للسماء قمر و لقلبي أنت

الجزء 61

#للسماء_قمر_ولقلبي_أنت 💙
بقلم : stories and novels
الجزء : 61
واش عرفتي اش كنت كندير ؟ (بضحكة استهزاء) مشيت لعندها حيت المدرسة ديالها فيها من الروض حتال الليسي ... مشيت عندها وقلت ليها نبقى نمشي معاك بشرط تخلصوني وهي جاتها من الجنة والناس و وصات تا الأساتذة عليا بداو كيزيدوني فالنقط ... كانت كتديني لواحد البارطما فيها عيالات كباار كانو كيديرو فيا ما بغاو وكيخلصوني وكنمشي نشري المخدرات والگارو ... (تنهد بحرقة) المهم كبرت وأنا فهاد الحالة ... وصلت تمنطاش لعام وليت كنمشي لبيران وكنعس مع العيالات الكبار (كيعبر بيديه) ومنكدبش عليك كنت كنحس بواحد الفرحة فشكاااال ... وكنت كنخدم فلي زوطيل كنت كنعس مع عيالات كبار ويخلصوني ... بقيت على هاد الحالة فرحااان ... حتى وصلت للعشرينات ومشيت لفرنسا تماك كاين واحد البار خاص بالناس الساديين كنت لاقي راحتي تماك ... كل نهار بنت فشكل ها الصغار ها الكبار وعايش معلاباليش ... حتال واحد النهار جات خلود (بضحكة) تعرفت عليها تماك ... وهي الوحيدة لي بقات لاصقالي فبالي ...(شاف فيها) عرفتي علاش ؟ حيت هي الوحيدة لي تعاملات معايا كيبنادم عطاتني الوقت ... هضرنا شحال وضحكنا ... لقيت فيها راحتي تعلقت فيها بزااااف وبغيتها ونهار على نهار كنزيد نبغيها جمالها ، جسمها ،أنوثتها ، عقلها ، طريقة كلامها ومشيتها وضحكتها كولشي كولشي (طبعا خلود على برا عجبها الحال) لدرجة أنني مترددتش فاش بغيت نطلبها للزواج ... صافي تزوجتها وعشنا مزياان ... ولكن فاش طلبات الطلاق بقا فيا الحال بزاف حسيت براسي وحش وحيوان ... وملي مشات عليا تأزمت و وليت كتر من اللول هنا فاش جبت صوفي و لالا ... ودرنا اللعبة ديال الخدامات ... دازت سنين وعرفتك بصراحة كنتي كتعجبيني قبل وفاش بدات جوديا كتهضر عليك زدت بغيت نعرفك كتر ... وفاش كنتي كتجي عندنا كنت كنتعجب عمرني شفت بحالك غير جالسة وحانية راسك ومكتهضريش والا هضر معاك شي حد كتولي حمرااا (بدا كيضحك) هههه كنتي كتجيني فشكل بحال شي بنيتة صغيورة خايفة ....(شاف فيها بنظرات منكسرة وهي غير كتنخصص وكتشوف فيه) داكشي علاش مبغيتش نقيسك خفت عليك ...خفت نآذيك خفت نوسخك وفنفس الوقت بغيتك تبقاي حدايا وقدام عيني (شد ليها يديها) شيماء .. أنا دابا عاودت ليك كولشي ومخبيت عليك والو ...ودابا كولشي كيرجع ليك ...من حقك ... كولشي من حقك ... حتى الا بغيتي نتطا(قاطعاتو)
شيماء : طلقهم
جود (باستغراب) : نعم ؟
شيماء (زعمات وحطات يديها فوق كتفو) : طلقهم ... متحبسش راسك هكا ... طلقهم باش ترتاح
جود (كيهرب عينيه) : اش كتخربقي ... اش غنطلق الله يهديك
شيماء (جراتو لعندها وعنقاتو) : براكا متعدب راسك كتر ... طلقهم
• بمجرد ما عنقها طاحو دموعو شلااال ... اه جود الإدريسي الرجل الحديدي لي مكتخلعو تا حاجة ... ولي عمرو تشكى ولا بكا ... الرجل لي غير الا سمعوه جاي كولشي كتشدو التقفقيفة ... كان بحال شي أسد جريح والغوات والبكا ديالو كاحس فيه نبرة ألم قوية تبكي الحجر... عيا ميخبي فيهوم ولكن الألم لي مخبيه هادي سنين كان اقوى منو بزااف ... بدا كيبكي بحرقة وشيماء كدوز ليه على ضهرو العريض بيديها الصغيورين ...ولي فبرا طلعهم سيف للفوق وسد الباب ...•
شيماء : هكاك ... زيد بكي باش ترتاح ... متبقاش حابسهم
جود : تعدبت بزاااف 😭😭😭😭 مقدرتش نصبر مقدرتششششش 😭😭😭😭😭 سمحي ليااا سمحي ليااااا 😭😭😭😭😭😭
*بقاو على هاديك الوضعية حتى داهوم النعاس فحضن بعضياتهم *
•••••• سمر&سيف ••••••
كانت الحالة فالغرفة ديالهم يرثى لها ... والصدمة باينة على وجوههم ...إلا خلود لي كانت عارفة ...سمر جالسة فوق الناموسية مصدومة وكتشوف نيشان وجفنها مكيتحركش ...وجوديا وسلطانة واقفين حدا خلود مصدومات .. وسيف عاطيهم بالضهر وعينيه حمريين وعروقو خارجين ...
سمر(نبرة حزن فصوتها) : هادشي بزاف ... ميمكنش !! ولدي وماعارفاش مالو ...(دوزات يديها على شعرها وتنهدات) ماعارفاش باش كيحس واش داز عليه ...(بضحكة اسهزاء) ولدي فات التلاتين وأنا ماعارفاهش مريض ... كتر من تلاتين عام اييييه ... وفقلب الدار وماعارفاش (كتهضر بحرقة وتشوف فيهوم) واش دابا أنا أم ؟ هاا ... جاوبوني ؟ واش بصح هداك ولدي ؟
سيف (شاف فيها) : سمر ... (قاطعاتو بالغوات)
سمر : شنوووو سمر شنوووو ...(وقفات) ولدي معايش بيخير وأنا هنااا ... ولدي كيتعدب وأنا هناااا ...(طاحت للأرض منهارة) ولدي كيتقطع وهو صغييير وأنا هنااا !! ولديييييي ... (دارت يديها على قلبها) ولدييييييي ... حبيبة ديالي مكرفس ...أنا ممزياناش ... ممزياناش(خشات راسها بين ركابيها)
سيف (بقات فيه بزاف وتاهو لا يقل عنها حزنا .. مشا جلس حداها وكيشوف نيشان ...كيهضر وكيحاول يبقى قوي) : لي وقع وقع دابا !! (تنهد) وماحدنا عايشين فراه باقي الحال لكولشي ...(شاف فيها)خاص نشوفو اش غنديرو وكيف نقدو ولدنا !!
سمر (هزات راسها وكتشوف نيشان) : مزال مبغات تسرط ليا ... مزال ...(كتشير لسلطانة وتشوف فيه) وكون مكانت سلطانة ؟؟ هاا ... نبقاو فدار غفلون ؟ امتى كنا غنعرفو ؟ ولا واقيلا مكناش غنعرفو گاع !!
سيف (تنهد تنهيدة خارجة من الاعماق)
خلود : سمحو ليا نتدخل ... من حقكم تعصبو وتقلقو وتبكيو ... ولكن ...(قربات لعندهم) مزال مافات الحال ... وأحسن حاجة ممكن ديروها على قبلو هي تعاونوه باش يداوا
سمر (شافت فيها) : وشنو غنديرو ... وباش غنعرفو الدوا ديال هاد المرض ؟
خلود (جلسات حداهم): عندك لوستك طبيبة نفسية وكتقلبي على الدوا (غمزاتها) العلاج النفسي أهم ... ومتنساوش هدا راه مرض نفسي ...
سمر (ناضت بالزربة) : هي دابا نيت نعيط ليها
خلود (شداتها) : الااااا ... متزربيش !! ماشي هكا !!
سيف : وكيفاش .. هضري نيشان !
خلود : عارفين جود كيف داير ... نفسو هنا (دارت صبعها فوق نيفها) ومغيبغيش يحس بالشفقة من جهتكوم ... نتوما حاولو تعاملو معاه مزيان ومهدو ليه الموضوع ... وخليوه هو لي يجي ويطلب منكم المساعدة
سيف : يكون خير ...
سمر : وكيفاش غنقدرو نصبرو حتى يجي هو ... والا مجااش
خلود : غيجي ... أنا متأكدة غيجي
سيف (تنهد) : كنتمناو
خلود (بابتسامة) : يالاه ... قرب يطلع الصباح ...نخليكوم (وقفات) تصبحو على خير
سمر : تصبحي على خير ابنتي !!
خلود (بتاسمات ليهم مرة أخرى وخرجات مشات لبيتها نعسات)
سيف : جوديا ... ديك بنتك وسيرو تنعسو ... مبقا والو ويطلع الصباح ... غتكونو عييتو (ناض ونوض معاه سمر)
جوديا جرات معاها بنتها بلا حتى كلمة وخرجو
🌌 رجع موسيو العلوي للفيلا وطلع نعس تاهو ... وهكا كولشي نعس أو كيحاول ينعس فانتظار الغد واش هاز معاه من أحداث ... تصبحو على خير 🌌