للسماء قمر و لقلبي أنت

الجزء 138

#للسماء_قمر_ولقلبي_أنت 💙
بقلم : stories and novels
الجزء : 138
سمر(تنهدات وهضرات بلا متشوف فيه) : ماساكناش هنا ... (بتاسمات بزز) كنقرا هنا
أمير(هز حواجبو) : اوووه ... ملي كتقراي هنا ... (بتعجب) اذن ساكنة فالنواحي ؟؟
سمر (كتاكل ببرود ومجاوباتوش ...شافت فيه بشر وكتمضغ)
أمير(بابتسامة سخرية) : طلاق ولا faillite (إفلاس) ؟
سمر(شربات الماء ببرود وكتشوف ليه فعينيه) : هضرتك مسرحة ... ماشي بحال آدم ... (غمزاتو) علاش زعما ؟
أمير(عاق بيها وبتاسم وحك لحيتو) : ههه ... (سكت شوية وكيهضر وكياكل) آدم تزاد وكبر فتركيا ... أنا تزاديت فتركيا وجيت للمغرب تقريبا 8 سنين عاد مشيت لتركيا
سمر(شافت الوشام لي كاين فصدرو جيهة ليسر وباين منو شوية) : مممممم ... علاش هيفايستوس ؟
أمير (ساف فبلاصة الوشمة وبتاسم بجانبية): سمحيلي منقدرش نقولك ... حاجة شخصية شوية(غمزها)
سمر(تقمعات وعينيها ليسر بدات كتفرفر بوحدها مارضااااتش ...بتاسمات بزز وهي تشرب الما) : ممممم
أمير(هز حواجبو بصدمة) : ولكن معندي مايتسالك ... مضنيتش غتعرفي هيفايستوس هههههههههه (كيضحك بجهد)
سمر (خنزرات فيه ومجاوباتوش)
*جا آدم وجلس حداهم *
آدم (لاح يدو عليها وجرها حداه واليد لوخرا فوق الطبلة ورجليه مفرقين): كنتو كتهضرو عليا ؟؟
سمر(بقات كتشوف فيه شحال وبتاسمات ابتسامة عريضة) : هههه تقريبا ... جيتي فالوقت المناسب
آدم(بابتسامة) : Anlamadım (مفهمتش) 😅
سمر (تكات على كتفو كتلعب بخصلة من شعرها ورققات صوتها): دودو ... مقلتيش ليا (قاطعها)
آدم : دودو ؟ هههههههههههه
سمر(كتعوج وتحلون باش تفقص أمير) : معجباتكش ولا ؟ ههههه الا معجباتكش نبدلوها
آدم : لااا ... (زاد عنقها)زوينة زوينة (باسها فحنكها) بحالك
سمر(كضحاااك عاجبها الحال ولاخور غير كيخنزر و ولا حمر .. بالصدفة شافت الوشام لي كان فيديه لي حاط على الطبلة ولي كان عبارة عن وردة بالغصن ديالها وهي تقيسه) اووه حتى نتا واشم .. نشوف ؟
آدم(هراتو حتى بورشاتو) : يديك رطبيييين ... ههههه
سمر : هههههه زوين الوشام ديالك وحتى ديال خوك ...(شافت فيه ببراءة) شنو قصتو ؟
آدم : الصراحة ديالي معندو حتى قصة ...(بحماس) ولكن ديال خويا عندو
سمر (بضحكة جانبية حيت وصلات لداكشي لي بغات): مممم بصح ... شنو هي ؟ (شافت فأمير بشر)
أمير (حط يدو على جبهتو بعصبية)
آدم(بقا كيعاود بلا حباسات) : دبا يا لالة ... خويا فاش تزاد ... يعني فاش تولد ... تولد جوج خطرات
سمر(بعدم فهم) : ها ؟
آدم(كيشرح بيديه) : يعني ماما ولدات توأم ... جوج من أمير ... اففففف معرفت نشرح
سمر : فهمت فهمت ... غير كمل
آدم(كيشرح حتى بيديه باش تفهم) : مهم فاش ولداتهم ... فتركيا bien sûr (بطبيعة الحال) ... كلشي كان زوين ... وفاش كبرو شوية كانو كيلعبو فالجردة مع Çocuk bakıcı (المربية) والتوأم ديال أمير طاح فلابيسين وغرق ... ومات ... وفديك الفترة ماما تصدمات بزااف وتعدبات و ولات فينما كتشوف أمير Onu boğuyor (كتقجو) ولا كتبغي تقتلو... بابا تعدب معاها بزاف وفكر ... وهو يسيفط أمير للمغرب باش يبقى فأمان ... وبقى فالمغرب حتى ولات مزيان الحمد لله ... ممممم بقى فالمغرب حتى دار 8 سنين واقيلا ... ياك اخويا ؟ ..ّ خويا ؟
أمير(حيد يديه و وجهو ولا حمر بالعصاب وجاوبو بزز) :Aynen öyle (تماما)
سمر (بابتسامة انتصار وتنهدات بهدوء كتشوف فيه) : اااه فهمت دبا علاش داير le symbole d'hephaystus (رمز هيفايستوس)
آدم : شكون هدا ؟؟ هي فا ... شنو ؟؟
سمر (دارت يديها فوق يدو): هههه لا ا دودو .. هذا هيفايستوس c'est un dieu de feu (هذا إله النار) من الأساطير الإغريقية ... قبل مايتولد son père (الأب ديالو) سميتو زيوس كان ولد بنت سميتها آثينا بوحدو ... وsa femme (مرتو) سميتها هيرا كانت كتغير بزااف ... وغارت حيت ولد آثينا بوحدو وهي تقرر تولد هيفايستوس بوحدها ... وحيت ولداتو بوحدها تولد مشوه وخايب بزاف ماشي بحال les autres dieux (الآلهة لوخرين) زوينين ... bref ملي شافتو هكاك مرضاتش وهي تلوحو من فوق الجبل وطاح فالبحر و ولا عرج ... ونقذوه شي وحدين وعاش وتربى فواحد الجزيرة وتاواحد ماعارفو شكون ... finalement (وفاللخر) زيوس غيزوجو ب aphrodie la déesse de la beauté et de l'amour (افروديت ربة الجمال والحب)
آدم : هممممم ... كصة (قصة) زوينة ... عاد عرفت لاش درتي le feu (العافية)
سمر (بابتسامة انتصار) :المهم .. (شافت فآدم) اممم واقيلا نمشيو ياك ؟
آدم (بحزن): لااا ... أنا معول ندوز معاك النهار مزال ...Neyse (على أي) ...(سكت شوية) الا كنتي زربانة اوكي نقدر نوصلك
سمر(بهدوء) : لا لا بلا متعدب راسك ... نقدر نرجع بوحدي ونيت بغيت نتمشى
آدم : واخا على خاطرك
سمر (وقفات): يالاه ...(قاطعها)
آدم : اوووه تسناي ... (جبد الدفتر لي كانت نساتو عندو) كتابك ... (يالاه بغات تشدو وهو يهربو) وراني مطليتش عليه ... Korkma (متخافيش) sultanim (السلطانة ديالي) (قرصها من حنكها)
سمر (عجبها الحال) : اوووووه آدم (عنقاتو بجهد)
أمير(وقف تاهو ... وهو يسولها وعينيه على الدفتر) : ديالاش ؟
سمر(شافت فيه بتباث وجاوباتو بهدوء) : سمح لي منقدرش نقولك ... حاجة شخصية شوية ...(بتاسمات) يالاه باااي
مشات وبقاو متبعينها بعينيهم ... آدم عينيه كيبريو بالفرحة ... أما أمير متسرطاتش ليه بقا مزير على يديه وصغر عينيه بالعصبية ...
أمير(حط يديه على كتف آدم وكيهضر من تحت سنانو) :o kız hakkında bir şey öğrendiysen hemen söyle bana .....o defterin yazılarını bile  (أي معلومة عرفتيها على هاد البنت قولها ليا ... كيفما بغات تكون ... حتى على داك الدفتر فهمتيني )... (حيد يديه وشاف قبالتو) اللعبة معاك غتطوال ... Küçük sultan (السلطانة الصغيرة)
*آدم مفهم والو بقا غير كيشوف فيه*
#يتبع ...