للسماء قمر و لقلبي أنت

الجزء 4

#للسماء_قمر_ولقلبي_أنت 💙
بقلم : stories and novels
الجزء 4 :
نخليو هادوك يحماقو شوية .... واجيو نركزو على سلطانة العلوي ... جهزوا لي فاليز ديالكوم غنمشيو للمغرب في مراكش ... (فهاد القصة غنساريكوم العالم كولو غا وجدو راسكم 😂🌍)
🇲🇦🇲🇦🇲🇦🇲🇦🇲🇦 في المغرب 🇲🇦🇲🇦🇲🇦🇲🇦🇲🇦
الشمس مطرطقة فكل المكان ... كانت كتعوم باحترافية فلابيسين ديال الاوطيل ... والشمس كضرب فبشرتها الذهبية ... بقات كتعوم لساعات حتى عيات طلعات من لابسين لابسة مايو سيكسي ... تكات فوق الرولاكس دارت نضارتها الشمسية وفيديها كأس عصير الليمون ... طبعا لي يشوفها من بعيد يقول هادي غير حاضية عيباد الله ولا ناعسة ..وفالحقيقة هي دماغها كيفكر بعيييييد ... كانت كتفكر اش غدير من بعد ... وهدا هو طبعها اي خطوة كتفكر ليها اياام وأيام عاد كدوز للتطبيق ... كتحسبها مزياان ...جاها الجوع لبسات كاش مايو باللون الأبيض ومشات للريسطو كلات وطلعات لبيتها دوشات نشفات شعرها لبسات بيجامة ونعسات مفاقت تال الجوج دالليل ... طار ليها النعاس وجلسات فالبالكون بقات لساعات تماك حتى جاها الملل وقررات تخرج بدلات حوايجها وخرجات بقات كتمشى فأزقة مراكش وليكيت فودنيها كتصنط لأغنية <should i >وغير غادة تتمشى وتمشى وكلمات الأغنية كتلامس قلبها حتى عيات ورجعات أدراجها للاوطيل ونعسات ديريكت بحوايجها... فاقت الصباح دارت روتينها الصباحي وقررات تمشي لمنارة مول تقدات الحوايج ولي خصها وتغدات تماك ... ورجعات للاوطيل حطات الساشيات وخرجات تاني مشات لجامع الفنا ... خدات عصير ... تصورات مع القرد والحنش ...وفينما دازت كتشري شي حاجة غير باش تلف الوقت ... بقات تماك حتى طاح الليل ومشات كضور فالأحياء الشعبية ... كضور بلا وجهة معينة ... كتسارا بين الرياضات ... حتى عيات رجعات للاوطيل تعشات دوشات ونعسات ... 💤
🇩🇰🇩🇰🇩🇰🇩🇰🇩🇰 في الدنمارك 🇩🇰🇩🇰🇩🇰🇩🇰🇩🇰
كان موسيو العلوي كيحاول يتاصل بالأم ديال جوديا بالتخبية ...
موسيو العلوي : آلو ... خالتي
...: آلو ... كيداير صافا ؟
موسيو العلوي(كان كيحاول يعرف واش جات عندهم بنتو بطريقة غير مباشرة) : بخير ... كيداير عمي لباس عليه ؟ و جود ؟
... : كولشي بخير ... كيدايرة سلطانة الا شفتيها ؟
موسيو العلوي (هنا عرف بلي مكايناش عندها) : ا سلطانة ... بخير ..بخير ... ا ا يالاه كنت غير باغي نسول عليكم ... بسلامة (قطع وعض شفايشو بعصبية) حتى تماك مكايناش ... اخخخخ فين غتكوني مشيتي فييين !!!
مشا خرج عندهوم ...لقا جوديا مزال كتبكي وجون كيواسي فيها ... ساط بعصبية ... من جهة ماقادرش يشوف جوديا كتألم هكا ومن جهة قلبو حارقو على بنتو ... جا جلس اونفاص معاهم ومفرق رجليه
موسيو العلوي : امممم ... غنقول ليك شي حاجة ولكن متعصبيش
جوديا (مجاوبتوش غير كتنخصص ...)
موسيو العلوي (حنحن) : احن ... هضرت مع ماماك (شافت فيه شوفات ديال شنااهو) وسلطانة مكايناش عندها
جوديا (بانفعال وكتعبر بايديها) : كيفاااش !!! شداك تهضر معاها ؟؟ ياك قلنا ليك راه مغتوصلش لتمااك !!! شحال من مرة كنقول ليك عائلتي مشغلكش فيهوم ... متقربش ليهووووووووم !!
جون : ممكن تهضرو بالإنجليزية !!
موسيو العلوي(تجاهلو) : فاش كيتعلق الموضوع ببنتي ... مكانعرف تاواحد ... فهمتي !!! وزايدون مالك على هاد الحساسية الزايدة !!!!!! هاديك راه ماماك يا حسرة ... اش دارت ليك گااااع
جوديا (وقفات بعصبية) : ماااشي سووووقك .... متدخلش فحياتي كتفهااااام ... (وجهات ليه اصبع الإتهام) ااااخر مرة دخل فحياتي ... بيناتنا بنت وبس !!!!!
موسيو العلوي (وقف تقابل معاها) : عييت منفكر شنو هاد الحاجة لي تخليك تكرهيها لهاد الدرجة !!! وملقيتش
جوديا (بنبرة تهديد) : ويااااك وياااك تحاول تقلب على شي حاجة مكتخصكش وياااااااك ...
موسيو العلوي (بسخرية) : 😏😏
جوديا (طلعاتو وهبطاتو ) : متنساش تسد الباب وراك
موسيو العلوي (غوبش): كتجري عليا !!!!
جوديا (عينها فعينو) : ومتبقا تجي حتى نقولها ليك ... او الا كان عندك شي جديد .... صوووفيييييي (بصوت مرتفع) حلي الباب لموسيو علوي ... بغا يمشي !!!
موسيو علوي (صرط ريقو) : واخا ... واخا ...
زاد خلفة مع الطريق ....
توقعاتكم ؟؟؟ 🔥🔥🔥🔥