للسماء قمر و لقلبي أنت

الجزء 28

#للسماء_قمر_ولقلبي_أنت 💙
بقلم : stories and novels
الجزء 28 :
«لا أؤمن بالصدفة ... فأنت لي قدر ❤»
م.فاطمة (كتحاول تلطف الجو) : كولو مكلتو والو ... الله يعطيكم الصحة ... وغير سمحو ليا معندي باش نضايفكم
للالة حادة : ماشي مشكل مابيناتناش ... وزايدون الخبز والما ما تخلي عالقلب غمة ... اولا ؟
م.فاطمة (بضحكة) : اييييييييه
غيثة (كتشوف فسمر مبتاسمة) : ختي سمر ... شحال عندك من عام ؟
سمر (هازة مناخرها للسما) : dix-sept ans (17)
للالة حادة : هياااش ؟؟
غيثة (ضارت عند مها) : سبعطاش ا مي
للالة حادة (كتميق) : مممممم ...(شافت فيها)النفس نفس سلطان والحالة حالة مسكين النخوى عل الخوى 😏
سمر (طلع ليها الدم وخنزات فيها ) : mais ça va pas non ??? (واش شوية لباس ؟)
م.فاطمة (شافت فبنتها) : سمر ... صافي سكتي
سمر (شافت فيها بحدة وهي أصلا على سبة) : كيفاش سكتي !!!! أنا مسميتيش سكتي ... فهمتي ؟؟
للالة حادة (عاد مازايدة فيه) : للالة فاضنة هاد بنتك مكتعرف غير عاو(كيقولوها لشي واحد لي كيعرف غير يغوت) ... ا لطيف ا لطيف ايييه ايييه
سمر (وقفات بعصبية وبدات تسب بالفرونسي) : mais putain!!!!! Ferme là toii !!!
للالة حادة(تاهي وقفات وناوية على خزيت وكتخرج عينيها واخا مفاهمة والو) : اييييه زيديني الهضرة عليييك ا الحادر عينيك تي شسايرة تگولي هااا ... عربي ولا خفتي نسمعك خل ودنيك
سمر (كتعبر باديها بغات تاكلها) : qu'est ce qu'elle est conasse (ضحكات بسخرية) 😏😏😏
م.فاطمة (شدات فبنتها بحدة) : samaaar arrête !!!!
للالة حادة (مفاهمة والو ولكن عرفات واش كتسبها): قالوها ناس زمان المعايرة فوجه صابون وفالضهر طاعون (ضارت لعند غيثة) تي گولي اش سايرة تقول هاد عوّة همممم
غيثة : مي صافي عفاك يالاه نمشيو
سمر (من تحت سنانها) : fille de pute ... (مشات خرجات من الدار معصصصصبة وبلا وجهة محددة ... اصلا كون مخرجات كون قلبوها صباط ونتيف)
للالة حادة :ايييه ايييه لي مالقينا فيه خير فكلامو ملقاوه فمكانو ... ولينا نتعايرو فقلب دارك ... واخا واخا ... زيدو تحركو قدامي (لبناتها)
م.فاطمة (معرفات مدير) : عفاك غير سمحي لينا ... لصقيها فيا هاد المرة ...راك عارفة هاد الجيل كيداير
للالة حادة (كتقاد فالحايك وطلعات النقاب ) : لبسو نتوما ... ويالاه نمشيو تعطلنا !!!
لبسو البنات الحايك وسلمو على م.فاطمة اما للالة حادة خرجات فگعانة ...خلاو م.فاطمة مشوشة وبقا فيها الحاال ...مشاو للدار وبدات للالة حادة فكاسيتطها مرضااااتش وطبعا خرجات سمها كولو فبناتها لي بقاو غير ساكتات وكيشوفو فيها عرفوها معصبة ... أما سمر كتر منها مشات معصبة حتى لقات دار مهجورة ودخلات ليها بلا متعرف لا لمن لا شكون فيها ... لي كيهمها هو تبقى بوحدها ... دخلات مجننة وجبدات كارو ولوقيد ... شعلاتو ويديها كترعد وبدات تسف فيه بعصبية ... بدات كتمي واحد ورا لاخور حتى حسات براسها بدا تهدا ... وجلسات فوق واحد الحجرة وعاطيا ضهرها للباب ... فهاد الأثناء كان سيف الدين جاي من الجامع لابس فوقية وفوق كتفو ليمن حاط صلاية فالأحمر وشعرو راجع اللور بما فازگ واللحية كتقطر من لحيتو بحال حبات الألماس وكالعادة عاقد غوباشتو وكيشوف غير نيشان ... حتى بان ليه شي دخان فالدار المهجورة لي كيدخل ليها غير هو بوحدو الا بغا يبقا بوحدو ويبعد من المشاكل طلع حاجب ونزل لاخور واستغرب ... حط الصلاية فالطريق ومشا بلا حس يشوف اش واقع ... بقا كيتسلت ومحدو كيقرب وهو كيشم ريحة خانزة ... طل من واحد الشقة وبانت ليه بنت عاطية بالضهر كتكمي !!! تصدم وحس بالدنيا توقفات ... أول مرة يشوف بنت كتكمي وفين ؟ فدواااارهوم ... مشعرش حتى وقف عند راسها وحيدو ليها بنطرة وعفس عليه ... أما هي مفهمات والو ... كي حيدو ليها ضورات وجهها مخلوعة بان ليها غير دري طوييييل وبيض بقات كتشوف فيه باستغراب حتى ستاوعبات اش وقع وعقدات سبعة فربعة وتقابلات معاه ...
سمر (بالغواات) : واااااش نتا شوية لبااااس ؟؟؟؟؟؟؟؟
سيف الدين (مخنزر) : واش عارفة اش كدخلي لفمك ولا لا ؟؟؟ اش كديري ؟
سمر (مغوبشة وكتغوت ) : ا سبحااااااان الله ا الشريييييف !!!!!! مشغلللللكشششش ... نموووت أنا كااااع مشغللللللللللكششششششش !!!!! (وجهات ليه اصبع الإتهام) هاد المرة دااازت حيت لقيتيني بردت ونيت مكنعفركش مرة أخرى نتفاهم معاك يخخخخ تفوووو نتا لي بقيتي ليااا !!!!
سيف الدين (عينيه حمرين) : ضااسرة مع راسك ...متغوتييييش وهضري بشوية ... نتي باقا صغيييرة وكتسفي فهاد الزبل !!!! ...
سمر (ربعات يديها وبقات كتشووووووف فيه ومكتسمع گاع لأش كيقول ... كانت غير كتفكر فأشنو دير ليه ... حتى سالا وقالت بهدوء مع ابتسامة ) : شنو سميتك ؟
سيف الدين( تصدم يصحابليه غتغوت تاني ...تنهد وجاوبها) : سيف ... علاش ؟
سمر : مممم متشرفين ... صافي تقدر تمشي وشكرا على النصيحة
سيف بقا كيشوووووف فيها حس بلي نيتها ماصافياش وناوية على خزيت ضار بغا يمشي فحالو ... أما سمر كيف ضار هزات واحد الجرف(حجر كبير) كان حداها ... خلاتو حتى  وصل لنص الطريق وعيطات ليه بجهد ...ضار وشيرات عليه بالجرف جاه فحاجبو حتى طوش دموو
سيف كيف ضار حس بالضووو ضربو جيهة حاجبو معرف باش تبلا بقا كيغوووووت والدمايات داايزين ... أما سمر ضحكات بشر وساست يديها ... ودازت من حداه لي كانت كيغوت لربي لي خلقو الدمايات دايزين ...
سمر : هادا غير إنذار ... باش المرة الجاية تعلم دخل سوق راسك ... بااااااي
خرجات وهي كضحاااك ... ومشات لدارهوم فرحانة لدرجة م.فاطمة تعجبات فيها ...
كيجاكم اللقاء ؟ 😂🔥🔥🔥🔥