للسماء قمر و لقلبي أنت

الجزء 24

#للسماء_قمر_ولقلبي_أنت 💙
بقلم : stories and novels
الجزء 24 :
لا صعب في الحياة غير الخطوة الأولى ، فإذا خطاها المرء هان عليه ما بعدها 🐾
جواد (هاز فيديه لي فاليز ) : سمممممر يالله راه غتعطلوووو على الكااار
م.فاطمة (كانت لابسة كسوة بيضة بالكمام فايتة الركبة شوية وصباط وشعرها دايرة شينيون ) : ففففففف غتكون تاني كطلس فوجهها ... واش هادا وقت الماكياج (بالغوات) وا سربييييي
عاد شرفات لالاهم سمر لابسة شورط دجين بيض وديباردور بالأسود لاصق وسبرديلة بيضا وشعرها دايرة ضفيرة وطبعا الماكياج جات قووقة
سمر : هاني جيت ويلي
جواد : زعما غير لي يجمعها معاك ... زيدي زيدي
سمر : جرب تحط عليا يديك وشوف شغاوقع
نديم : وااااع توما زيدو خلاص
ركبو كاملين فالأوطو متوجهين للمحطة و واخا كيضحكو ولكن الدواخل معالم بيها غير الله ... وصلو للمحطة وجواد تكلف بكولشي وهوما بقاو فاللوطو حتى يجي ... ماهي الا دقائق ختى جا وقاليهوم بلي الكار راه كاين ... نزلو وقادو لي فاليز ديالهوم وجا وقت الوداع ...
جواد (بحزن) : سمر ... (شد فحنوكها) منوصيكش ياك ...عارف غتقولي ليا معقد وكدا ههههه ولكن لي غنقول ليك قراي مزيان ومتخلايش على قرايتك ومتخلايش على أحلامك ... عارفك بنت قوية وغتوصلي لداكشي لي باغا ... وماماك (شاف ف م.فاطمة) تهلاي فيها بزاف وسمعي ليها... ياك ؟ ...(عنقها) تهلاي فراسك وحضي راسك وعنداك تبعي شي طريق خايبة (بتاسم) عارفك فضولية وكتبغي تجربي كولشي وصعيبة ههه (طلق منها ) ومتنسايش غنبقا ديما فجنبك واخا يوقع لي بغا يوقع (ضربها بخفة فنيفها) واخا ؟
سمر (تأترات ولكن مكتبغيش تبين) : واخا ا بابا ههههههه اووووووف انا راه مكنحملش هاد الأجواء ديال العواطف الزايدة
نديم (عينيها مغرغرين وفمها كيترعد كيف لا وصديقة طفولتها غتمشي وربما للأبد) : اهئ اهئ اهئ سمااار اهئ اهئ (تلاحت عليها عنقاتها والدموع شلال) اهئ اهئ اهئ اهئ
سمر (كضحااك) : هههههههه ها البكاية بدات تاني هههههههه وا باراكا من البكاااا راه غتفزكيني
نديم (كتنخصص) : اهئ اهئ اهئ غنتوحشك بزاف (كتحك عينيها بحال الدراري الصغار) اهئ اهئ اهئ ممتيقاش غتمشي وتخليني اهئ اهئ اهئ
جواد (جا شدها بجنب) : اوهوووووه ... نسينا خالتي
م.فاطمة (حلات يديها بزوج) : اجي عندي اجيو (تلاحو عليها نديم وجواد ... ونديم حلفات لاسكتات من البكا ) اووووه صافي ابنتي (طلقات منهم وشدات نديم من وجهها لي كان عامر دموع ) ويتك ويتك على بنوتي الغزاالة بنوتي الزوينة صافي (تاهي عينيها كيبريو بالدموع) صافي عفا بنتي (خشاتها فحضنها)
نديم (كتنخصص) : 😭😭😭
سمر (كتحبس دموعها) : وصافي عيقتي ... با جواد دي ختك راه غيتقاداو ليها الدموع ...وماتلقا باش ديباني الأيام الجاية 😂😂😉
بقاو على ديك الحالة حتى سكتات ... وبقاو كيضحكو واخا ماشي من القلب ... حتى وصل الوقت فاش غيتحرك الكار تعانقو بحرااااااارة ومسخاوش ببعضياتهم ... طلعو فالكار وجلسو وبقاو كيديرو ليهم باي باي حتى ختافاو عن الأنظار ... ورجعو لواقعهم المر .... يا ترى اش غيوقع ليهم تماك ؟ وكيف الأجواء تماك ؟ خصوصا وسمر ممتقبلاش أنها تعيش فحي شعبي فقير ... كيف غتقدر تولف ؟ أسئلة كتيرة والأجوبة مخبيهوم القدر ...بقا فيها الحال بزاف ومعاجباها تا حاجة ... أول حاجة هاد الكار لي لأول مرة غتركب فيه بقات كطلع وتهبط فالناس بقرف !!! وتعيب فوجهها حتى ضارت جيهة الشرجم ومباغا تقيس والو حتى من الكرسي لي جالسة عليه حطات جاكيطة عاد جلسات «بنت الفشوش!!» ... سهات مع الطرق وهي كتفكر حياتها فهاد المدينة لي عاشت فيها أيام زوينة ...أعياد ميلادها الراقية ...السفرات مع العائلة والأحباب ... نديم صديقة طفولتها وكتر من ختها لي عمرها فارقاتها واخا كاين بيناتهم فرق كبير لا فالعقلية لا المستوى الاجتماعي لا حتى فالأخلاق !!! بحكم نديم حنونة ومتواضعة عكس سمر لي كتقول للشيطان غير جلس رتاح أنا نوض بلاصتك كاع الصفات الشيطانية تجمعو فيها الحقد الغل حب الانتقام التكبر الأنانية النفاق الكدوب ... جواد الأخ الاكبر لي خايف عليها وعزيزة عليه وهي كتشوفو معقد !!! تفكرات حتى دوك لي تصاحبات معاهم ودارت ضحكة جانبية بشر !!! تفكرات حتى الهدايا لي كيجيبو ليها الأبوين ... الأبوين ؟؟ سمر كانت بنت باباها مفششها كتر من القياس عمرو قاليها لا ... عكس مها لي ديما مدابزين (ضارت شافت فمها) كتشوف فيها بلوم ... كأنها كتقول ليها نتي السباب فهادشي ... علاش مكملتيش قرايتك وخدمتي ... علاش !!! ديما كانت مها مصدر إحراج ليها بين صحاباتها ... كتسمع هادي مو أستاذة هادي مها مصممة أزياء ... إلخ وهي مها ربة بيت ... فنضرها مكتعرف والو من غير الدراري والكوزينة ... ديما كتقول مع راسها كون كانت قارية ... غيكون المستوى ديالهم أحسن بكثير من هكا ... بقات كتفكر حتى غفات فنوم عميييييق ... صدق من قال النوم سلطان على من لا سلطان عليه ...
ما أصعب الفراق يأخد منا ما هو غال وثمين ليترك لنا الدمع والألم ، نقف والصمت يتغلب علينا ... لا نملك أمامه قوة لردعه 🔕
قارئاتي الغزالات الفنات ... هاد الأجزاء كانوا نظرة خارجية عن حياة البطلة ... وكيما شفتو متعمقتش فالبطلة ... وجدوا راسكم عاد غيبدا المسگي ... أحداث نااار وشخصيات جداد ... والأهم غنتعرفوا على البطل ... وغنتعرفوا على البطلة أكتر وأكتر .... نصيحتي لكن متعلقوش بالأبطال 😉😉 قراءة ممتعة 💙💙