات لحدا الواد فين متافقين يتلاقاو ... لقات غير غيثة وسيف واقفين حدا الطوموبيل كيتسناو ...
سيف(مربع يديه) : سمر ...(كيقلب وراها) شفتك جيتي بوحدك ؟
سمر(باستغراب) : وي بوحدي ... علاه باقي ماجاو ؟؟
سيف : هانتي كتشوفي
غيثة : ياكما دارو بناقص ؟؟ ولا وقعات ليهم شي حاجة ؟؟
سمر(شافت فيها) : لا لا je crois pas (مكنضنش) فين غيلقاو فرصة بحال هادي
سيف : نتسناو مزال شوية ... يقدرو يكونو غير تعطلو
غيثة(شافت فالسما) : الشمس قربات تطلع والصباح قرب يبان
سمر : زعما يكونو داهم النعاس ؟؟
سيف : بجوج ؟؟ ..(سكت شوية) لا لا
عمّ الصمت لوقت طويييل حتى نطقات سمر ...
سمر : عندي فكرة ... أنا نمشي نشوف البلاصة فين كيعمر فيها خونا ونتي ا غيثة سيري جيهة دارها ونتا ا سيف بقا هنا ... صافي ؟ (يالاه غتمشي وهو يحبسها سيف)
سيف : واش تسطيتو ؟؟؟ غتمشيو فهاد الوقت لداك الخلا ؟؟(مخنزر) جلسو تكمشو نتسناو شوية
سمر(بعناد) : ماشي نتا لي غتقول ليا اش غندير أنا مغنبقاش نتسنى هنايا ... أنا غنمشي ...(شافت فغيثة) نتي غير بقاي مع خوك أنا نمشي حتى جيهة دارهم
سيف(هز كتافو) : ضبري راسك
سمر(بتحدي) : bien sûr غنضبرو ... (مشات)
غيثة : حضي راسك
(مشات)
سيف : راسها قااصح مكتسمعش
غيثة : وا راك عارفها كيف دايرة راسها قصح من الحجرة
سيف(سكت شوية) : بفففففف ... هادو تعطلوو بزااف واش متأكدة گلتي ليها مع الفجر ؟؟
غيثة : ويييه متأكدة ... (شافت قدامها) ها سمر جاات
*وصلات كتنهج و وقفات قدامهم*
سيف : امضرا ؟
سمر (جاية كتنهج): واالو ... تقول ماساكن حد ... غبر ليهم الآثار ... حتى دار وريقة الحناء مافيهاش الحس
سيف(بصدمة) : وريقة الحناء ؟؟ بنت سي علي ؟؟؟
غيثة : اييه ... هي
سيف : ولكن ..(قاطعاتو)
سمر : ماشي موضوعنا دابا ...خاصنا نعرفو مالهم تعطلووو ... أنا بدا يدخلني الشك ...ومشيت حدا جيهة السويقة وداك الخلا لي وراها ... و واالو
سيف(خرج عينيه مصدوم) :مشيتي حتال تماااك ؟؟؟ ا لالة باااز
سمر(بتمياق) : وبزيييز
*اذن الفجر*
سيف : مممممم... (شاف فالسما) والشمس قربات تطلع ...(شاف فغيثة) غيثة صافي نتي غير سيري معندك ماديري هنا مزال ... وزايدون مزيان تلگاك مّي فالدار باش متشكش
سمر : اه عندو الحق ... غير سيري
سيف : أما نتي مغنگولك والو ... ضبري راسك
سمر(مخنزرة) : لا غير قول نيت
غيثة : صافي واخا ... لي بان ليكوم
مشات غيثة و مشات سمر وقفات حدا سيف ... وكل واحد مربع يديه وكيشوف قدامو ...
سيف : الا عييتي دخلي للداخل
سمر : مكاين لاش (كتلعب برجليها)
سيف(بقا السكات شحااال و هو يشوف فيها) : علاش معدبة راسك باش تعاونيهم ؟
سمر(شافت فيه ومع شروق الشمس الشعا ديالها ضرب فعينيها وبان لونهم المميز واخا هي مخنزرة) : مكيعجبنيش نشوف جوج دالناس كيتعدبو ولا ماتو غير حيت كيبغيو بعضياتهم ... شنو ذنبهم ؟؟ (ابتاسمات) الحب شي حاجة لي زوينة ... شي حاجة لي خاصها تعيش ماشي تموت
سيف(سها فعينيها) : ونتي ... عمرك بغيتي ؟
سمر(ببرود) : لاا
سيف (باستغراب): و ... المنونخ ؟
سمر (كضحك حتى دمعات) : ههههههههههههههههههههههههه 😂😂😂😂😂😂😂😂😂 oooh mon dieu 😂😂😂😂😂😂 واش من نيتك كتهضر هههههههههه اوووووف .... دابا أنا (كتهضر بغرور)... أنا سمر المعروفي بنت واحد من أهم واغنى راجل فالمغرب غنبغي واحد هكاك ؟؟؟ أنا سمر المعروفي الزين ولاطاي والطولة والقلدة غنشووف فواحد بحال هداك ... (تقابلات معاه)شوف فيا لا شوف فيا ...هاد العنين يجيو مع داك المرض ؟ شوف النيف ... شوف الفم لا لا شوف ...أنا فاش كنت فأكادير كولشي كيتخاطف عليا وكاين لي باغي غير نشوف فيه وملقاهاش دونك حمدو الله عليا ... (بسخرية) اويييلي ههههههه قالك كنبغيه
سيف (طاح ليه العجب): ملي مكتبغيهش علاش مصاحبة معاه
سمر(بخبث) : ياء راه باينة علاش ... مكاين ميدار ولباس عليه وأنا مكنحملش نبقا مربعة يديا خاصني فاش نتلها وصافي ... اصلا طلع ليا فراسي غنرجع لليسي غنسوسو بحال لي سبقوه
سيف(معجبوش الحال) : لي سبقوه ؟
سمر : وي ...(سكتات شوية) اصلا مغنلومكش على هاد الهضرة حيت مشفتيش mes exes ... كولهم بوگوصين ولبااس عليهم و ولاد شكون وشكون ... هههههه فخبارك شي عاقلة عليه شي لا ... مع كتااار
سيف(مخنزر فيها) : ممممممم
سمر : مالك كتشوف فيا بحال المش المخلوع ؟؟ كدير فيها مصدوم ؟ (هزات حاجب ونزلات لاخور)زعما نتا عمرك تصاحبتي ؟
سيف : لااا
سمر(تفاجآت) : وااايلي ...(بعد تفكير) ولكن صراحة عند الحق البنات ديال هنا كولهم بحال بحال كي غدير تعجبك شي وحدة هههههه كاع ملويات فداك ليزار بيض متعرفها راجل ولا مرا
سيف (بغا يبدل الهضرة): الصباح طلع ... شفت هادو موحال يجيو
سمر : اه بصح ... (شا شافت فيه)اش غنديرو دابا ؟
سيف : كيبان ليا نرجعو ... دابا طلعات الشمس والناس غتبدا تخرج
سمر(باستسلام) : صافي واخا ...
#يتبع ...