للسماء قمر و لقلبي أنت

الجزء 135

#للسماء_قمر_ولقلبي_أنت 💙
بقلم : stories and novels
الجزء : 135
سمر (بابتسامة): اوووه ... مزيان ... منين نتا ؟
آدم(عقد حجبانو وكيضحك) : تسناي مزال مكملت
سمر(بابتسامة) : اه .. كمل كمل هههه
آدم : Samar, maybe u're such happy girl when u're around (friends) واخا عارف بلي u got fake ones, but كتخليهم ديما فرحانين, u make smile in their faces! but when u get back home u take off that mask o كتولي so fckin depressed cz حتى شي حد ماعارف ur true face just they thought U're all right o كولاش غادي مزيان but no u're just pretending with im (سمر ، اقدر نتي بنت فرحانة ملي كتكوني وسط صحابك واخا عارف بلي كانو عندك صحاب ماشي تالهيه ، كتخليهم فرحانين وكترسمي البسمة على وجوههم ، ولكن ملي كترجعي للدار كتحيدي الماسك وكتولي مكتآبة حيت تاحد ماعارف وجهك الحقيقي هوما كيصحاب ليهم كولشي مزيان ولكن نتي غير كتبغي تبيني ليهم)
سمر (بقات كتشوف فيه ساهية وهي تبتاسم لا إراديا حيت حسات بهاد الشخص لي قدامها يحال مرايتها): عندك الصح
آدم(وقف كينقز فرحان) : يسسسس ... يسسسس (دوز يدو على شعرو الكثيف ورجع جلس حداها) مممم قولي لي ... شنو فداك الكتاب ؟
سمر(بقات تشوف فالكتاب وزيرات عليه وعاودات شافت فيه) : امممم ...ماشي شي حاجة مهمة ... ونتا ؟(شافت فالكتاب لي هاز)
آدم (هضرتو معكلة وكيبتاسم): اوه ... هادا دافتار كنرسم فيه أي حاجة زاوينة عاجباتني ...(بنظرة ساحرة) بحالك(سكت شوية) ... تبغي تشوفي ؟
سمر(بابتسامة عجبها الحال) : نبغي ههه (شدات الكتاب وبدات كتقلب فالوراق وتشوف على خاطرها وتبتاسم حتى وصلات آخر ورقة مرسومة وكانت ليها وهي تصدم وشافت فيه لقاتو كيشوف فيها ومبتاسم ... شحال كيدخل للخاطر)
آدم : what do you think ? (اش بان ليك ؟)
سمر(باعجاب) : وااعرين بزاف ... vraiment عجبوني ...(سكتات شوية) ولكن مقلتي ليا والو عليك؟
آدم(هز راسو للسما كيضحك حتى بانو سنانو مستفين وبيضين وتفاحة آدم كتهز وتحط بشوية) : هههه أنا آدم ... 17 سنة راكي عارفاها (شاف فيها) ... ممم ساكن فتركيا وكنجي أنا وخويا أمير باش ندوزو الصيف هنايا فالموغريب ... مممم صافي ههههه
سمر(هزات حواجبها) : مممممم ... ولكن ... علاش طاطا ؟
آدم (سكت شوية وجاوب بابتسامة صفرة): بلاد بابا ... الله يرحمو
سمر (بحزن وحطات يدها على كتفو): اوه ... الله يرحمو
آدم (بابتسامة وحفرة الزين باينة): أمين ...
سمر(بغات تبدل الهضرة) : قلتي لي عندك خوك ياك ؟ فينو مبانش ليا ؟
آدم : اااه أمير ...كاين فأكادير ...(كيهضر ويعبر بيديه) هو ماشي بحالي مكيعجبوهش البلايص هكاا .. كيبغي مدينة وطونوبيلات والديور ... عكسي أنا كتعجبني الطبيعة
سمر(السيدة طمعات 😂) : اااه ...
آدم : هو طبيب ...خدام فتركيا ... ساكن بوحدو وكيجي يشوفنا غير فالويكاند
سمر(باعجاب) : هممممم ... (سكتات شوية) نتوما ؟ شكون نتوما ؟
آدم : أنا وماما هههه ...مقلتيليش ... شنو كديري هنا ؟
سمر : (شرحات ليه لاش جاو ... وقرر يعاونها وبقاو مدة طوييييييلة وهوما كيتناقشو تقريبا 3 ساعات ... وبقا معاها حتى كملو داكشي وخدم معاها من نيتو )
سمر(بقات كتشوف فيه وكتحقق فيه وتشوف فلون عينيه وشعرو لي كل مرة كيرجعو للور والضحكة الجذابة لي مكتفارقوش ولي كيترسمو معاها الغمازات لي فحنكو) : فخبارك كان عندي صديق سميتو جود ... كان بحال خويا وقريب ليا بزااف .. (دوزات طراف صباعها على عينيه ودازت لنيفو عاد فمو) نتا كتشبه ليه بزاف بزاف
آدم (بخجل حتى ولا حمر): ههههههه ... تمام من هضرتك باينة مبقاش ... (حك جبهتو باحراج وشاف فيها وقال بحماس) ولكن أنا كاين هناا ... أنا نكون لي بغيتي صاحبك صاحبتك خوك ختك .. لي بغيتي
سمر(فرحات وهي تعنكش ليه شعرو بلا شعور) : ههههه ويتك ويتك
آدم : لا لا ههههه yapma (ماديريهاش)
سمر (بقات كتجبد ليه حناكو وكتهرو): ههههههههه ... (حبسات وهي تجمع الوقفة) يالاه خاصني نمشي ...تعطلت ههههه
آدم (جمع الضحكة): فين غادة ؟ مزال الحال ؟
سمر : لا خاصني نمشي يالاه نوصل ... (عنقاتو وباستو فحنكو وشافت فيه بابتسامة) حتال غدا ... باااي (مشات بلا متلفت)
آدم (تصدم وهو يوقف بقا كيعيط ليها): اجيييي ... مقلتيليش فين ساااكنة ؟؟ ... سمااااار ... (ضرب يدو مع يدو )مشات .. (بغا يرجع بلاصتو وهو يبان ليه دفتارها لي كانت هازاه نساتو ... تردد باش يحلو ... وتفكر فاش سولها مبغاتش تقوليه شنو فيه وقرر يحتارم خصوصياتها ومقراهش وخلاه عندو حتى يتلاقا بيها غدا )
أما سمر مشات بحال شي فراشة فرحاااانة وحسات ولأول مرة من بعد الحادثة بالفرحة والسرور ... فاش شافت آدم كان بان ليها البلان فيه وتستاغلو ماديا ولكن فاش هضرات معاه وتقربات ليه حسات بيه بحال خوها لي معندهاش ... دخل ليها للخاطر ديالها وتنازلات على الفكرة اللولة ...
#يتبع