للسماء قمر و لقلبي أنت

الجزء 46

#للسماء_قمر_ولقلبي_أنت 💙
بقلم : stories and novels
الجزء : 46
تغداو العائلة فجو عادي وكل واحد ناض لشغلو ... سيف و جود جلسو فالجردة كيشربو قهوة ... خلود دات ولادها ينعسو والبنات مشاو لبيت سمر مجموعين تا لحقات عليهم ...وجلسات كدير الماكياج لسلطانة وشيماء جالسة حداهم ... وسمر جالسة فالبوفة كتبقشش فالتيلي ...
خلود (دارت ليها آخر اللمسات) : تادااااا ... كملت ليك جيتي غزالة
سلطانة : أنا أصلا غزالة ...عطيني شي مراية نشوف ... ولا عرفتي شنو غنوض للمراية الكبيرة (تخطاتهم ومشات تشوف وجهها فالمراية)
خلود : العفوو .. مرحبااا الله اودي
سلطانة : هههههههه شكرا الزين (صيفطات ليها بوسة فالهوا)
خلود : ههههههه باااز اختي ... (ضارت عند شيماء ) شوشو ... اجي ندير ليك
شيماء (تقادات فالجلسة) : هاا .. لا لا بلاش
خلود : وا غا زيدي ...
شيماء : لا ... جود مغيبغيش
خلود : ياااء ...مالكي اش غندير ليك گاع ...واصلا راه غير بيناتنا معندك مناش تخافي وغنديرو ليك خفيف
سمر (كتهضر وتشوف فالتيلي): غير ديري ا شيماء ... جود مغيقول والو .. واصلا راه عادي ...
شيماء (بتردد) : هاا ... و واخا
بدات خلود كدير ليها الماكياج ...وتحاول تجبد منها الهضرة ...
خلود (كطراسي ليها الحجبان) : رخفي راسك ... علاش مكديريهش ونتي غزالة
شيماء : مكنعرفش ليه ...(بعد تردد) واش دايرة شي حاجة لفمك ؟
خلود (رجعات شعرها الطويل لوراها) : وي حبيبة نافخاه دايرة ليه الفيلر ...ونيفي مقاداه فايران ... ودايرة حتى عملية النحت ...وهوليوود سمايل فتركيا
شيماء (مصدومة ونطقات بلا متحس) : هادشي كولووو ؟؟😯
خلود : هههههههههه ايييه هادشي كولو ...المرا خاصها ديها فراسها وتهلا فيه ... تقادي ولبسي مزيان ... مشطي شعرك وكل مرة ديري ليه شي حاجة متبقايش غير ضافراه ... ومخشية فالبينوار والبيجامات ... هكا حتى نفسيتك غتبدل ... وتا جود ميملش (غمزاتها) همممم 😉
سمر : ديييما كنقولها ليهاااا
شيماء (ولات مطيشة وغير كضور فعينيها من كترة الحشمة) : هاا ... و ولكن ... مممم
خلود : هههههههههه مكاين لاش تحشمي حنا غير عيالات بيناتنا
سلطانة : فين نسيتووني ... أنا باقا بنت
سمر : ديها فكمارتك نتي هههههههه
سلطانة : هاهي 😂
خلود(كتركب ليها الرموش) : اوووووو جاوك الرموش غزالين ... مع عينيك كحلين وحروفك تاهوما جيتي قوقة .... باقي غير الكونتور وعكر حمر وهايلات وهانتي ناااضية
سمر (حطات التيلي) : انشوووف (ناضت عندها) طلقي ليها الشعر غتجي وااعرة
سلطانة (نضامات ليهم) : ولبسيها شي لبسة وااعرة ..
خلود : من حوايجك نيت ... اصلا نفس لاطاي تقريبا ...عرفتو كنحس براسي ف beauty match ههههههه
سمر : وأنا هي جويل ... يالاه هانا غنجلس تماك تا تسالي ونقط ليكوم (مشات جلسات فالكرسي ودارت رجل فوق رجل)
خلود (لشيماء): نوضي معايا ...
مشاو البنات يقادو شيماء فالدريسينغ وسمر كتسناهوم على برا ... بقاو شي جهد ساعة عاد خرجو ... ومعاهم شيماء وحدة أخرى ... لابسة كسوة كحلة لاصقة كتمشى ممرتاحاش حيت ممولفاش هاد اللبس وطالون كتمشى بيه بزز وشعر مموج وراداه على جنب ومكياج محترف ...
سمر(ناضت بدهشة ومصدومة) : I loove the style (صفرات) I liike it bravoo khouloud braavo (كتقلد جويل زعما)
خلود (شدات يدين شيماء وضوراتها) : كيجاااتك ...
سمر : sooo hoooot
شيماء : غنحيد هاد الطالون ضرني ... فففف بغيت نجلس عفاكوم
سلطانة : اييه غا جلسي
سمر : بلاتي بلاتي ... (جبدات التيلي وصوراتها وصيفطاتها لجود) صااافي دابا جلسي ... والفاشينيستا اوف ذا وييك ايييز ... خلووووود
خلود (تاهي داخلة فالدور) : اوووو حياتي أنا كتيير مبسوطة بها الفوز وبهديه لأمي 😂😂😂
سلطانة : باااز ليكم ... مغنخرجو من هاد l quarantine (الحجر) تا نتسطاو ... (لشيماء) جلسي جلسي
خلود : هانا نمشي نطل على ولادي ونجي ...
سمر : رووحي رووحي تئبريني روووحي
خلود : هههههههههه الله يستر وصافي
خرجات خلود من البيت متاجهة لبيتها باش تشوف الدراري حتى كتحس بيد جراتها لواحد القنيتة ...يالله غتغوت و اليد التانية تحطات على فمها وشافت فشكون دار ليها هكاك ...
جود (مخنزر): شششش ... غنحيد يدي ومتغوتيش ... واخا ؟
خلود : مممم (حيد يديه) واش تسطيتي اش كدير
جود (شدها من ذراعها بقوة) : شنو كتحاولي ديري هااا ؟؟
خلود : ااااي حيد يديك ... اش كتخربق ... طلق مني
جود (خرج عينيه) : جاااوبي
خلود : وا شنوووو ...
جود : لاش كتحاولي تقربي من شيماء !! هممم شنو تحت راسك ...
خلود : واش نتا حمق !!! كنتصرف عادي ... مالكوم كاملين تصحابوني ممزياناش !!!
جود (زير على يديها) : كتقربي منها حيت عارفاها درويشة ... كتحاولي تكسبيها فطريقك باش ضمني مربية لولادك !!!! باش تمشي وخاطرك مهني عليهم ... كاين لي يقابلهم ياك !!!
خلود (دفعاتو بجهد وربعات يديها ) : مدام كتفكر بهاد الطريقة ... اذن مكتعرفنيش مزيان ا سي جود ... آخر همي نفكر هكا عرفتي علاش ؟ عندي بزاف دالحوايج خاصني نديرهم ... قرايتي وخدمتي وأهدافي وأحلامي ... هادشي كولو شاغل بالي ...سووو معنديش الوقت لي نضيعو فالكره والحسد والغيرة وهاد التخربيق (حطات صبعها فجنب راسو) لي كيدور ليك فراسك (هبطات صبعها)...اشنو زعما غير حيت كنت مراتك وطلقت خاصني نغير من مرتك الجديدة وندير دوك الفعايل دالمسلسلات ولا شنو ؟؟الا كنتي كتسنى مني هاد الفعايل فغنختاصر عليك طريق طويلة أنا ماشي من هاد النوع (طلعاتو وهبطاتو وبغات تمشي وهي ضور لعندو) اه نسيت مقلت ليك ... خلود ديال شحال هادي ماتت (مشات خلاتو مصدوم فبلاصتو والندم غيقتلو)
مشات خلود معصبة للبيت ولقات التوأم مزال ناعسين وجلسات حداهم ... بقا فيها الحال بزااف ...متخيلاتش غيعاملها هاد المعاملة ... خلود شخصية متفتحة بزاااف ...عندها عادي الزوج الا طلق مرتو تكون صديقة... أو يكونو عندها أصدقاء ذكور ... شخصية عفوية وصاقة لي جا فبالها كتقولو ومكتعرفش الكدوب نهااائيا ... حنينة ومطورة فنفس الوقت ... زوينة وكتهلا فراسها ولما لا ومها كورية ...
يالاه اخربوشات حللو ليا التيتيز والتيتيزات وعطيوني تخميناتكم 🍁