للسماء قمر و لقلبي أنت

الجزء 121

#للسماء_قمر_ولقلبي_أنت 💙
بقلم : stories and novels
الجزء : 121
مول البيكالة(دار صباعو على فمو وكيحقق فيها) : ااااه ...
عاد تفكرت كنقول فين فايتلي شايفك ...
سلطانة (باستغراب) : pardon ?
مول البيكالة :نتي لي فايت دخلتي فيا كنتي غادة مدرمة حتى سمحلي مقلتيهاش ...
سلطانة (ضورات عينيها كتحاول تفكر) : امتى هادشي ...
مول البيكالة : ماعلينا ...(صونا ليه التليفون) سمحي ليا ... (جاوب) آلو ... (غوبش) وي وي وا صافي هانا جاي ... صافي صافي ... (قطع وهضر بتردد) اممممم ... خاصني نمشي دابا ... ختي خليتها بوحدها
سلطانة : ااه صافي واخا ...(ابتسامة بزز) غير سير راه تعطلتي عليها
مول البيكالة(حك ورا ودنيه) : امممم ... عطيني نمرتك ...(خنزرات فيه) متفهميش غالط غير باش نتهنى عليك ونسول فيك اش درتي
سلطانة(رطبات) : 06 *******
مول البيكالة(قيدها عندو و وقف) : واخا ...ااا مقلتيش ليا شنو سميتك هههه لدابا ماعارفش سميتك
سلطانة : سلطانة ...(بابتسامة) سميتي سلطانة
مول البيكالة(جاتو فشكل وبقا كيعادو فيها ويبتاسم) : سلطانة ... سلطانة ... سمية غريبة ... ولكن غريبة ... سلطانة ... ههه بسلامة حتى نعيط ليك (شير ليها بجوج صبعانو ومشا كيجري)
سلطانة : بسلامة ... (بقات مبتاسمة حتى عاقت براسها) ااااه نسيت ما سولتو على سميتو ...
جا عندها مول القهوة ... سول فيها وقاليها الا خاصها شي حاجة تجي عندهم للداهل وجاب ليها ما تاكل ... كملات وغسلات يديها ولكن مكانتش مرتاحة نهاائيا ... كانو النظرات ديال الشارفين والشباب مفارقوهاش ... عيات مدير راسها ممصوقاش ولكن كل شوية كيغمزها شي حد ولا كبسبس عليها ... ولي كيطلعها ويهبطها بنظرات مستفزة وكتعيف ... ولي زاد جعرها واحد الشارف كان حداها بجا كيعيط ليها ويلوي فلسانو ... تعصبات وقلزات ليه هزات تيلي ديالها ومشات للداخل فين كيخدمو فالكوزينة... لقاتهم كلهم دراري ...وبينهم مول القهوة ...
سلطانة : امممم ... excusez moi (سمحوليا) امممم ... نقدر نجلس معاكم بينما جا صاحب بابا ؟
مول القهوة(بصدر رحب) : ايييه ابنتي مرحبا خودي راحتك ... (مع واحد فيهم) هشام جيب ليها كرسي ...(شاف فيها) اجي ابنتي مالك ؟ ياكما قلقك شي حد
سلطانة(عطاها هشام الكرسي وشكراتو) : شكرا هشام ... (جلسات)امممم برزطوني هادوك لي فبرا بالشوفات والهضرة
مول القهوة : اوا ابنتي ماديريهاش مني قلة الصواب ... راه نتي لي لابسة هاد اللبس هكا ... واش هذا لبس ؟
سلطانة(بحدة) : عمر اللبس ولا طريقة الهضرة ولا المشية ماكانت السباب ولا يعطيهم الحق يحلو فامهم ... التحرش ماعندو حتى شي سبب من غير قلة التربية ... الناس لي كيتحرشو تفكيرهم محدود بين شبر لي تحت بوطهم ... أما قضية اللبس غير عذر داروه الشمايت والمكابيت باش يبردو على راسهم ولكن ميمكنش نغطيو الشمس بغربال (بسخرية)... علاه البنات لي دايرين الحجاب ولا الخمار ولا النقاب ولا العيالات المزوجات ولا الحاملات ولا الكبارات فالسن ... تاهوما السباب ؟؟ خلي عليك الدراري الصغار والمشاش والكلاب وزيييد زيييد ...
كولشي سكت وبقا كيتصنط ليها ...
مول القهوة(حك لحيتو باحراج) : معقولة ابنتي ... معقولة ...الله يهديهم وصافي ... المهم أنا لقيتيني خارج عندي شي غرض مهم ياك ... الا خاصك شي حاجة ها هشام ...(شير لهشام وغمزو) هشام بلا منوصيك ...
هشام (ضرب على صدرو): كون هاني
مول القهوة : يالاه بسلامة
بقات سلطانة جالسة وبقات شادة الحتيت مع لي خدامين تماك ... تاهوما لقاو علامن يشكيو همهم وتاهي كتصنت ليهم ويتعاودو ... ماسخاوش بيها ... حتى جا صاحب موسيو العلوي مول لوطيل كيسول عليها وهي تودعهم بالأحضان وكولهم عطاوها نمرتهم وخرجات عندو داها للاوطيل ديالو و وصاها عليهم ...ولكن هو الأول طلباتو تمشي تيري الفلوس لي صيفطهم باها ومشات شرات عراام ديال الحوايج لي غتحتاج وباليزة فين جمعاتهم ورجعات للأوطيل مع المغرب دوشات ولبسات قبية بالموف بااارد واااسعة وطويلة معاها كولون فوق الركبة وشعرها خلاتو مطلوق ... كلات حتى شبعات وبقات كتفرج حتى داها النعاس قدام التلفازة بكترة لعيا...حتى قفزها الصونيت ديال التيلي ...حكات عينيها وهزات اليتلي لقات نمرة معرفاتهاش ...
سلطانة : آلو وي ... شكون معايا ؟
#يتبع ...