للسماء قمر و لقلبي أنت

الجزء 6

#للسماء_قمر_ولقلبي_أنت 💙
بقلم : stories and novels
الجزء 6 :
بقاو كيجمعو ... حتى لحق عليهم سيف الدين ...
سمر (موجهة كلامها لشيماء) : غيجي جود للغدا ولا لا ؟
شيماء (حادرة راسها وكتكلم بصوت خااافت) : معرفت
سمر : مقال ليك والو ؟
شيماء : لا
سيف الدين : بلا متسناوه ... سلطانة غيكون فيها الجوع ... وهو خليو ليه
سمر : غير زعما قلنا نتجمعو ... انا نمشي نقول ليهم يحطوه (مشات)
العجاجة طايرة عند الباب ... كانت سيارة من نوع jeep باللون الأسود ماط ...دخلات لفين مستفين الطوموبيلات لوخرين ... نزل راجل ثلاثيني من الاوطو حيد نضاضر دالشمس من عينيه وبان لونهم العسلي وشفارو الكتاار ولحيتو الكثيفة عطات جمالية لحروفو الحرشين وشوفاتو لي كيف الصقر... رجع شعرو الكثيف بيديه الضخمة والعروق فيها باااينين ومنفوخين ... عاد سد باب ... وكان غادي بمشيتو الرجولية وهو لابس تيشورت بيض مبين عضلاتو الكبيرة وصدرو الفولادي مع قلادة سوداء رجولية والمنفوخ ... ويديه ليمنة مزينة بعقد رجولي وخاتم زواج و اليد ليسرا فيها ساعة سوداء جات معاه زوينة بفضل لونو البرونزي ... وسروال گري دالتوب مع سبرديلة دالتوب «جود الادريسي التوأم ديال جوديا الادرسي ... وخال سلطانة العلوي» ... توجه لعندهم ولقا السلام شاف فسلطانة وتعجب ... وهي ناضت عنقاتو
سلطانة (معنقاه) : حبييييبييييي
جود (بادلها العناق بيديه الضخمة) : اوووو ... نتي هنا (بعدها عليه وعنكش شعرها) مرحبا بك
بادلاتو سلطانة بابتسامة عذبة وهو مشا سلم على باه ومرتو شيماء ببرود ... ودخل لبيتو ...
جات سمر وموراها الخدم لي حطو قصرية ديال الرفيسة مصاوبة على حقها وطريقها ... جلسات سمر ...
سمر (بابتسامة) : يالله بسم الله ...
سيف الدين (حبسها) : بلاتي يجي جود ... راه مشا غير يدوش
سمر (بتعجب) : علاه جا ... امتى ؟؟
سيف الدين : يالاه دابا ... (شاف فشيماء) بنتي شيماء سيري عيطي ليه
شيماء (جمد ليها الما فالركابي ) : هااا ... واخا ...
مشات شيماء باش تعيط ليه وهي خايفة وكولها كترعد ... وكتصغر فالخطوات ديالها ... وصلات لبيتو وكانت مترددة باش دق ... حتى زعمات ودقات الباب بشوييييية ... عاودات التانية ... وسمعات «دخوووووول» بصوتو لي كيخلعها ... حلات الباب بشوية وطلات عليه لقاتو لاوي عليه فوطة وباينين عضلاتو السداسية وصدرو الفولاذي ... وشعرو هابط عليه فازك ... سهات فيه تا قفزها بصوتو ...
جود (مخنزر) : شكاين ؟؟
شيماء (قفزات من بلاصتها وحدرات عينيها) : ااا ... غير .. غير ... جيت نعيط ليك باش تغدا معانا (كتلعب بصباعها بتوتر)
جود (باقي مخنزر) : امم .. هانا جاي وسدي الباب من وراك
ماجاوباتوش وسداتو وهبطات بالزربة ... قلبها كان غيطيح من قوة الخلعة مشات غسلات وجهها فالكوزينة وخرجات عند العائلة بابتسامة صفراء
سمر (شافت فيها) : اش قاليك ؟
شيماء (بتوتر) : هاهو جاي (مشات جلسات )
بقاو شوية وتم نازل بريحتو لي سابقاه ... وجلس معاهوم كيتغداو وكيتناقشو ...
جود (وهو كيشوف قدامو) : ماماك ... مجاتش معاك ؟
سلطانة (وحلات ليها) : كح ... كح ..كح (عطاوها تشرب) ... مممم لا غير بوحدي ... عندها خدمة تالمن بعد وتلحق عليا
جود : مممم
كملو غداهوم ... و جود طلع لبيتو ... وسيف تاهو ... أما سمر وسلطانة وشيماء بقاو جالسين كيجمعو ... حتى ودن العصر وحطو كاسكروط فيه ما ألذ وطاب وسلطانة فرحاات بهاد التعامل والاهتمام ... كلاو وتفرقو تاني ... هي مشات كتمشى فالجنان حيت كيعجبها تبقى تمشي بوحدها خصووصا فالليل ... جلسات تحت واحد الشجرة كتسنط لأغنية something just like this

I've been reading books of old

The legends and the myths

Achilles and his gold

Hercules and his gifts

Spiderman's control

And Batman with his fists

And clearly I don't see myself upon that list

But she said, where'd you wanna go?

How much you wanna risk?

I'm not looking for somebody

With some superhuman gifts

Some superhero

Some fairytale bliss

Just something I can turn to

Somebody I can kiss

I want something just like this
بقات تماك حتى ضلام الحال ... لقاتهم يالله غيتعشاو ... تعشات معاهوم وطلعات لبيتها غسلات سنانها ودوشات ولبسات بيجامة وغطت في نوم عمييييق 💤💤💤💤