للسماء قمر و لقلبي أنت

الجزء 78

#للسماء_قمر_ولقلبي_أنت 💙
بقلم : stories and novels
الجزء : 78
مشات م.فاطمة تحل الباب ولقات صحاب سمر جاو مستيكيين وضاربين الحطة كاملين وفيديهم الكادوات... سفيان أو المنونخ جاي لابس تيشرت بيض وفوقو جاكيط جينز وسروال جينز عريض مع سمطة كحلة وسنلسة وصباط كحل ...أما عصام (الخصيم) كان لابس قاميجة بيضة واسعة وحالها من الصدر وخاشيها فسروال التوب واسع باللون أخضر غامق وصباط كحل ... أما حبيب الدين (زريقة) كان لابس قاميجة دالجين خاشيها فسروال دالتوب گري وصباط كحل ... أما الزين ديالنا كريم (ولد الحاج) كان لابس بودي كول مونطي بيض فوقو قاميجة ملونة واااسعة وخاشيها فسروال التوب قهوي مع سمطة وسباط كحل ... وكلهم هازين كادوات ...
م.فاطمة (بابتسامة عريضة) : جييييتوووو ... عولنا عليكم بكري تعاونونا ... مي بون ماعليش المهم جبتو (طلعاتهم وهبطاتهم) هاي هاي هاي هاي الناس مفركسين تاني ... (سلمات عليهم كاملين بالوجه) دخلووو مرحبااا ...
زريقة : افييين ا خالتي هانية ... هانتي باش ما تقولي جايين طوال ... ها الكادو
م.فاطمة(كضحااك) : ههههههه أنا المهم عندي هو تجيو
المنونخ : ههههههههه هااد الهضرة عمرنا غنسمعوها من سمر حيت الا جينا خاويين ترجعنا من عند الباب
م.فاطمة : ههههههههه مزيان ملي عرفتوها بعدا ... يالاه دخلو ..(شافا فعصام) ااه ولدي عصام جبتي داكشي لي وصيتك عليه ؟
عصام : اه اخالتي كلمة دالرجال ... (جبد كاميرا)سيمانة وأنا كنضبر عليه وهااانتي اخر مكاين
م.فاطمة : الله يرضي عليك ... عارفاك راجل ... وبلا منوصيكم صورو كولشي
زريقة : كوني هاانية
• تمو طالعين فالدروج •
المنونخ : فين سمر اخالتي ؟؟
م.فاطمة : خارجة مع سيف ... بلعاني صيفطها معاه باش يعطلها
المنونخ(معجبوش الحال) : ممممممم
م.فاطمة : يلاه دخلو خودو راحتكم ... هاحنا نمشيو نلبسو بينما جاو واخا ؟ وديرو عقلكم !! (مشات نزلات )
زريقة(عينيه تحلو) : واتاااا ورررقو ليا ا العشران شااااخضة حلوة هنااا
المنونخ(مغوبش) : واش سمعتوها ... لاش تمشي مع داك خينا
ولد الحاج(خنزر فيه) : هييييه بلا تبرهيش ا الساط خليو كولشي يدوز مزيان ... زعما راه عيد ميلادها اليوم
عصام : وايييه ا الساط بلا متزيد فيه ... راه بحال خوها اصلل كباااار منها ... بلا متنوى غا بوحدك
**** 🍭فبيت لالة حادة 🍭 ****
دخلات م.فاطمة ولقاتهم لابسين ومقادين ... غيثة لابسة قفطان مخزاني باللون البيج وكتبري شوية جا مع لون بشرتها ومحزمة بمضمة رقيقة ولاستيك شاد الكمام ... وبلغة فرجليها ... ودايرة الكحل فعينيها والعكر الفاسي فحناكها والسواك  وشعرها ضفراتو ضفيرة للور ودارت عليه زيف حزماتو بحال زيف حياتي بالحق توبو ذهبي وكيبري ومبين شوية دالشعر مع خيط الروح بنفس لون القفطان جابو ليها محمد جاد والسنسلة لي مكتحيدهاش والجوهر تاهو ودبالج ديال الذهب جات فنة فنة فنة ... أما رقية فكانت لابسة قفطان بالشيبي تاهو مخزاني ومحزمة بحزام رقيق ...أما وجهها مدايرة ليه والو حيت مزال ممزوجاش .. وشعرها دارت ليه جوج ضفيرات فوقو زيف بالحمر والشيبي وكتافات بطوانغ صافي وفرجليها كتافات ببلغة ... أما لالة حادة فكانت لابسة تاهي قفطان فصالة مخزانية باللون الاسود وفيه نقشات باللون الفضي محزمة بمضمة رقيقة ولاستيك باش يهز الكمام ... وبالنسبة للاكسسوارات فلبسات الجوهر فعنقها وريالات فوذنيها ودبالج دالهب فيديها اما شعرها فدارت ليه زيف شدة ديال الدار عادية ... و وجهها فاكتافات بكحل وعكر فاسي والسواك و فرجليها بلغة ...لباس متواضع وبسيط بالنسبة لوحدين جايين من المدينة ولكن م.فاطمة عجبها الحال ورجع ليها الحنين لأيام مع مها وباها ... وفرحات ملي شافتهم لابسين أحسن ما عندهم وهادا دليل على أنهم فرحااانين بيهم وكيبغيوهم ...
م.فاطمة (بابتسامة حب) : تبااارك الله ما شاء الله عليكم جيتو كتحمقوو ... الله يحجبكم
لالة حادة(عجبها الحال) : الله يكبر بيك ... ايييه حگا شكون جا ؟
م.فاطمة : صحاب سمر
لالة حادة(باستغراب) : علاه بنتك عندها الصحابات
م.فاطمة : صحابها من المدرسة ...(سافت فغيثة) ياك كيقراو معاكم ا غيثة
غيثة : علاه تاهوما غايجيو ؟؟(بحزن) اااه على هاد الحساب حنا منقدرو نشاركو سمر فرحتها
م.فاطمة : علااش ؟؟
غيثة : حنا مكانخالطو الرجال لا فالفرح لا فالموت
لالة حادة : علاه هادو لي جاو رجاااال ؟؟؟ هاويلي مدخليين ليا الرجال فقلب داري
م.فاطمة : اااااه وي نسيييت ... كنت ناوية نتجمعو كاملين ونفرحو ونضحكو ...(سكتات شوية) ممممم عندي حل ... نخليو سمر مع صحابها وحنا نجلسو فبيت الجلاس لي هنا ... باش كل واحد ياخد راحتو ... اش قلتو ؟
لالة حادة : 😒😒😒 اخر الزمان هدا
غيثة : صافي تاهادا نظر ...(بغات تقلب الموضوع) اش غتلبسي نتي ا خالتي ؟
م.فاطمة : مزال معرفت واش نلبس الرومي ولا البلدي ...مشات هزات شي كسيوات وتكشيطة من واحد الميكة) بفففف حرت هانتي شوفي هادو شكون لي حسن ؟(وراتهم كسوى بالأحمر والأسود والأخضر والقهوي وتكشيطة بالأزرق ملكي)
م.فاطمة (حلات عينيها): غزااال هادشي
غيثة(بابتسامة) : لبسي شي حاجة كتعجب سمر بزاااف
م.فاطمة : ايييييه دونك هادي ... كتحماق عليها (كانت كسوة بالقهوي ومخططة بالبيج كولها جاية على شكل V  من العنق ومطرزة بالبيض ... هي نص كم وكتافها طايحين ومطرزين بالبكروشي بيض جاية واسعة من الفوق ولاصقة من الخصر ومنفوخة من التحت وتال الركبة ) صافي هادي نيت كتجيني زوينة ... غنلبس معاها طالون بيج وطوانغ كبار بيضين
داكشي نيت لي قالت دارتو لبسات الكسوة وجاتها وااعرة مع طايتها والطوانغ والطالون وزادت دارت الماكياج ... ماسكارا وقادات حجبانها ودارت عكر حمممممر ماط فوقو گلوص أما شعرها كتافات أنها تمشطو صافي حيت اصلا قصير مناسب عمرها ... البنات ولالة حادة بقاو غير كيشوفو فيها حاتهم عجب بحالا جاية من شي كوكب ...
#يتبع ...