للسماء قمر و لقلبي أنت

الجزء 57

#للسماء_قمر_ولقلبي_أنت 💙
بقلم : stories and novels
الجزء :57
🔙 الحاضر 🔙
مرت أيام وأيام والمغاربة كولهم على أمل بلي شي نهار غيترفع الحجر ويسالي هاد الوباء لي خربق لينا حياتنا من الكبير للصغير وكتر الإكتئاب والانتحار ... ولكن هاد الأمل ولا شهر وأكثر من هدا ولا شهووور ... داز رمضان مختالف تمااامااا ... دوك الأجواء واللمة دالعائلة والضحك والنشاط فوقت الفطور مكاينش هاد العام ...و التراويح مكاينين و الجماعة من بعد الفطور فالزناقي مكايناش ...و ففيلا دسمر وسيف كان عليها تغيير كبير خصوصا وأنهم ولفو يتجمعو كااااع صحابهم عندهم فرمضان والأعياد ...ولكن هدا أول عام غيدوزوه بوحدهم ... لدرجة سمر مرضات مرضة خايبة ونص رمضان بقات فالفراش حتى تخلعو عليها كاملين ... وعيد ميلادها جا فرمضان ودوزوه كولو كئابة وحزن ... صحابها باركو ليا غا فالتلفون وسيف مفارقهاش وحاول يخفف عليها ولكن واالو ... وبنتها جوديا ساقت الخبار وتخلعات وبقات مغددة باش تمشي تشوف مها أولا وبنتها لي توحشاتها بزاااف ...طلبات طليقها موسيو علوي باش يدير ما فجهدو باش يمشيو للمغرب وبالفعل بفضل معارفو فالدنمارك والمغرب قدرو يهبطو للمغرب وبالضبط فطاطا وشافو سلطانة لي توحشوها وتوحشاتهم بزاااااف ... وجوديا شافت مها واخا باقي مخاصمة معاها ولكن المهم هاهي حداها ... وسمر تحسنات شوية بشوية ... ورجعات حسن من قبل واخا ضعافت شوية ... خلود كانت باقا عندهم وكتحاول تعيش بخير وتكون صداقة مع شيماء لكن شيماء مقدراتش تقبلها
و ولات قريبة من سلطانة بزااف ...ودابا فاش جات جوديا لقات معامن توانس ... دوزو العيد مجموعين فأجواء مختلفة ومملة ... ورجعو لأيامهم عادي ...
اليوم يوم جديد ومشمس ☀ والحرارة مطنطنة هنا ... وكانت العائلة مجموعة عند الطبلة الداخل كيتغداو ...
سمر : نساو العصير تاني ففففف ... صووفي (سمية إحدى الخدم) صوووفي ... اه صافي هاهي جات
*حطات صوفي العصير فوق الطبلة ومشات*
سلطانة : اه حگا ديما كنبغي نسولك وكنسى ... لاش جايبين خدامات گوريات ؟؟
سمر : سولي حبيبك هو لي جابهم
جود : احم ... الخدامات مبقاوش كيبغيو يخدمو ... يعني قلالو حيت الناس كيتعداو عليهم ... ولقيت هادو
سلطانة : همممم العجب الگور ولاو خدامين عندنا حنا (رجعات كتاكل)
سمر : شيماء ...كولي مكليتي والو !!
شيماء(بصوت خافت) : ها ... لا الحمد لله شبعت (وقفات)
سمر : فين غادة ؟؟ جلسي مزال مكلتي
شيماء (بشوية وحانية راسها): غنطلع للفوق ... بصحتكم
سمر : جوود
جود (كياكل ممسوق): همممم
سمر : واش مكتشوفش ...سير شوف مراتك مالها طلعات بلا ماتاكل
جود (شاف فيها) : عادي ... حيت شبعات
سمر : اويلي تا نووض شوف مراتك مالها !!
جود (ناض بتتاقل وهز تفاحة ومشا طلع)
سلطانة : ياكما كتوحم ... هاد الأيام ماشي تالهيه
خلود (ببرود) : لاا لاا ... غير محاملانيش وصافي ... غنمشي تولي بخير
جوديا : اويلي اش كتقولي علاش لي متحملك ياء
خلود : غيرة انثوية 😉 (رجعات كتاكل)
•••• عند جود و شيماء ••••
حل جود الباب وضرب ضورة فالبيت بعينيه وملقاهاش ... سدو ومشا جهة البالكون ولقاها تماك سااهية
جود (حاط يديه فجنابو و واقف وراها) : ششش
شيماء (قفزات وضارت لقاتو) : 😱😱
جود :خلعتك !! (ربع يديه وغوبش) فاش كنتي ساهية ؟
شيماء (حانية راسها وكطرطق فيديها وكتهضر بشوية) : والو
جود (كيشوف فيديها و وجهها) : كترتي من هاد والو (وجه ليها أصبع الإتهام) نلقا بيك شي حاجة غنخسر معاك
شيماء (مجاوباتوش)
جود : لاش نضتي من الطبلة ومكلتي والو ؟
شيماء : لا غير ... مافياش الجوع
جود (كيشوف فيديها) : لاش كطرطقي فيديك بزاف ؟؟(شد يديها الصغيورة والرقيقة وسط يديه الكباار) راه غتهرسيهم اهاد البنت (كيضور فيهم) علاش يديك صغاار بزاااف (جاتو الضحكة) ورقااااق (شاف فيها بشوفات عاديين ولكن حيت ملامحو حادة كيبان بحالا ديما مخنزر وعينيه حمرين شبه باه وتخلعات منو تا بدات تعض ففمها من كترة التوتر تا خرج الدم) مكتاكليش بزاف ... غتموتي غا بالجوع ... زيدي تاكلي يالاه (بقا كيشوف ففمها) واش نتي ديما هكا ؟ حبسي حبسي هلكتي داك الفم (مشا جاب ليها كلينيكس وبدا كيمسح ليها فالدم وهي حادرة راسها مزنگة) ففففف واش نتي حمقة ؟ مكتفكريش فراسك ؟راه هلكتي راسك ا الزمر فففففف (شد ليها نيفها) طلقي ورخفي نفسك راه مكنخلعش أنا ودابا زيدي قدامي ...
هبطو بزوج للتحت ورجعو كياكلو عادي ... وشيماء كانت الضغمة ديالها صغيورة ... وبجا كيقطع ليها ويعطيها ويبزز عليها الماكلة ... ونفس الشيء بالنسبة للديسير كيقطع ليها وهي كتاكل والأعين عليهم كتغامز ...جوديا وسمر وسلطانة عاجبهم الحال وموسيو العلوي وسيف كاعما مسوقين أما خلود احساسها مكانش تابث فرحانة ومفرحاناش ...  كملو ماكلتهم والرجال مشاو للمكتب ديال سيف كيهضرو ويتناقشو وسمر مشات نعسات حيت باقي عيانة شوية و سلطانة فبيتها كتفرج وخلود وجوديا فبيت خلود ... نعسات ولادها وجلسو فالبالكون كيجمعو وكيشربو قهوة ...
خلود(كتشوف فيها) : فين خليتي صاحبك ؟ لاش مجاش هنا ؟
جوديا (رشفات جغمة من القهوة): فالدنمارك ... تسطيتي بغيتي نجيبو معايا ميمكنش
خلود : وخلاك تسافري مع طون اكس عادي ؟
جوديا(كتعبر بيديها) : لا لا جون اوبن مايندد وكيتيق فيا !!
خلود(شافت فالطبيها لي قدامها) : مزيان ا لالة ...
جوديا : ونتي اش درتي ؟
خلود (باقي كتشوف فالجهة لوخرا): فاش ؟
جوديا : بلا مديري راسك مافاهماش ... راني كنعرفك كطيريها فالسما
خلود(سكتات شوية) : أنا أختي قررت نكمل حياتي راسي معندي مندير بشي حد بغيت نتبع أحلامي ونوصل لداكشي لي بغيت
جوديا(حطات كاس دالقهوة فةق الطابلة) : وزعما نتي زوينة بزاف ما شاء الله ... ميمكنش ميكونش كيعجبك شي حد ولا كتعجبي شي حد
خلود (حنات راسها كتشوف فالقهوة): هاد الموضوع مبقاش هامني ...وعاد يالاه خارجة من علاقة فاشلة ماقادة على صدمة أخرى
جوديا (بنظرة تشكيكية): باقي كتبغيه ؟
خلود(شافت فيها) : شكون ؟
جوديا : خلووووود !!!
خلود(سكتات شوية) : مغنكدبش عليك ... كنت !! اه كنت وبزاااف ... ولكن دابا عادي معندي حتى احساس جهتو ... دابا لي معمرة بيه راسي هو مستقبلي و بس !!
جوديا : اوا بون كوغاج (هزات الكاس وبدات كتشرب منو وكتشوف فالطبيعة)
خلود (بابتسامة) : ميغسي !!
داز النهار عادي بالنسبة للكل ...تعشاو وكل واحد مشا ينعس ... الا جود لي كيبقا جالس فالجردة ...
#يتبع ...