للسماء قمر و لقلبي أنت

الجزء 45

#للسماء_قمر_ولقلبي_أنت 💙
بقلم : stories and novels
الجزء : 45
أصبحنا وأصبح الملك لله ☀
~~~ سمر و سيف الدين ~~~
تسللات أشعة الشمس من النوافد وستاقرات على وجوه النائمين ... تعنكشو فالنعاس ... سمر تغطات بعصبية وسيف حل عينيه بعدما طار النعاس ... تكسل وطرطق عضامو وعنقو ... وهو يحيد الغطا على سمر وبدا كيعنكش فيها ويهر فيها ويقرص ويبوس فعنقها ويعض حنكها ...تا فاقت خاسرة وهو بقا كيضحك عليها ...
سمر (فيها البكية وكتغن) : وااااااع حرام عليك ... غا شوية اهئ اهئ اهئ ... شنو درت ليك واااااع
سيف : نوضي نوضي ... الا زدتي داك شوية غتصدقي فالعشية (باسها فحنكها) نوضي انوتيلا ديالي نوضي (بدا يهر فيها ) نوضي اخربوشة نوضي
سمر(كطرطا) : اااي ... زگااا ... هههههه صافي حبس هاني
مشات خدات دوش ونشفات راسها طبعا بلا متسلم من الداعبات ديال سيف الصباحية ... لبسات جامبسوت أسود قصير تال الركبة وسميطات مع سبرديلة بيضاء وشعرها كعكة مهملة بلا منساو مكياجها الصباحي... أما سيف لبس شورط مع تيشورت وكلاكيطة ... وهبطو بزوج ❤
~~~ شيماء و جود ~~~
ناضو بزوج دقة وحدة حيت موالفين الفياق بكري ...وطبعا ناعسين مفارقين ... جود كيف فاق جات عينو فعينيها وحرك ليها راسو بمعنى صباح الخير ... ناض دوش وخرج لاوي عليه فوطة وكينشف شعرو وهي ناضت تدوش وبينما خرجات لبس هو سروال السيرفيت اسود مع تيشورت بيض وكلاكيطة وجلس كيمشط شعرو ...وشيماء تاهي لبسات بيجامة سروال وتيشورت مع بينوار طويل شوية وشعرها مضفور جنب ... يالاه كانت غتخرج وحبسها
جود (مفيكسي عينيه فعينيها) : شوية دابا ؟
شيماء : ها ؟
جود (تنهد) : متشغليش راسك بداكشي لي وقع ... والا طرات بيناتكم أي حاجة ولو صغيرة قوليها ليا (وجه ليها أصبع الإتهام) مفهووووم
شيماء (حادرة راسها) : واخا
جود (باس ليها راسها ) : الله يرضي عليك ... يالاه نهبطو شد ليها يديها وهبطو وهي فرحااااانة بهاد الاهتمام المفاجئ ❤
~~~ خلود و زياد و يزيد ~~~
فاقت الشخصية الجديدة ديالنا ... وفيقات وليداتها التوأم الكيوت ... ودوشات ليهم ولبساتهم حوايجهم بحال بحال شورت أزرق وتيشورت أبيض وسبرديلة بيضاء ومشطات ليهم شعرهم الحريري والكثيف وجلساتهم فوق الناموسية بينما تاهي تدوش وتلبس حوايج عطاتهم ليها سمر بينما تشري شي حاجة تعدي بيها .... لبسات سروال حمر توب وطاي هوت وخاشية فيه ديباردور أبيض وسبرديلة بيضاء ...دارت مكياج خفيف مع عكر حمر ماط ... وشعرها خلاتو مطلوق على راحتو ... وهبطو بتلاتة بيهم كيبانو كيوووت ❤❤❤ قولو ليا كيف جاتكم الشخصية الجديدة ... وشنو النظرة لي خديتو عليها ؟؟
~~~ سلطانة ~~~
فاقت الأميرة ديالنا ... وبقات نص ساعة زهي غير جالسة وكتشوف فالفراغ ... كتحاول ترتاح من النعاس و تستوعب فين هي وشكون هي وعلاش وكيفاش ههههههه هادي حالة السيليباطير ...  بعد صراع طويييل قررات تنوض وتحيد عليها العگز ... دوشات ولبسات تريكو غوز خاشياه فصاية ديال الدجين قصيرة تال الفخاض مع سبرديلة غوز ... وشعرها ديما مطلوق حيت قصير ...(تانتوما متنساوش تغسلو يديكوم عشرين خطرة فالنهار وتاخدو دوش يوم اه يوم لا ...وتاخدو جمييع التدابير الوقائية ومتخرجووووووش) هبطات تاهي ولقاتهم جالسين كيتسناوها سلمات عليهم وجلسات ... فطرو فجو عادي ... وخرجو البنات للجردة جالسين وسيف بقا الداخل كيتفرج وجود كيهضر فالتيليفون فالجنان ...
سمر (كانو حداها يزيد و زياد ) : ويتك ويتك على الزييين ... شكون أنا ؟
زياد : ميمة 😄😄
سمر (بجغات ليه حنكو بالبوسان) : ممممممموااااااح هادشي غزاال
يزيد : وأنا ؟ 😕
سمر : حتى نتااا ها ديالك (تاهو باستو بنفس الطريقة) خلوود كي درني علمتيهم الدارجة وهوما لهيه
خلود : بغيتي بابا يقتلني ههههه
زياد : ميمة ... شكون هادي (شير لشيماء لي كانت جالسة مقابلة معاهم وبعيدة عليهم )
سمر : (يالله غتجاوب وهي تسبقها خلود لي كانت كضوموندي الحوايج من البيسي وحداها سلطانة)
خلود : هاديك ماماتي
كلهم تصدمو وكيشوفو فيها ... وهي كتشوف فالبيسي عادي ...
يزيد : ماماتي ؟؟ 😐
خلود : اييه ماماتي ... سيرو بوسوها ... ماماتي زويييينة
مشاو باسوها وشيماء كي الصنم وكضحك بزز
خلود (شافت فيها) : شيماء .. اجي ختاري معانا ... متبقاش بوحدك تماك
شيماء : مممم ... لا بلاش ..(وقفات ) انا غنمشي لجيهة لابسين (مشات)
خلود (بضحكة جانبية) : باقي مقلقة مني 😏
سمر : متقلقيش منها ...
خلود : لاا معندي علاش نتقلق منها
سمر (شافت فالتوأم) : اجيو عندي اجيو
جود (يالله سالا المكالمة ديالو وجا عندهم ) : شيماء ؟
سمر : جهة لابسين
جود( أومأ براسو) : مممم
مشا جهة لابسين لي كانت بعييييدة حيت الجنان كبيير بزااف ... وصل ولقاها جالسة محيدة البينوار ...ورجليها فلابيسين وعاطياه بالضهر .. تلفت ليمن وليسر لايكون شي حد شافها ... سيفط ميساج للرجال لي خدامين فالخدم سوا العساس ولا الجارديني ولا الشيفور ولا ليمقابلين الجنان حيت كيسكنو تاهوما فالجنان وكيعاملوهوم بحال العائلة... قاليهم باش تاحد منهم ميوصل جيهة لابسين باش شيماء تاخد راحتها ... تقدم جيهتها و وقف وراها ...
جود : شيماء ؟
شيماء (قفزات حيت كانت ساهية وكتبكي ... ناضت وقفات تقابلات معاه حادرة راسها وكتمسح فالدموع)
جود (مخنزر) : لاش البكا ؟ (مجاوباتوش) راه دويييييت !!!!
شيماء (بصوت كيترعد): لا ... والو
جود (بقا كيشوف فيها شحاااااال) : طيبتي دوك العينين بالبكا ...(شدها من يديها) اجي وكان اجي (جلسها فواحد الزعلولة كبيييييرة مقابلة مع لابسين )
شيماء (بصوت خااافت) : نمشي نجيب بينوار
جود (مخنزر وكيشوف قدامو) : غير خليك ... تاحد مغيوصل لهنا .... (شاف فيها) دار ليك شي حد شي حاجة ؟؟ قاليك شي حد شي حاجة ؟؟؟ غير قولي  متخافيش ... بربي تا نحيييه
شيماء (خلعها بنظراتو لي كيف الصقر تا بدات تقفقف ) : لا لا لا لا ... تاحد مدار ليا والو ... والله
جود : مممممم ... ولاش كتبكي ...الا كدبتي عليا (موجه ليها أصبع الإتهام) غنتفاهم معاك
شيماء (بعد تردد غمضات عينيها) : معجبنيش الحال فاش جات ...(حلات عينيها وبقات كتلعب فصباعها) و و هي زوينة بزااف ... عاد عندكوم الولاد (شافت فيه بنظرة طفولية) مغترجعهاااااش ياك ؟
جود (طلع حجبانو كيشوف فيها باستغراب) : هادشي كولو هزاه فقلبك ؟؟ كنسولك وتتقولي والو !! هاا ؟؟ شوفي ... غنسولك ... أنا اش كنجيك ؟
شيماء (حدرات راسها) : راجلي
جود : مزياان ... أنا راجلك ونتي مرتي ... وفين المشكل ؟
شيماء (دلات شفايفها) : ولكن هي ... كانت مراتك
جود (طلع ليه الدم وغوبش) : سمعيني مزياااان ابنت الناس ... هانتي قلتيها كااانت ...خوي راسك من هاد التخربيق تفاهمنا ... أنا ممساليش لهاد الخوا الخاوي ... نشوفك كتبكي غير هكاك نتفاهم معاك
شيماء (بقا فيها الحال وغرغرو عينيها وفضلات السكات)
جود (وقف كيشوف فيها مخنزر) : جمعي دموعك ... ويالاه الا بغيتي تمشي سينون بقا هنا ... ولكن ماشي بزاف
شيماء وقفات بالخف ومشات هزات البينوار ديالها ... ومسحات دموعها لي كانو كيف الشلال ... يالاه غدور وشافت يزيد جاي كيجري جيهتهم ...
يزيد : خبيييوني خبييوني ... ماماتي ... ماماتي ...
جود (شاف فيه باستغراب) : مالك ؟؟؟
يزيد : لاعبين كاش كاش .... (مشا ورا شيماء وتخبا) خبيني اماماتي
جود : ماماتي ؟؟
لحق عليهم زياد وشافو وبدا كيضحاااك
جود (مخنزر فيهم) : آخر مرة تجيو لهاد البلاصة ... متبعدوش على الدار ... تفاهمنا ؟؟
زياد : واخا ا بابا
جود (عجباتو ديك بابا ) : مزيان ... اجي عندي (هزو)
يزيد : ماماتي تانا هزيني
هزاتو شيماء وعنقها وتمشاو مجموعين تال عند خلود وسمر وسلطانة لقاوهم مزال نيت جالسين
يزيد : ماااماااا ... شوفي هزاتني ماماتي
زياد : وأنا بابااا
خلود (بابتسامة) : براافووو ...
جات رئيسة الخدامة : الغدا راه واجد