للسماء قمر و لقلبي أنت

الجزء 141

#للسماء_قمر_ولقلبي_أنت 💙
بقلم : stories and novels
الجزء : 141
🌌 *في الليل*
سمر (جالسة حدا سلطانة وكتفيق فيها بشوية) : سلطانة ... سلطانة ... فيقي ابنتي ... سلطانة نوضي راه التسعود هادي ... (كتحرك فيها) اوا فيقي
سلطانة(غطات وجهها بمخدة) : ممممممم خليني نعس ... غير خمسة دقايق ... عفاااك
سمر(حيدات ليها المخدة) : وانوضي خلاص ... راه مراد كيتسناك التحت ... حشومة تخليه يتسنى
سلطانة(ناضت كتشوف فيها) : كيفاش ؟؟ شنو ؟؟ ... كيفاش كيتسناني ؟
سمر(هزات حاجب ونزلات لاخور) : همممم دبا فقتي ؟ ...(سكتات شوية) وا الصراحة بوگوص
سلطانة(بتذمر) : وا ماامييي ...بلا ميمشي بالك بعيد راه كبير عليا بزاف
سمر : وا خلاااص عليا كبير ولا صغير ...السيد باينة كتعجبيه غير من الشوفات ديالو سوليني أنا !!
سلطانة : فففففف ...(يالاه بغات تجاوبها وهو يصوني ليها التيلي ...شافت فيه لقاتو مراد شافت فسمر لقاتها حابسة الضحكة وهي تجاوبو) ألو ... وي فايقة ... زعما يالاه فقت ... واخا واخا ... واحد 15 min وهاني جاية ...
حطات التيليفون وهي تنوض ... مشات غسلات وجهها ولبسات جاكيت وبغات تخرج وهي توقفها سمر ...
سمر(دايرة يديها فجنابها) : اجي اجي اجي ... فين غادة ؟
سلطانة(ضارت عندها) : ياك سمعتي كولشي ... غادة عند مراد عيط ليا و ..(قاطعاتها)
سمر : عرفناك غادة عند مراد ... ولكن اش هاد الحالة ؟؟ كتفلاي عليا ؟
سلطانة : علاش شنو مالها حالتي ؟
سمر (مشات عندها بخطى سريعة وشداتها من كتافها وقابلاتها مع المراية): شوفي شوفي مزيان ... شوفي حالتك كيدايرة ...(ضوراتها قابلاتها معاها) واش عارفة السيد التحت كيف هابط ... كيشعل !!! ونتي لي بنت هابطة كيشي عزري الدوار ... شوفيني أنا تعلمي من ماماك ... شوفي خلود ... الله ياربي لمن خرجتي كتشبهي ...
سلطانة : مامي ... راه مولف يشوفني هكا ونهار عرفني عرفني هكا دايرة ... مكاين لاش من الزواق
سمر : سمعني مزياان !! نتي سميتك سلطانة ... شنو سميتك ؟ سلطااانة واش عارفة شنو كتعني ؟؟ خاصك تكوني ديما مقادة وزوينة ومهلية فراسك ... راه وخا تكوني عاجباه ضروووري ماتهلاي فراسك وتباني أنثى ... ماشي عبد القادر واقف حداه ... ضحكي بالقياس تمشاي بالقياس ... الهضرة حتى هي ... شوية دالماكياج الشعر مصاوب ... اللبس نقي وزوين و les accessoires (الأكسسوارات) ... ممحتاجاش نقول ليك
سلطانة : راك عارفاني معنديش مع هادشي (قاطعاتها)
سمر (دافعاها للدوش): غيكون عندك معاه وبزز ... يالاه دبا غدخلي تاخدي دوش وغتخرجي غتلقايني موجدة ليك حوايجك ... يالاه سربي
*بعد 15 دقيقة*
خرجات سلطانة من الدوش ولقات سمر موجدة ليها الحوايج ومخرجة الماكياج ...
سمر : كان عليا نسميك عبد القادر ماشي سلطانة سنبل آغا ومؤنث عليك ... اويلي ملقيت عندك حتى شي حاجة كتحمر الوجه ...
سلطانة (قربات عندها) : اش هادشي ... راه واقيلا معندناش شي soirée
سمر : سكتي واجي خلاص ... هاكي لبسي هادي (كسوة بالحمر وفيها نقيطات بالبيض سميطات وعرية من الصدر ... مزيرة من الخصر ومطلوقة وطويلة حتال الكعبة وفيها فتحة جيهة ليمن حتال الفخاض ) بلا متشوفي فيا دوك الشوفات وزيدي لبسي
سلطانة(سكتات شوية وستاسلمات) : صافي واخا ... هاحنا غنشوفو فين غنوصلو معاك
سمر : اوا هي دبا ...
نشفات راسها وعطاتها كريم الجسم تدهنو ولبسات الكسوة جاتها هي هاجسك
سمر(بابتسامة) : هااا دبا نتي سلطانة هاد الكسوة كنت كنلبسها شحاال هادي جاتك فنة كتحمق ... (جبدات ليها حناكها) سلطااانتي الغزالة ... اجي جلسي باش نقاد ليك شعرك
نشفات ليها شعرها وبوكلاتو ودارت ليها شوية دالماكياج مشطات ليها حجبانها وماسكارا وفاغاجو وگلوس ولبسات ليها سنيسلة ومگانة وجوج اسوارات ... جات كيوت
سلطانة (شافت راسها فالمراية): مفهمتش لاش هادشي كامل ... وهنا غير فالدار
سمر(ماداتهاش فيها) : هاكي لبسي هاد جاكيت (جاكيت دجين) راه كاين البرد برا ولبسي سبرديلتك البيضة ... ومتعطليش على مراد
سلطانة(باستسلام) : واخا ...
سمر : يخليلي الزيين ...(باستها) موااااح ... يالاه هاني مشيت ... ومتنسايش داكشي لي قلت ليك واخا ؟
سلطانة : وا صااافي
مشات سمر وسلطانة لبسات سبرديلتها وهزات تيليفونها ونزلات للتحت ...
#يتبع ...