للسماء قمر و لقلبي أنت

الجزء 12

#للسماء_قمر_ولقلبي_أنت 💙
بقلم :stories_and_novels
الجزء 12 :
طق ... طق ... طق ...👠👠 تعالات تصفيقات كل الحضور بمجرد نزول سمر المعروفي لي رافعة راسها للسماء بخيلاء ومبين عنقها الطويل المزين بقلادة بسيطة ... كانت نازلة من الدروج وشعرها الأسود الطويل والكورلي كيضرب فضهرها ... نازلة و محتافضة على نظراتها الحادين لي مميزة بيهم عندها شوفات ينوضو الميت من قبرو .. ولكن لون عينيها كيغفر لشوفاتها حيت عينيها شهلاء يعني خضرين مخلطين بالعسلي ... كانت نازلة مع الأب ديالها شاد فيديها و واقف وقفة شامخة والابتسامة لا تفارق محياه ... ومدام فاطمة بأناقتها المعتادة ونديم ببرائتها واقفين موراهم .. نزلو و جا جواد شاب عشريني ضخم البنية ولحية خفيفة وملامح بنية وعيون زرقاء بأناقتو المعتادة وابتسامتو الساحرة ...هو خو نديم ومريبيها حيت واليديهوم ماتو فكسيدة وتولى مسؤولية الشركات ومع ذلك التواضع وهو صغير ... سلم على سي المعروفي وعنق سمر وتمنى ليهوم عيد ميلاد سعيد والأب مشا عند معارفو هو ومدام فاطمة وخلاو الشباب بيناتهوم خرجو للجردة
جواد : كبرتي البرهوشة ... هاي هاي الناس دارو 17 لعام هانا تاني على الماكياج واللبس ... (ضربها فكتفها وكيضحك )
سمر : البرهوشة هي ختك ...
نديم : حم حم 😒😒
جواد : خاصنا نزوجوك نخاف غير تبوري هنا ... (لاح يديه على كتفها العاري ) شوفي الا جاب الله وبرتي غنتزوج بيك ماعنديش مشكل
سمر (قرصاتو) : شكون قالك غنقبل عليك اصلا ... اجي نتا من الصباح وفارع لينا مخنا تزوجي تزوجي يالا ورينا ذوقك جيب ليا شي تيتيز من دوك التوتوز ديال صحابك وكنأكد على تيتيز وضروري يكون بوكو حبة والعيب والعار الا ما قلت لا (غمزاتو)
نديم : هييييييييييه ياك الكلبة الغدارة (كتقرص فيها ) فين نسيتي وليد ا الحمارة هااا ولا وليد غير بورتكلي مسكين
جواد : ممممممم (خدا عصير كيشرب فيه ) شي فيكتيم جديد هادا ولا شنو همم 😉
سمر : هههههه بحال هكاك ... اجي شتو كاعما بان ماجاش ؟؟
نديم (ضورات وجهها كتقلب عليه حتى بان ليها ): اه هاهو
سمر : دكر الحمار يبانو وذنيه
نديم : اويلي حشوووومة ... هاهو جاي
جواد (تفركع بالضحك ) : ههههههههه ذكر الكلاب وجد الزراوط ... جاي يفرنس بحال الراس المشوط
سمر (نغزاتو وهضرات تحت سنانها ) : ششش الموصيبة راه غيسمعك .... (دارت ضحكتها المزيفة ) hiii baabee !!!!!
توجه عندهم فتى زوين حروفو كحلين وكبر من سمر بعام وتاهو كيقرا فنفس مدرستها ... ومن عائلة معرووفة ... سلم على نديم وجواد باليد وسمر بلابيز
وليد (شدها من خصرها) : happy birthday to you honey
سمر : thank you ... تعطلتي
وليد : نوو ... غير كنت مع شي صحابي كنهضر معاهوم
نديم : مممم واقيلا نخليوكوم بوحدكوم (جرات جواد من يديه ) تشااااااو ...
هكا داز العيد ميلاد ضحك ونشاط والحيحة نايضة ... حتى جا وقت اطفيو الشمعةو قطيع الحلوة لي كانت كبيييرة تمناو أمنيةو قطعوها الأب وبنتو وتمناو ليهوم الضيوف عيد ميلاد سعيد ومن بعد عطاوهوم لي كادو ...
م.فاطمة عطات لبنتها براسلي بسيط كيلمع وراقي عنقاتها وشكراتها ... وباباها عطاها ساعة راقية كذلك شكراتو ... بقاو كيتبادلو الهدايا وياكلو الحلوة ...شطحو على أغنية « sway with me » السي المعروفي مع مراتو فاطمة ... سمر مع وليد ونديم مع جواد ... والباقي كاين لي كيشطح وكاين لي غير كيشوف ... تسالات الحفلة وتفرتكات الجوقة ... سمر طلعات لبيتها مسحات الماكياج ودخلات كتحيد العيا دارت العطور والمنتجات فالجاكوزي وترخات من بعد دوشات بمستحضرات الخزامة ولبسات بيجامة حريرية بيضاء وجلسات فالبالكون ديال الغرفة جبدات سيجارة وبريكة شعلاتها وبقات كتكمي بشوية والدخان كيسوط فالهوا وهي كتشوف قدامها كتفكر فهاد اليوم وفحياتها ....