للسماء قمر و لقلبي أنت

الجزء 52

#للسماء_قمر_ولقلبي_أنت 💙
بقلم : stories and novels
الجزء : 52
#الحاضر 🐾
الكاتبة : شتك سهيتي ... نوضي الله يرضي عليك راه كيتسناوك على برا
سلطانة : عفاك زيدي غا شوية
الكاتبة : مكاين ما ولكن ... نوضي ... تغداي من بعد ونكملو ... مالك كتشوفي فيا يالاه
سلطانة (بتذمر) : اهئ اهئ اهئ حرام عليييك ... (ناضت) ديما حاكرين عليا
خرجات سلطانة من البيت وهي كتنگر غا بوحدها ...هبطات للتحت وملقات تا حد ...سولات الخدم وقالو ليها راهم فالسطح ... مشات للسطح دالفيلا لي كان جنة ... فيه جليسة فالأرض وضاير بيه النباتات والورد بالأشكال والألوان والديكورات ... عاد طبالي فيهم الماكلة ... وفجيهة اخرى كاينين كراسا والطبلة ديالهم والجهة لوخرا بوفة مع طبلة ... والكليكة ديالنا كانو جالسين وكيضحكو ومجمعين ... لتاحقات بيهم سلطانة ومشات جلسات حدا سمر ...حطو ليهم الخدم ياكلو ... وجمعو الطبلة وجابو ليهم قهوة معاها مكسرات وحلويات ...ودارو ابيل فيديو فزوم مع صحابهم القدام كااااملين ...(تال من بعد وتعرفو عليهم) كملو معاهم ... وبقاو كيلعبو كارطا شوية قلبوها بنت ولد ... شوية الألغاز ...و زييييد وزيييد حتى طاح الظلام محسوش بيه ... خلود و ولادها هبطو للتحت حيت جاهم البرد ...وجود مشا لبيتو ... شيماء داها النعاس تماك وسيف تاهو هبط ... بقات سمر و سلطانة بوحدهم ...
سلطانة : والله منتفاك معاك قولي اش طرا من بعد !!
سمر : بشويييية ... راه غتسمعنا !!
سلطانة : متخافيش راه ناعسة ... غا قولي
سمر (بقات ساكتة لمدة طويلة وحانية راسها مترددة)
سلطانة : مامي ؟؟ مالك
سمر (شافت فيها وعينيها كيبريو وشدات ليها يديها) : سلطانة ... شوفي ... هادشي لي غنقول ليك ... ممكن تقبليه ممكن لا ! ومن حقك ... اقدر كاع تكرهيني ومن حقك !!! ولكن لي كنتمنى منك هو متسرعيش فالحكم ديالك عليا وديري بحال ماماك ! أنا ماشي كنحاول نبرر هادشي ... حيت كنعتارف أنا لي غالطة
سلطانة (مخلوعة) : مامي مالك ؟ علاياش كتهضري ؟؟؟
سمر (تنهدات بحسرة) : واخا ... واخا هانا غنعاود ليك ...دازو يامات ويامات ... والشيطان بدا يلعب ليا فعقلي ... توحشت عيشتي القديمة خصوصا مع الجو تما مكيساعدش ... صعيب بزاف وزيدي حتى الشتا الطرقان كيتسدو والغيس ... عاد الدار مافيهاش الضو ... وتمارة لي دوزت ... والبرد قااااصح منعاودش ليك النعاس مكنشوفوش بقوة البرد ...والجوووع هداك بلا منهضرو فيه ...تقهرت وقلبي ضياق عليا ... كنت تنقلب غير على شي حاجة لي تنسيني فهمي ...(تنهدات وكتشوف قدامها) كانو شي دراري معايا فالقسم كنشوفهم ديما ضاحكين وضاربين الدنيا بركلة طيحولي العجب ... واحد النهار تعطلت أنا وياهم والاستاذة مخلاتناش ندخلو ...مشينا جلسنا تحت واحد الشجرة وكانت الشتااا ... ديك الساع أول مرة نجلس معاهم ..
سلطانة : و أم الغيث ؟
سمر (ضحكات بسخرية) : من زهري المنحوس داك النهار كانت مريضة بزاف وغيبات ...ما علينا مشيت معاهوم وبداو يصايبو شي حاجة بحال الحنة مطحونة (تحية ليونس 😂😂) وكيلموها فكلينيكس ولا ميكة ويديروها ففمهم بين الشفة التحتانية واللثة... أنا فاللول جاتني عجب اش داكشي تا سولتهم وقالو ليا راها كالة ... (قاطعاتها)
سلطانة : شنو هي كالة ؟؟
سمر : الكالة هي مسحوق مخدر فيه التبغ ... كل واحد وفين كيديرو كاين لي كيديرو فالفم كيف قلت ليك وكاين لي تحت الإبط وكاين لي فديك البلاصة لي ورا الركبة وكاين لي كيديرها حتى بين صباع رجليه ... وكاين تا لي كيجرح راسو ويديرها فالجرحة باس يحس باللذة كتر !
سلطانة (حلات فمها) : ولاش هادشي اصلا ؟؟؟
سمر : هاد السؤال بالضبط هو لي سولتهم !!
سلطانة : وباش جاوبوك !!
سمر : قبل بعدا خاصك تعرفي بلي هاد الكالة قبل ما يحطو فالبلاص لي قلت ليك عليهوم ... هو اللول كيفزگوها بالشراب والا مكاين كيديرو الما ...حيت كطلق مواد كيماوية تتسرب للأوعية الدموية وكتلقا هاد المواد طريق باش تمشي للدماغ ...وكتحفزو باش انتج الأدرينالين بكميات كثيرة وكيحس داك الانسان بشعور أشبه بالسعادة والنشاط الزايد ... فهمتي دابا !!
سلطانة (كتحاول تستوعب كلمة بكلمة) : اااااااه ودابا نتي كنتي على سبة !! وتبليتي بيها ؟وفين كنتي كديريها نتي ؟
سمر : اه ...(حنات راسها) وحيت أنا كنت ديجا كنكمي كان ساهل عليا نتبلا بيها ... حيت تاهي فيها النيكوتين غير هو الكالة مجهدة بزااف ... أنا كنت تنديرها فتحت فمي بحالهم ..
سلطانة : ولكن بلاتي بلاتي ... وملي عارفة هاد الهضرة علاش سمعتي ليهوم ؟
سمر (بسخرية) : يصحاب ليك شرحو ليا هكا ؟؟؟ هادشي معرفتو تا فات الفوت
سلطانة : ومن بعد ... اش وقع ؟
سمر (تنهدات) : هنا كانت بداية الادمان ... الكالة كانت عندي بحال الما ...ديما دايراها وقبل أي حصة لابد خصني نديرها وكنت كنبقا ندفل بحال شي حاملة (عرات على يديها) شتي هاد الضرابي ؟ كنت تنضرب يدي باش نحس بديك اللذة الزائفة
سلطانة : بغيت نعرف غير أم الغيث فين كانت ؟
سمر : هادشي كنت تنديرو بالتخبية !! ولي سولني على الضرابي كنقوليهم غير شي مش لي دار ليا هكا ...ساليت من الكالة للقرقوبي ... للحشيش ... حتى وليت كنكمي الجوان ... وليت كنتعاشر غير مع هادوك تا خرجت على راسي ... مغنقولش خرجو عليا حيت كنت واعية وأنا لي بغيت !! وأم الغيث عيااات متنصح فيا باش نبعد عليهوم وأنا راسي قاصح ... (ا !!
سلطانة : بحالاش ؟
سمر : هداك موضوع آخر وميمكنش نعاود ليك عليه هنا !! حتى يجي وقتو ...
يتبع ...
مغنكتبش جريدة على مخاطر التدخين ونتقيا عليكم المعلومات ... يكفي هاد القصة لي فيها أحداث من الواقع ... واقعي أنا ... حيت هاد الناس شفتهوم وهضرت معاهوم وضحكت معاهوم ... لي غنقوليكم هو عيشو مع القصة وقراو ما بين السطور ...والله يعفو على كل مدمن ومدمنة 🙏❤