للسماء قمر و لقلبي أنت

الجزء 118

#للسماء_قمر_ولقلبي_أنت 💙
بقلم : stories and novels
الجزء : 118
جوديا (ضارت عندها) : نسيتي بنت من نتي ولا ؟ راه باباك كنيتو العلوي تيليفون واحد منو خرجت ... وقنعو أروى باش تنازل ليا وصافي ... (سكتات شوية)شتك مفرحاناش ؟ ياكما باغاني ندخل للحبس
سلطانة(مشات جلسات فالطابلة) : لاا اويلي ... غا سولت وصافي ...(شربات كاس دالما) عاودي ليا اش وقع ؟؟
جوديا(حطات الغدا فوق الطابلة) : ضربتها بقرعة لوجهها
سلطانة(بصدمة) : اويلي ... اييه وعلاش ؟
جوديا(كتهضر وكتحط فالطابلة) : اوا هي لي جبدات ...(سكتات شوية) المهم نساي عليا هادشي دابا
سلطانة (كتشوف فتلفونها): وكي ولا وجهها ؟؟
جوديا(حطات طباسل ديال شلاضة) : ويلي متقدريش تشوفي فيه حااالتو ...(طلعات راسها للسما) ياربي تسمح ليا راه مدرتهاش بلعاني
سلطانة(عضات شفايفها) : غتسطى ...(ببرود) اييه وجون فهادشي ؟؟
جوديا(كانت كتقاد كتقاد بلاطو للعصير وهي تحبس سكتات شوية وهي تبدل الهضرة) : اجي شتك جالسة كتجمعي معايا ... (دات البلاطو) مالك ممشيتيش للسوايع
سلطانة(ميقات) : داني النعاس
جوديا(وقفات عند راسها) : بااز ليك ... واش باغا تفقصيني تاني
سلطانة(كتسوط) : ماما الله يستر عليك خليني راه يالاه فايقة والنعمة متحطاتش فكرشي
جوديا(كتغوت وتشالي بيديها) : وأنا مالي ا لالة أنا لي قلت ليك متفيقي حتى يحماض فيك البوول ؟؟
سلطانة (قلبات عينيها)
جوديا(موجهة ليها أصبع الإتهام) : شووفي راه مشاكيلي حتال لهنا (دارت يديها عند عنقها)مافيا مايزيد مشاكلك حتى نتي
سلطانة (قالت بهمس ولكن سمعاتها): ملي مقاداش على مشاكيلي لاش والداني
جوديا(ضربات بدها مع الطبلة حتى قفزات) : اش هاااد الهضرة ؟؟؟ عرفي اش كتخرجي على فمك !!!
سلطانة(شافت فيها بتحدي) : بلا منكدبو على راسنا راني عارفاك مباغانيش و والداني بزز وعارفاك واقفة ليك فطريقك ...راه مبقيتش صغيرة
جوديا (شدات فنيفها بقرون صباعها وتنهدات بعصبية وهضرات تحت سنانها): خرجي عليا غبري من قدامي
سلطانة (زادت رفعات صوتها): مالي كدبت ... سبحاان الله مكيعجبكومش لي يجيكم فااص
جوديا (جهلات حيت طاحت ليها على الضبرة وبقات كتغوووت ومخرجة عينيها و ولاو حمرييين والعروق باينين فعنقها): خوووووورجي عليااااااا ... (شداتها من دراعها ونوضاتها بجهد) خوووورجي غبري من قداااااااامييييييي
سلطانة(تخلعات فاش شافتها هكاك) : ااااي راكي ضريتيني ... (بحنية وصوت باكي) مامااا ... بشوية !!!
جوديا(كتغوت على جهدها) : مبقااات عندك بلاصة هنا خوووورجي علياااااا خوووورجييييييييييييي (بقات غادة بيها لجيهة الباب وهي تحلو وسلطانة مصدومة مقدرات دير والو ) قليييلة الأدب غبرييييي من حداايا فيك غييييير المشاااكل من نهار ولدتك والمشاااكل طايحين عليا كيف الشتاااااا (لاحتها للزنقة جاب الله كالات بيديها أما كون جات على وجهها واخا تجرحو) قدااامك قدام النحسسسس تفوووووو من الولاد لي بحاااالك تفووووووو (رضخات الباب)
أما سلطانة مسكينة بقات على ديك الوضعية بقااا فيها الحال بزاف بزاف ... حسات بهضرة مها بحال شي خنجر تخشى فقلبها ... بقات كتبكي بحرقة ... هزات راسها لقات راسها بوحدها لا حنين لا رحيم حسات براسها يتيمة لا أم لا أب ... مسحات دموعها واخا يديها كيضروها ...و والو الدموع مبغاوش يتحبسو ... وقفات والدنيا ضارت بيها معرفات فين تمشي ولا فين تجي ... لأول مرة تحس بالخوف بقات كتمشي وغادة مع الطريق وكتبكي وتسمح وتشهق وتنفس بصعووبة ... ولي داز من حداها كيشوف فيها ... بقات غادة حتى لقات راسها فطريق سوق الحد ... ضربات ديك المسافة كااااملة وهي فيها الجوع ومكسورة ومقلقة وكتبكي ... وقفات باش ترتاح ونيت باش تشوف فين هي واش هاد البلاصة لي جات ليها لقاتها عااااااااامرة والناس غاديين جايين مغاربة ونصارى ... جاها هادشي غريب مع موالفة الكالم الناس قلال ... مموالفاش نهائيا بالاحياء الشعبية ... ولكن هي عكس سمر فاش كانت شابة ... سلطانة انسانة متواضعة بزاف ومعندهاش مشكل تكون فأي بلاصة مع أي واحد ... ولي زوين فيها دغيا تقدر تتأقلم مع اي واحد وفأي بلاصة وفأي وضعية ... المهم بقات واقفة حدا واحد الطوموبيل زاجها كحل مشات قربات ليها وهي تحنى بدات كتشوف وجهها وتمسح بيدها حتى هبط الزاج بوحدو وتكوانسات تصدمات جمد ليها الما فالركابي ...
#يتبع ...