للسماء قمر و لقلبي أنت

الجزء 21

#للسماء_قمر_ولقلبي_أنت 💙
بقلم : stories and novels
الجزء 21 :
بقاو أفراد العائلة على نفس الحالة قرابة ساعة ...
م.فاطمة (بتعب) : ولدي جواد غير سير الا عندك شي شغل
جواد (بامتناع) : لا لا ميمكنش نخليك
م.فاطمة (بابتسامة صفرة) : أنا بخير ... غير سير اولدي الله يرضي عليك ... ودي نديم راه قاريين غدا أولا ؟
نديم : اه قاريين ... ولكن مغنمشيش غنبقى مع سمر 😣
م.فاطمة : لا لا غير سيري انا معاها ... كونو تسمعو الهضرة عفا ولادي
مشاو بزز وبقاو هوما بجوج فجو يسوده الصمت ... حتى تسمع صونيت فالباب ... مشات الخدامة تحل الباب وجات مع جوج دالرجال ...
الخادمة : مدام هاد الرجال كيسولو فيك
شافوهوم وناضو طايرين لعندهم يصحابهم صحاب السي المعروفي
م.فاطمة(بلهفة) : وي ؟
الرجل 1 : واش نتي هي م.فاطمة ؟
م.فاطمة : وي هي هادي ياك لباس ؟
الرجل 1 : جينا من الحجز ا مدام ، انا وكيل البنك لي تسلفتو منو ... جينا بقرار حجز احطياتي وكاينة كفالة السي المعروفي الشخصية على قروض الشركة
م.فاطمة (بصدم): و و واخا ... وشحال هو الدين ؟
الرجل 1 : **** مليون
الرجل 2 (تاصل فالتلفون ) : كمال ... جيب معاك جوج يعاونوك واجي دابا أنا غنصيفط ليك البلاصة
سمر (مخنزرة): هيبه بلاتي بلاتي ا الشريف شكتقول ؟؟
الرجل 2 : غناخدو الحوايج لي تم الحجز عليها
سمر (محتافضة بنفس التخنزيرة واصلا فين عمرها ضحكات): ومعامن تشاورتي ؟؟؟
م.فاطمة(بتوسل) : سمر سكتي ... شوف عفاك ماتاخدو والو ... راجلي غايب وباقي كيقلبو عليه ... عفاكوم عندي ** مليون في البنك نقدر نسدد شوية
الرجل 1 : سمحيلينا ا مدام ولكن الحساب ديالك تحظر بقرار الحجز الاحتياطي
م.فاطمة (بصدمة) : كيفاش ؟؟؟ علاه يمكن ؟؟
الرجل 1 : اه يمكن ... مع الأسف
م.فاطمة (جلسات من الصدمة) :بففففف مفهمت والو ... أنا مسنيت لا على قرض لا على والو
الرجل 2 : فهاد الأمور ديال نقل الملكيات والفلوس بحال هادي كيديرو هاد التدبير باش المدين ميهرّبش الأملاك من الدائن
م.فاطمة : بففففففف اوك اوك ... المشاكل ملي كيجيو ميجيو دقة وحدة .... واخا أنا غنبيع شي ذهب عندي ونعطيكم فلوس واخا
الرجل 1 : واخا ... (مشاو)
سمر (تقابلات مع مها) : اشنو دابا مبقا عندنا والو ولا شنو ؟؟
م.فاطمة : ففففف دابا عندنا غير هاد الفيلا صافي
سمر : اش كتقولي اماما ؟؟؟
م.فاطمة : كيما كتسمعي ... دابا خاصنا نتعاونو بزوج ونشوفو شي حل
سمر (بالغوات وكتهز فايديها ) : اشمن نتعاونو واش عارفة رااسك اش كتقولي !!!! انا يالاه فالليسي اشنو واش باغاني نخرج من القراية ولا شنوووو !!!!!!؟؟؟؟
م.فاطمة : اخر مرة تهزي عليا صوتك هكا فهمتييي !!!! بفففففف (جلسات)
سمر (كتحاول تهدن) : اووكي اوووكي 😤😤... علاش منبيعوش الفيلا ونشريو شي شقة
م.فاطمة (كتفكر) : امممممم ولكن نصها ديال باباك ... بففف حتى نسول ونمشي لعند شي سمسار ... هذا آخر حل عندها خصنا نبيعوها فأقرب وقت ... معندناش فلوس
سررررررر * مشات الخدامة باش تحل ...
م.فاطمة : فففففف شمن موصيبة تاني هادي
جات الخدامة وقالت ليها تكلم لشي ناس مشات عندهم مع سمر ولقات تلاتة دالرجال ومرا ... شافت فيهم م.فاطمة باستغراب أما سمر كطلع وتهبط فيهوم
م.فاطمة : وي ؟
الرجل 1 : سلام ؟ واش يمكلنا ندخلو ؟ مسالية دابا ؟
م.فاطمة : سمح ليا ولكن معرفتكش !!
المرا : حنا مالين الفيلا الجداد ... جبنا معانا المهندس باش ياخد العبارات
سمر : كواااا ؟؟؟
م.فاطمة (علامات الدهشة على وجهها): سمحو ليا ولكن واقع شي غلط واقيلا ... هادي فيلا ديال السي المعروفي
الرجل 1 : وحنا شريناها منو اصلا واش نتي مراتو ؟؟
جات ديك المرا داخلا وحبساتها سمر
سمر : الشريفة فين داخلة ؟؟
المرا : كيفاش فين غادة ... هادي دارنا (ضارت جيهة الراجل لي كيهضر بالصواب) عمر عيط للبوليس
عمر : عفاف تسناي شوية ... واش مفراسكش بلي الفيلا تباعت امدام ؟
م.فاطمة (بصدمة): تيق بيا أنا مصدومة دابا ... وفالحقيقة النص ديال الفيلا راه ديالي
عمر : راجلك باع حتى الحصة ديالك ا مدام ... وعطيتو الوكالة هاكي (عطاها الوكالة )
م.فاطمة (شداتها والدموع فعينيها): باعها ... (كترعد) باباك اسمر باع الفيلا
عمر : امممم شوفي ... غنعطيوك مهلة تلت أيام باش تخوي الدار حيت خاصنا نديرو شي تعديلات دابا
عفاف (بحقد) : بلاتي ... الفيلا فسميتنا أصلا
عمر (خنزر فيها) : 😒
م.فاطمة (كتبادل النظرات مع سمر لي تاهي كانت مصدومة ) : و واخا ... غنخويوها ... شكرا
عمر (بابتسامة) : مرحبا