للسماء قمر و لقلبي أنت

الجزء 119

#للسماء_قمر_ولقلبي_أنت 💙
بقلم : stories and novels
الجزء : 119
بقات واقفة حدا واحد الطوموبيل زاجها كحل من نوع clio 4 مشات قربات ليها وهي تحنى بدات كتشوف وجهها وتمسح بيدها حتى هبط الزاج بوحدو وتكوانسات تصدمات جمد ليها الما فالركابي ... كانت واحد البنت قرطااااسة ملامحها كحلين حجبانها كتار ومسطرين وشفارها كتار وعينيها قهوي غامق ولونها حنطي ما بيضة ما سمرا وشعرها حد صدرها ومسبسب لونو قهوي غامق ومفتحة شي خصلات ببني فاااتح ... ودايرة مكياج زوين ونقي وحداها مول البيكالة لي عاونها البارح ... غير شافتو وتصدمات معرفات مدير قلبها تزير وهي تهرب ...وزادت فبكاها ...
مول البيكالة(بقا مشوش وقرر يتبعها) : جهاد ... هانا جاي
جهاد : ويلي فين غادي ؟؟ وغراضنا ؟؟
مول البيكالة(حيد السمطة وحل الباب) : غير سبقيني وغنجي من وراك (مشا بلا ميخليها تجاوب)
جهاد(بجهد) : ياااك غتخليني بوحدي !!! (ضربات فالفولون بعصبية)
مشا تبعها مزرب خطاويه وبغا يعيط عليها ولكن معارفش سميتها بقا كيقول غير وااا البنت ... و هي مكتلفتش ... زاد زرب خطاويه حتى شدها من كتافها وضورها لقا وجهها كي ماطيشة وعينيها منفوووخين بالبكا ... شافها هكاك وعقد غوباشتو جرها لبلاصة خاوية شوية ...
مول البيكالة : مالكي ؟؟؟ بلا متقولي والو مغنتفاك حتى نعرف مالك ؟؟
سلطانة(غير كتبكي وتشهق)
مول البيكالة(دار يدو على كتافها وتحنى عندها حيت واصلة ليه عند مرافقو واخا تاهي طويلة) : ماماك وقعات ليها شي حاجة ؟؟؟
سلطانة (باقا فنفس الوضعية مقادراش تهضر وغير كتبكي)
مول البيكالة(تعصب) : اوا دوي خلااص ... (شافها عاد مزادت كتبكي وهو يصوت وهضر بحنان) صافي غير بشوية عليك مالكي ؟؟
سلطانة (سرطات ريقها وشافت فيه بعينين دامعين): ماما ... جرات عليا من الدار اهئ اهئ اهئ 😭😭😭😭
مول البيكالة (غوبش تاني): كيفااش ؟؟؟ وعلاش ؟؟
سلطانة(دارت يدها على عينيها) : تخاصمنا اهئ اهئ
مول البيكالة(تنهد بصعبية) : واخا ... يالاه نوصلك لداركم خاصك تصالحي معاها
سلطانة(غوبشات وحيدات ليه يديه بجهد): لاااا ... أنا مراجعاش لديك الدار مزال
مول البيكالة : وشنو غتبقاي هنا ؟؟ واش عارفة فين جيتي ولا لا راه غيهنشرووك
سلطانة (بعدم فهم) :شنووو ؟؟
مول البيكالة :نساي ... دابا شنو غديري ؟
سلطانة (ربعات يديها) :معرفتش ... غنمشي نجلس فشي كافي ونتاصل ببابا
مول البيكالة : واخا يالاه (بغا يجرها وهي تحبسو)
سلطانة : فين ؟؟
مول البيكالة : للكافي ... كنعرف واحد صاحبي عندو كافي قريبة لهنا
سلطانة : لا نتا غير سير ...حشومة خليتي البنت بوحدها غتكون تقلقات
مول البيكالة (ببرود) :ااه لا ماشي مشكل غير زيدي
سلطانة (بتردد حيت كان كيصحاب ليها صاحبتو):مبغيتش نكون السباب فخصومتكم
مول البيكالة : اشنو ؟؟ كيفااش ؟؟ ... (عااد فهم) اااه هههه هاديك غير ختي جهاد ... غتكون دخلات للسوق غير يالاه ... يالله راه ضرني عنقي هههه (ضحك تا بانو سنانو البويض المستفين)
سلطانة (فرحات ومسحات دموعها) :واخا ... راه نتا لي طويل بزاف
مول البيكالة : نتي لي قصيرة ههههه ...
مشاو مسافة دالطريق قصيرة ودايرها قدامو ... وصلو لواحد الكافي لي كانت عااادية ...و سلطانة بقات غير كضور فعينيها موالفة غير البلايص الواااعرين ...والرجال لي تماك ملي دخلات سلطانة وهوما غياكلوهم بعينيها ...حسات براسها ممرتاحاش بشوفاتهم ...
مول البيكالة(تقابل معاها وتحنى شوية) : جلسي هنا أنا غنمشي نهضر معاه ... واخا
سلطانة(عاودات شافت فدوك الرجال وشافت فيه) : صافي واخا
#يتبع ...