للسماء قمر و لقلبي أنت

الجزء 120

#للسماء_قمر_ولقلبي_أنت 💙
بقلم : stories and novels
الجزء : 120
جلسات فسلطانة فواحد الطبلة وبقات كتخنزر فالرجال لي تماك ...بقات جالسة شوية وهو يجي مول البيكالة جلس حداها ...
مول البيكالة(جلس فالكرسي مقابل معاها) : اش تاخدي ؟
سلطانة(حانية راسها وكتلعب بصباعها) : لا مبغيت والو
مول البيكالة(غوبش) : علاش ؟؟
سلطانة(باقي بنفس الوضعية) : لا غير معنديش الشهية ...
مول البيكالة : خليني من هاد الهضرة ... وكولي باش تلقاي الجهد راه مزال تابعك الجرى
سلطانة(سكتات شوية) : ... مممم أنا نعيط لبابا
مول البيكالة(شاف قدامو) : واخا
سلطانة(هزات التيلي ديالها وقبل متشعلو شافت راسها فيه وهي تغوت ولاحت التيلي) : ااااااا
مول البيكالة(تخلع) : ماالك ؟؟ شواقع ؟؟
سلطانة(دايرة يديها على فمها وكتشوف فالناس لي كولهم ضارو كيشوفو فيها... تحنات تحت الطبلة وكتهضر بهمس) : وييلي علاش مقلتيش ليا عينيا منفوخين ... فففف راسي ولا بحال شي گرعة اوووفففف
مول البيكالة(تفركع بالضحك حتى دار يدو على صدرو وعينيه دمعو والناس ضارو كيشوفو فيه) : ههههههههههه 😂😂😂😂 سمحي ليا ولكن ضحكتيني ههههههه گرعة 😂😂😂😂😂
سلطانة(قادات الجلسة وداات شلاقمها ودارت يديها تحت راسها) : مضحكش ... وليت خايبة يااك 🥺🥺🥺🥺
مول البيكالة(جمع الضحكة وحبس دموعو) : راه عادي يتنفخو عينيك حيت بكيتي بزااف
سلطانة(كتهضر بحال شي بنت صغيورة) : أنا راه راسي لي ولا كبير بحال الگرعة... مكنحملش نشوف راسي هكا
مول البيكالة : مديريش فبالك ههههههه
سلطانة(هزات التيلي) : غنعيط لبابا ... آلو بابا ...
موسيو العلوي : اهلا بنتي الحبيبة ... شخبارك كولشي مزيان ؟
سلطانة(كتهضر وحانية راسها وصوتها فيه نبرة حزن) : بابا ... ماما جرات عليا من الدار ...ولاحتني للزنقة
موسيو العلوي(بعصبية وكغهضر بجهد) : اشنووو ؟؟؟ كيفاااش ؟؟؟ اش كتقولي ابنتي ؟؟؟ وعلاش ؟؟
سلطانة(حابسة دموعها بزز) : والله ا بابا ... (شافت فمول البيكالة وعاودات حدرات عينيها) اممم تناقشنا على موضوع البارح وتعصبات عليا وبدات تغوت عليا وجراتني بجهد ولاحتني
موسيو العلوي(ناض من بيروه معصب) : بففففففففف ... هادشي لي كان ناقص ...(تنهد بعصبية وحل القاميجة ودار يدو فوق راسو وهضر بحنان)) بنتي الحبيبة بنتي الزوينة ... مكرهتش نجيبك لعندي ولكن راك عارفة غادي تبقاي بوحدك أنا ديما مسافر وخدام ومغنهناش عليك ... سمحي ليا ابنتي
سلطانة (بصوت باكي): عارفة ابابا
موسيو العلوي(بعصبية) : أنا غنتاصل بماماك ونوريها حدها و(قاطعاتو)
سلطانة : لا ابابا ... انا عمرني غنرجع لديك الدار مزاال ...امبوسيبل
موسيو العلوي(غمض عينو بعصبية) : ولكن احبيبتي نتي بوحدك هناك ... معندك فين تمشي ... (سكت شوية)قولي ليا فينك نتي دابا ؟
سلطانة(شافت فمول البيكالة) : أنا جالسة فواحد الكافي مع واحد الصديق
موسيو العلوي (بقا كيفكر شوية): واخا ابنتي ... أنا غنتاصل بواحد صاحبي عندو اوطيل سيري معاه بينما لقا ليك شي دار وكريها حتى نفك هاد المشكل واخا ؟؟ وغندوز ليك شي فلوس
سلطانة : واخا ا بابا ...(سكات شوية) شكرا بزاف ابابا
موسيو العلوي :المهم نتي مضيعيش قرايتك واخا ؟
سلطانة : واخا ابابا
موسيو العلوي : قلتي ليا جالسة مع شي صديق ياك ؟؟ دوزيه ليا
سلطانة : واخا ...(مدات التيلي ليه) هاك بابا بغا يهضر معاك
مول البيكالة(باستغراب) : احممم ... السلام عليكم اسيدي
موسيو العلوي(بجدية) : وعليكم السلام ...قالت ليا بنتي سلطانة بلي راك صديقها وهادشي فرحني حيت عندها صديق بحالك لي وقف معاها ... المهم سمعني مزيان راه غادي يجي صاحبي عندو اوطيل ويديها معاه بينما لقا ليها شي دار تكريها واخا ... بغيت منك تكون فجنبها فهاد الفترة ومتخليهاش هي حساسة وبزاف ومريضة بالاكتئاب الحاد(هنا مول البيكالة تصدم وشاف فسلطانة بقااات فيه) ... تقدر تآذي راسها فأي لحظة ... ولغيت نوصيك حاول معاها مضيعيش قرايتها ... بينما قاديت اموري هنا وجيت واخا
مول البيكالة : كون هاني اسيدي ... معندك مناش تخاف بنتك أمانة عندي
موسيو العلوي(تنهد) : دابا رتاحيت ... شكرا اولدي شكراا
مول البيكالة : العفو ... بلا جميل ...
موسيو العلوي : دابا بغيتك تعطيني العنوان ديال الكافي فين جالسين
مول البيكالة : اييه واخا ******
موسيو العلوي : شكرا اولدي ... دوز ليا بنتي
مول البيكالة : واخا (مد ليها التيلي وبالو مرفوع)
سلطانة : بابا ؟
موسيو العلوي : السلطانة ديالي ... أنا غنقطع دابا واخا من هنا عشرة دقايق عندي اجتماع ... أنا عارفك قوية كنبغيك
سلطانة (تنهدات بحرقة): حتى أنا كنبغيك
موسيو العلوي : يالاه من بعد ونهضرو ... بسلامة (قطعات وحطات التيلي ولقات مول البيكالة كيشوووف فيها)
سلطانة : مالك كتشوف فيا ؟؟
مول البيكالة(دار صباعو على فمو وكيحقق فيها) : ااااه ... عاد تفكرت كنقول فين فايتلي شايفك ...
#يتبع ...