للسماء قمر و لقلبي أنت

الجزء 70

#للسماء_قمر_ولقلبي_أنت 💙
بقلم : stories and novels
الجزء : 70
... ضور راسها للقدام وهو يقول بصوت خشن «ما حدث في الماضي يبقى في الماضي» وابتاسم ليها ...شافت قدامها وبانو ليها كاع لي قراب ليها ومعاهوم شي وحدين مكتعرفهومش ... كانو لابسين البيض وهازين فيديهم ورود بجميع الألوان ... وكانو كاملين ضاحكين من القلب وطايح عليهم السر ... نديم و جواد وغيثة ورقية وعصام وكريم وحبيب الدين وشي وحدين اخرين مكتعرفهومش منهم بنات ودراري ولكن رتاحت ليهم وفرحات بزاااف فاش شافتهم يالاه بغات تمشي لعندهم وهو يحبسها سيف عنقها من كتافها وداها لواحد الشجرة معلقة فيها مراية وهي مفاهمة والو ... شافت فالمرايا وهي تخلع من راسها كانت لابسة كولشي كحل ووجها شااااحب ... مد ليها سيف واحد الكسوة ناصعة البياض وهو يقول ليها «وحده الأبيض يليق بك» خدات الكسوة ولبساتها وبتاسمات ليه شدات فيديه ورجعو عندهم ... جا عندها واحد الدري يكون قدها ولا صغر زوين وشعرو قهوي ومبتاسم مد ليها الورد وعنقها عناق حاااار وفسح ليها المجال وجاو لوخرين كيعنقو فيها واحد مورا واحد فرحااانين بيها و سيف واقف موراهم مربع يديه ومبتاسم ابتسامة خفيفة ... سالات التعناق والبوسان ورجعات شافت فسيف وهو يحل يديه ومشات كتجري تلاحت عنقاتو وعينيها مسدودين ... بقاو على ديك الوضعية وهي تحل عينيها وبانو ليها دوك لي لابسين الكحل فالتحت بعاااد عليهم ... كيغرقو فالدم كااملين وهوما تشعل فيهم العافية وخلات فيهم غير الرماد وداك الرماد بقا كيتحرك حتى تشكل على شكل جملة «الماضي لا يموت» 🕷 ...
سمر فيقيي !!!!
سمر (حلات عينيها قافزة ومخلوعة وبان ليها سيف حداها بقات كتشووف فيه مصدومة)
سيف (باستغراب): مالكي ؟؟؟؟
سمر (بقات كتشووووووووووف فيه شي شوفات)
سيف(كيدوز يديه حدا وجهها) : هييهووو ... مالكي ؟
سمر (عاد فاقت من الگلبة ورجعات للواقع) : لا والو ... (شدات نيفها بقرون صباعها بتعب)غير حلمة
سيف : خير وسلام ... باش حلمتي ؟
سمر (رجعات تاني كتشوف فيه شحااال) : ماشي شي حاجة ...
سيف (حط يدو على كتفها) : متأكدة ؟
سمر (شافت فيديه ورجعات شافت فيه) : اه ... باش عرفتيني هنا ؟
سيف (باستغراب) : هادي هي البلاصة لي كتكوني فيها بزاف ... خصوصا الا كنتي مقلقة
سمر (سدات عينيها ورجعات راسها للور وتنهدات تنهيدة حارة) : ممممم
سيف : مالك ؟؟
سمر (حلات عينيها شافت فيه وباقي بنفس الوضعية) : علاه اش غيكون بيا ؟
سيف : كنعرفك ملي كتجي هنا كتكون بيك شي حاجة ... شنو مقلقك ؟
سمر(رجعات كتشوف قدامها وسكتات شحال عاد جاوبات ونبرة ألم فصوتها) : توحشت بابا
سيف(سكت شحال) : من ديما كنبغي نسولك وكنخافك تقلقي ولا ضوري فيا ...
سمر : سول
سيف : شنو وقع لباباك واش مات ولا شنو ؟
سمر (شافت فيه) : معرفت ... بحالي بحالك ... فقنا واحد الصباح مالقيناهش ومشا معاه كولشي (رجعات شافت قدامها) معرفناه ميت ولا حي واش بخير ولا لا (هزات كتافها وشافت فيه) تا حد معارف
سيف : شوفي الا كان باقي حي راه غيجي واحد النهار لي غتشوفيه ... أما الا مات فماعليك الا تدعي معاه بالرحمة
سمر : كنحس براسي بوحدي ضايعة بلا بيه ... مبقيت عرفت شكون أنا واش كندير هنا وعلاش وكيفاش (سكتات شوية وهي ضحك) قلبتها دراما كويين تاني ...نسااا
سيف (بقا كيشووف فيها وكيتعجب لكيفاش كتقدر تخبي آلامها): نگولك واحد الحاجة ومتقلقيش ؟
سمر : على حسب اش غتقول ... ههههه غا كنضحك قول لي عجبك أنا مولفة
سيف : نساي لي فات وحاولي تقبلي الوضع لي تحطيتي فيه كوني بحال الما وفينما حطك القدر سايريه ... أما الا بقيتي كتندبي مغينفعك بوالو
سمر( بقات كتشوف فيه مصدومة ... الكلام لي قال دابا كيشبه لي قال ليها فالحلم)
سيف :مالك ؟؟
سمر(بارتباك) :لا والو
سيف: اوا يالاه نمشيو راه ماماك غتخلع عليك
سمر(ببرود) : تؤ تؤ ... مولفة كنتعطل
• عم الصمت لدقيقة ... جوج ... تلاتة ... هووب ولات 15 دقيقة وهوما ساكتين •
سمر (قررات تكسر الصمت) : سيف
سيف (تلفت لبها مصدوم قليل فاش كتعيط ليه بسميتو) : نعام
سمر (شافت فيه) : شكراا ... شكرا بزاف ... يعني على الصباح ... اووف مكنعرفش لهاد لبلانات المهم
سيف : هههههه غا بشوية عليك ...مممم لي كنفهم منك هو مبقيتيش مكتحملينيش ؟
سمر (كتعبر بيديها): وا هووو ماشي مبقيتش مكنحملكش كاااع ولكن كنحاول نصرطك واخا صراحة صعييبة عليا ولكن معندي مندير بزز مني حيت بان ليا غنبقى نشوف كمارتك 24/24 ... هههههه غا كنضحك معاك صراحة فاللول محملتكش جيتيني تقييل ومكدخلش سوق راسك اوووف ولكن من بعد غا قتلني الملل وكتجي قدامي ونانتا بخبيزتك كنتي كتجبدني
سيف : ههههههه واخا ا لالة ندوزوها ماشي مشكل ... اشنو دابا هي تصالحنا ؟ (مد ليها يديه)
سمر(بابتسامة وصافحاتو) : تصالحنا ..
سيف (ناض) : يالاه دابا للدار
سمر (وقفات) : يالاه زيد
•خرجو الأبطال باتجاه ديورهم وهما فرحانين وكيجمعو ويضحكو ويتمازحو ويتناگرو بكل عفوية متسوقو لا للناس لا للوقت لا تا حاجة •
سيف : مكانش فخباري كتخافي ههههههه صدمتيني
سمر : كنخاف ؟ أنا ؟ مناش ؟
سيف : ملي حبسوك فالطواليت واااا هههههههههه
سمر : الااااا مخفتش حيت حبسوني خفت من سراق الزيت
سيف : 😂😂😂😂😂😂😂😂😂😂😂😂😂😂😂😂😂😂
سمر(مخبية الضحكة) : اوا ها التبرهيش متخلينيش ندم حيت عاودت ليك ياء
سيف : ههههههههههههه صافي صافي هههههههههه
سمر : تهجرووو ويلي ... هاحنا وصلنا يالله تلاح
سيف : ههههههههههه لا بزاف نتي 😂😂😂
سمر : بغيتهم يضحكو عليك ان شاء الله تفوو (دخلات لدارهم وخلاتو ميت عليها بالضحك)
#يتبع